1. apríl liðinn og margir anda léttar
Í dag er 2. apríl og gaman að velta aðeins fyrir sér hvort margir hafi hlaupið 1. apríl í gær. Fréttamiðlar fara oft af stað með lygavefi og fá fólk til að hlaupa af stað til þess að nýta sér eitthvað stórgott tilboð eða sjá eitthvað sem hefur rekið á fjörur á áður óséðum stöðum. Á meðan aðrir sjá í gegnum platið eru alltaf einhverjir sem falla í gildruna.
Má til dæmis velta fyrir sér hvort Hólmfríður Sveinsdóttir rektor Háskólans á Hólum hafi fallið í gildruna í gær þegar sagt var fá því á eidfaxi.is að Magnús Bragi Magnússon bóndi á Íbishóli hefði á dögunum verið ráðinn til starfa hjá RML sem ræktunarleiðtogi íslenska hestsins. Magnús Braga þekkja flestir sem fylgjast með hestamennsku, hann hefur starfað sem hrossaræktandi og tamningamaður í áratugi á Íbishóli í Skagafirði. Í samtali við Eiðfaxa segist Magnús vera spenntur fyrir nýja starfinu.
Hólmfríður deildi svo fréttinni þar sem hún sagðist hlakka til að mæta til vinnu á morgun og bætti því við að það þyrfti ekki að óttast lognmollu og stöðnun á Hólum í framtíðinni. Ætla má að Hólmfríður hafi verið með þessari deilingu að taka þátt í gríninu.
En hvaðan er sá siður kominn að vera með grín og hrekki þann 1. apríl. Samkvæmt heimildum blaðamanns eftir stutta ferð um internetið kemur fram að um er að ræða margra alda gamlan sið sem líklega má rekja til Evrópu á miðöldum en þá tíðkaðist að halda upp á nýtt ár á vorjafndægri 25. mars. Samkvæmt fornri hefð stóðu merkar hátíðir í átta daga og 1. apríl var því áttundi og síðasti dagur nýárshátíðarinnar. Nýárið var fært til 1. janúar seint á 16. öld en ærslin og gamanið héldu áfram að tengjast þessum apríldegi þó þau væru ekki lengur hluti af nýárshátíðahöldum.
En tekið skal fram að ef á að láta einhvern hlaupa apríl er nauðsynlegt er að láta fólk fara yfir þrjá þröskulda til að aprílhlaupið sé fullgilt. Sumir segja þó nóg sé að fara þrjá faðma eða yfir einn þröskuld. Spurning hvort að aprílgabbið hjá Eiðfaxa sé þá fullgilt ef engin voru hlaupin, nema einhver hafi tekið á sprett til að segja tíðindin.
Feykir var alveg saklaus af falsfréttum í gær.
Fleiri fréttir
-
Grunnskólinn austan Vatna komst bara víst í úrslit í Skólahreysti
feykir.is Skagafjörður, Íþróttir 01.05.2024 kl. 18.05Eitthvað klikkuðu reikningskúnstir Feykis í nótt þegar birtar voru niðurstöður í Skólahreysti. Þá var nánast fullyrt að Grunnskólinn austan Vatna í Skagafirði hefði naumlega orðið af sæti í úrslitum keppninnar skemmtilegu – en viti menn; í hádeginu í dag var tilkynnt á Facebook-síðu Skólahreysti að Grunnskólinn austan Vatna hefði sannarlega tryggt sér sæti í úrslitunum. Norðurland vestra er því með þrjá skóla af tólf í úrslitum Skólahreysti og ef það var snilld að eiga tvo skóla af tólf miðað við höfðatölu í nótt hversu geggjað er þá að eiga þrjá skóla í úrslitunum!?Meira -
Hermann Sæmundsson ráðuneytisstjóri fylgir Sigurði Inga sem skugginn
feykir.is Skagafjörður, Mannlíf 01.05.2024 kl. 14.00Fjármála- og efnahagsráðherra, innviðaráðherra og Skagfirðingurinn Hermann Sæmundsson hafa gert með sér samkomulag um flutning Hermanns í embætti ráðuneytisstjóra fjármála- og efnahagsráðuneytisins og mun hann taka við frá og með 1. maí 2024. Hemmi Sæm, sem er sonur heiðurshjónanna Sæmundar Hermannssonar frá Ysta-Mói í Fljótum og Ásu Helgadóttur, sem bæði eru látin, er alinn upp á Skagfirðingabrautinni á Króknum.Meira -
Grillaður fiskur og tiramisu
feykir.is Skagafjörður, Austur-Húnavatnssýsla, Vestur-Húnavatnssýsla, Í matinn er þetta helst, Lokað efni 01.05.2024 kl. 12.40Matgæðingar vikunnar í tbl 24 í fyrra voru Ágúst Andrésson, þá forstöðumaður Kjötafurðastöðvar KS, og Guðlaug Kristín Pálsdóttir, sérfræðingur á Brunavarnasviði HMS. Ágúst og Guðlaug búa saman á Sauðárkróki og er Gústi borinn og barnfæddur í Skagafirði, nánar tiltekið á Bergstöðum, en Gulla ólst upp í Reykjavík og fluttist á Sauðárkrók í miðju Covid árið 2020. Þau erum eigendur að Norðar ehf. sem m.a. flytur inn vín frá Moldóvu og Ítalíu og hafa einnig staðið í eigin veitingarekstri og hafa mjög gaman af því að ferðast og borða góðan mat.Meira -
Litla hryllingsbúðin enn lokuð vegna veikinda!
feykir.is Skagafjörður, Listir og menning 01.05.2024 kl. 10.29Í gær tók Leikfélag Sauðárkróks stöðuna varðandi sýningarhald á Litlu hryllingsbúðinni en eins og áður var greint frá í Feyki varð að fresta frumsýningu sl. sunnudag vegna veikinda í leikhópnum. Því miður reyndist staðan þannig að fyrirhugðum sýningum á miðvikudag og föstudag hefur nú verið frestað um óákveðin tíma.Meira -
Úrslit í Vísnakeppni Safnahúss Skagfirðinga
feykir.is Skagafjörður, Aðsendar greinar, Listir og menning 01.05.2024 kl. 09.22Við setningu Sæluviku Skagfirðinga þann 28. apríl sl. voru að venju birt úrslit í vísnasamkeppninni, okkar árlega viðburði, vonandi verður keppnin haldin um ókomin ár. Markmiðið er að fá fólk til að botna fyrirfram gefna fyrriparta og einnig að yrkja vísu eða vísur um líflegt og litríkt forsetaframboð, hafa aldrei fyrr verið jafn margir til kallaðir á þeim vettvangi mun það verðugt rannsóknarefni. Þátttaka í keppninni var nokkuð góð, alls bárust okkur svör frá tíu hagyrðingum.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.