Draumur Stólastúlkna varð ekki að veruleika þetta vorið
Lið Tindastóls gerði fyrstu körfu leiksins, komst síðan í 12-5 en gestirnir svöruðu með tómum þristum og náðu þannig í skottið á Stólastúlkum á ný. Staðan eftir fyrsta leikhluta var 19-18 en eftir það skiptust liðin á um að hafa forystuna. Lið Aþenu var yfir í hálfleik, 33-36, en áfram héldu liðin að malla í síðari hálfleik.
Brynja Líf skellti í þrist og kom liði Tindastóls fjórum stigum yfir, 51-47, þegar tæpar tvær mínútur voru eftir af þriðja leikhluta en þá náði Aþena 1-8 kafla og var því enn þremur stigum yfir þegar fjórði leikhluti hófst. Staðan 52-55. Seinni þristur Brynju kom liði Tindastóls yfir, 65-62, þegar fimm mínútur voru eftir af leiknum og við tóku naglbítamínútur þar sem lið Aþenu reyndist sterkara á taugasvellinu.
Andriana var stigahæst í liði Tindastóls með 21 stig, Ifu skilaði 15 stigum og átta fráköstum og Emese gerði 14 stig og tók 11 fráköst. Klara Sólveig og Brynja Líf voru báðar með átta stig en aðrar minna. Sianni Martin gerði 25 stig fyrir Aþenu og tók níu fráköst, Zieniewska gerði 15 stig og Kubrzeniecka 13.
Til hamingju Aþena!
Fleiri fréttir
-
Minni halli á Skagaströnd en áætlanir gerðu ráð fyrir
feykir.is Austur-Húnavatnssýsla 19.05.2024 kl. 12.08Húnahornið segir frá því að Sveitarfélagið Skagaströnd hafi skilað 46,8 milljón króna neikvæðri rekstrarniðurstöðu í fyrra en síðari umræða um ársreikning sveitarfélagsins 2023 fór fram á sveitarstjórnarfundi þann 10. maí sl. Niðurstaðan var þó 8,7 milljónum króna betri en áætlun með viðaukum haft gert ráð fyrir.Meira -
Vantaði upp á orkustigið og stemninguna
feykir.is Skagafjörður, Íþróttir 19.05.2024 kl. 12.01„Þetta var ekkert sérstakur leikur af okkar hálfu og við getum betur, sérstaklega með boltann,“ sagði Donni þjálfari Stólastúlkna þegar Feykir spurði hann út í bikarleikinn gegn liði Þórs/KA sem fram fór í gær en Akureyringar höfðu betur 1-2. „Vissulega spila aðstæður stóran þátt því það var mikill vindur á annað markið. En jafnvel með vindinum fannst mér pláss til að gera betur. Úrslitin voru svekkjandi og sanngjörn en frammistaðan er það sem við horfum í og þar viljum við gera betur.“Meira -
Gjöf foreldrafélagsins til Leikskóla Húnabyggðar
feykir.is Austur-Húnavatnssýsla, Mannlíf 19.05.2024 kl. 11.27Á dögunum afhenti Foreldrafélag Leikskóla Húnabyggðar leikskólanum að gjöf tvær barnakerrur fyrir 4-6 börn. Í tilkynningu frá Foreldrafélagi Leikskóla Húnabyggðar segir að hugmyndin sé að þær nýtist sérstaklega yngstu deild leikskólans sem nú er til húsa við Húnabraut 6 og auðveldi þannig heimsóknir þeirra upp í aðalbyggingu leikskólans. Ein 6-barna kerra hefur nú þegar verið afhent og von er á annarri 4-barna kerru í sendingu á komandi vikum.Meira -
„Get talað endalaust um kaffi“
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 19.05.2024 kl. 09.00Vala tekur á móti blaðamanni Feykis á heimili sínu, Páfastöðum 2 í Skagafirði, þar sem þær Vala Stefánsdóttir og Rannveig Einarsdóttir hafa búið sér fallegt heimili og eru langt komnar með að útbúa litla kaffibrennslu í skúrnum sem á sumum heimilum er byggður fyrir bíla. Vala hefst strax handa við að útbúa kaffi handa blaðamanni, sem er venjulegur leikmaður þegar kemur að kaffi – kaupir Grænan Braga í búðinni og hellir upp á kaffi í venjulegri kaffivél og hellir því svo á brúsa, drekkur það svo svart og sykurlaust. Það er ekki ferlið sem Vala tekur blaðamanninn með sér í. Hún byrjar á að setja kaffibaunir í kvörn, sem koma frá samnefndu fyrirtæki, Kvörn, sem Vala er hluthafi í. Hún hellir „upp á gamla mátann“ eins og blaðamaður hefur heyrt sagt um aðferðina hennar Völu. Hún malar kaffið í kvörninni og hellir svo soðnu vatni yfir það. Það er kúnst, því bleyta þarf fyrst upp í öllu kaffinu og hægt er að segja til um ferskleika kaffisins eftir loftbólumynduninni þegar vatnið fer yfir kaffið. – Það er vel hægt að fullyrða að fyrir Völu er kaffi ekki bara kaffi.Meira -
Lagfæringar á gervigrasvellinum komnar á fullt
feykir.is Skagafjörður, Íþróttir 18.05.2024 kl. 22.12Það horfir til betri vegar á gervigrasvellinum á Króknum en hann varð fyrir skemmdum fyrir um fjórum vikum síðan í all harkalegum vorleysingum. Viðgerðir hófust í gærmorgun en í frétt á síðu Skagafjarðar segir að á meðan á viðgerðum stendur verður hluta vallarins lokað en hægt verður að æfa á þeim hluta sem ekki varð fyrir skemmdum.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.