„Hver vill kaupa óvissu?“ spyr Gunnar Ormur
Gunnar Ormur Bíldal (57) setti sig í samband við Dreifarann á dögunum og sagðist yfir sig hneykslaður. Gormur, eins og hann er oftast kallaður, hefur fengist við eitt og annað í gegnum tíðina. „En síðustu misserin hef ég verið í ferðaþjónustu, það er svo helvíti mikill vaxtarbroddur í því dæmi öllu saman.“
Hvernig gengur hjá þér í ferðaþjónustunni? -Ég skal nú segja þér það vinur að ég er ekki með nein próf upp á vasann í ferðaþjónustunni en þetta seiglast einhvern veginn hjá manni. Það er svo sem ekki mikið upp úr þessu að hafa ef maður er heiðarlegur og borgar af þessu eins og til er ætlast, þú skilur, hahahahaha.
Hvernig ferðaþjónustu ertu með? -Ja, ég kom mér upp svona útsýnispalli hér inni í dal og geri svona mest út á fuglaskoðun yfir daginn en norðurljósasýningar þegar skyggja tekur. Það þarf ekki að borga listamanninum krónu sem sér um þær sýningar, hahahahaha. Það er nú meiri munurinn.
Einmitt. En hvað segirðu, þú ert hneykslaður á samkeppnisaðilum þínum? -Já, heldur betur lagsmaður. Og mikið af þessu liði er alveg sprenglært í allskonar ferðaþjónustufræðum, með próf í já, kannski, jaa... ferðaþjónustu og jafnvel viðburðahaldi alls konar, ha? Heldurðu að það sé nú!? En svo er þetta lið bara að bjóða upp á einhverjar óvissuferðir, ha!? Hahahaha. Hvers lags eiginlega er þetta!?
En eru þetta ekki vinsælar ferðir? -Nei andskotinn, hver vill kaupa óvissu? Það sem ég er að segja er að þetta er sprenglært fólk kannski og það getur ekki skipulagt ferð, það er ekkert búið að pæla í hvað á að gera. Hahahahaha. Það er bara óvissa... skilurðu ekki hvað ég er að fara!?
Nei Gormur, þú ert örugglega að misskilja þetta eitthvað. Þetta eru alla jafna mjög vel skipulagðar ferðir, það eru bara þeir sem taka þátt í óvissuferðinni sem vita ekki hvað gerist í ferðinni því það á að koma þeim á óvart. -Jájá og hvernig eiga Björgunarsveitirnar já og Landsbjörg að vita hvar þetta lið er statt ef það týnist einhverstaðar á fjöllum í óvissufe... ha? En, en já, þú meinar að þetta sé skipulagt fyrir fram?
Ég er að segja það já. -Já, jújú það er náttúrulega út af fyrir sig ágætt sko, en en ég hef séð þetta lið vinur og ég treysti því sko ekki fyrir horn. Það er bara þannig og þetta er bara hneyksli sko hvernig þetta fólk hagar sér. Sprenglært lið sem hefur aldrei migið í saltan sjó.
Fleiri fréttir
-
Skatastaðavirkjun í Skagafirði | Steinar Skarphéðinsson skrifar
feykir.is Skagafjörður, Aðsendar greinar 04.05.2024 kl. 14.07Skatastaðavirkjun er hugsuð til þess að virkja Austari Jökulsá í Skagafirði. Uppsett afl virkjunar er 156 MW, orkugeta 1090 GWh/ár. Til þess að svo megi verða þarf að skapa uppistöðulón á hálendinu í um 700 metra hæð yfir sjávarmáli. Þetta lón kæmi til með að verða um það bil 26,3 km2eða um það bil helmingi minna en Blöndulón. Öll aðrennslisgöng að og frá stöðvarhúsi eru fyrirhuguð neðanjarðar þannig að með góðum frágangi ættu ekki að verða mikil náttúruspjöll.Meira -
Nýframkvæmdir fyrir einn og hálfan milljarð á árinu
feykir.is Skagafjörður, Mannlíf, Lokað efni 04.05.2024 kl. 13.55Feykir sendi Sigfúsi Inga Sigfússyni, sveitarstjóra Skagafjarðar, spurningar þar sem forvitnast er um nokkur helstu verkefni sveitarfélagsins og mál sem verið hafa í umræðunni, eins og byggingu menningarhúss á Sauðárkróki og íþróttahús við Grunnskólann austan Vatna. „Verkefnin eru mörg og margvísleg en framkvæmdir eru eitthvað sem flestir hafa áhuga á,“ segir Sigfús Ingi þegar hann er spurður út í helstu verkefni ársins hjá Skagafirði...Meira -
Aþena nældi í sigur þrátt fyrir magnaða endurkomu Stólastúlkna
feykir.is Skagafjörður, Íþróttir 04.05.2024 kl. 12.33„Við erum staðráðnar í að svara fyrir okkur á þriðjudaginn og ég skora á alla Tindastólsmenn að mæta í Síkið og fylkja sér að baki okkar og aðstoða okkur við að vinna þann leik svo við getum farið í hreinan úrslitaleik eftir það,“ sagði Helgi þjálfari Margeirs eftir grátlega naumt tap gegn liði Aþenu í Breiðholtinu í gærkvöldi. Eftir magnaða endurkomu Stólastúlkna þar sem þær unnu upp níu stiga mun á 85 sekúndum undir lok leiksins þá var það Sianni Martin sem gerði sigurkörfu Aþenu með erfiðu skoti sem hún setti í. Lokatölur 80-78.Meira -
Minnisvarði um örlög séra Odds og Solveigar afhjúpaður
feykir.is Skagafjörður, Listir og menning 04.05.2024 kl. 11.42Frá því Agnar Gunnarsson flutti í Miklabæ í Blönduhlíð fyrir tæplega fjörtíu árum hafa honum verið hugleikin hin dapurlegu örlög sr. Odds og Solveigar. Agnar segir söguna af þeim hafa á sér þjóðsagnablæ, sem hefur lifað allt frá síðari hluta 18.aldar. Agnari langaði að minningu þeirra yrði haldið á lofti inn í komandi tíma og hefur af því tilefni látið gera minnisvarða sem vígður var við hátíðlega athöfn laugardaginn 27. apríl.Meira -
,,Ég finn alltaf eitthvað fallegt þar sem mér langar til að gera,,
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 04.05.2024 kl. 09.12Kristín Lind Sigmundsdóttir er 24 ára gömul og er búsett á Króknum ásamt kærastanum sínum honum Hauki Ingva og litlu stelpunni þeirra Kötlu Daðey. Kristín Lind vinnur á Heilbrigðisstofnun Norðurlands vestra og er að klára sjúkraliðanám.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.