Hagnaður ársins 2023 hjá KS var 5,5 milljarðar króna
Aðalfundur Kaupfélags Skagfirðinga var haldinn í Menningarhúsinu Miðgarði í Varmahlíð þriðjudaginn 23. apríl. Á áttunda tug manna sátu fundinn en kjörnir fulltrúar voru eitthvað á sjötta tuginn auk starfsmanna og gesta. Ekki lágu stórar ákvarðanir fyrir fundinum en fram kom að KS skilaði 5,5 milljarða króna hagnaði árið 2023 en eignir kaupfélagsins voru bókfærðar á 88,6 milljarða í árslok 2023 og eigið fé nam 58,6 milljörðum.
Í frétt á vef Viðskiptablaðsins kemur fram að tekjur KS-samstæðunnar jukust um 4% milli ára og námu 52,6 milljörðum króna á árinu 2023. Rekstrargjöld jukust um 3,7% og námu 44,3 milljörðum. Rekstrarhagnaður fyrir afskriftir (EBITDA) jókst um 4,1% milli ára og nam 8,4 milljörðum.
Ársverk hjá kaupfélaginu sjálfu voru 180 en hjá samstæðunni í heild voru 958 ársverk í fyrra.
Athygli vekur að hagnaður milli ára jókst um 3,8 milljarða en hagnaður KS árið 2022 var um 1,7 milljarðar króna. „Stærsta ástæðan [...] er að gerð var leiðrétting á þýðingarmun í Vinnslustöðinni í Vestmannaeyjum (VSV), sem KS á 32,9% hlut í. Það hafði þau áhrif að eignarhluturinn hækkaði um tæplega 1,8 milljarða að virði. Bókfært verð þriðjungshlutar KS í Vinnslustöðinni hækkaði um þrjá milljarða, úr 10,8 í 13,8 milljarða á milli ára. Þá hafði veruleg lækkun á hlutabréfaverði Iceland Seafood Inter-national árið 2022 neikvæð áhrif á rekstrarreikning KS það árið upp á 2,4 milljarða króna,“ segir í frétt vb.is.
Ásta Pálmadóttir ný inn í stjórn KS
Stjórn KS er kjörin til þriggja ára í senn og var að þessu sinni kosið um tvo, Þorleif Hólmsteinsson frá Þorleifsstöðum og Guðrúnu Sighvats-dóttur frá Sauðárkróki. Var Þorleifur endurkjörinn í stjörn en þar sem Guðrún gaf ekki kost á sér áfram var Ásta Pálmadóttir kjörin í hennar stað. Eftir sem áður er Bjarni Maronsson stjórnarformaður KS en aðrir stjórnar-menn, auk Þorleifs og Ástu, eru Herdís Á. Sæmundardóttir, Sigríður Gunnarsdóttir, Atli Már Traustason og Hjörtur Geirmundsson.
Þá voru kosnir þrír varamenn í stjórn til eins árs; það voru Ingi Björn Árnason á Marbæli, Viggó Jónsson Sauðárkróki og Guðrún Lárusdóttir frá Keldudal.
Samkvæmt upplýsingum Feykis hélt Þórólfur Gíslason kaupfélagsstjóri þrumuræðu á fundinum og blés sínu fólki byr í brjóst. Þá má geta þess að Guðni Ágústsson flutti sömuleiðis ræðu, sló vitaskuld á létta strengi eins og honum er lagið, en hann var á fundinum sæmdur gullmerki KS.
Fleiri fréttir
-
Velkomin heim - Helga Einarsdóttir
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir, Lokað efni 20.05.2024 kl. 09.00Helga Einarsdóttir er yngst þriggja systra, dóttir Lillu frá Stóru Seylu, sem kannski ekki allir vita að heitir Margrét Erna Halldórsdóttir, og Einars Sigurjónssonar sem flutti ungur í Skagafjörðinn úr Garðabænum. Betri helmingur Helgu er hrein- ræktað borgarbarn og heitir Daníel Fjeldsted og eru börnin tvö, Kolbrún Ósk 4 ára og Viktor Einar 2 ára. Helga og Danni eins og hún kallar hann fluttu „heim“ í Helgu tilfelli fyrir rétt tæpu ári síðan. Helga er rekstrarverkfræðingur og starfar hjá Húsnæðis- og mannvirkjastofnun.Meira -
Minni halli á Skagaströnd en áætlanir gerðu ráð fyrir
feykir.is Austur-Húnavatnssýsla 19.05.2024 kl. 12.08Húnahornið segir frá því að Sveitarfélagið Skagaströnd hafi skilað 46,8 milljón króna neikvæðri rekstrarniðurstöðu í fyrra en síðari umræða um ársreikning sveitarfélagsins 2023 fór fram á sveitarstjórnarfundi þann 10. maí sl. Niðurstaðan var þó 8,7 milljónum króna betri en áætlun með viðaukum haft gert ráð fyrir.Meira -
Vantaði upp á orkustigið og stemninguna
feykir.is Skagafjörður, Íþróttir 19.05.2024 kl. 12.01„Þetta var ekkert sérstakur leikur af okkar hálfu og við getum betur, sérstaklega með boltann,“ sagði Donni þjálfari Stólastúlkna þegar Feykir spurði hann út í bikarleikinn gegn liði Þórs/KA sem fram fór í gær en Akureyringar höfðu betur 1-2. „Vissulega spila aðstæður stóran þátt því það var mikill vindur á annað markið. En jafnvel með vindinum fannst mér pláss til að gera betur. Úrslitin voru svekkjandi og sanngjörn en frammistaðan er það sem við horfum í og þar viljum við gera betur.“Meira -
Gjöf foreldrafélagsins til Leikskóla Húnabyggðar
feykir.is Austur-Húnavatnssýsla, Mannlíf 19.05.2024 kl. 11.27Á dögunum afhenti Foreldrafélag Leikskóla Húnabyggðar leikskólanum að gjöf tvær barnakerrur fyrir 4-6 börn. Í tilkynningu frá Foreldrafélagi Leikskóla Húnabyggðar segir að hugmyndin sé að þær nýtist sérstaklega yngstu deild leikskólans sem nú er til húsa við Húnabraut 6 og auðveldi þannig heimsóknir þeirra upp í aðalbyggingu leikskólans. Ein 6-barna kerra hefur nú þegar verið afhent og von er á annarri 4-barna kerru í sendingu á komandi vikum.Meira -
„Get talað endalaust um kaffi“
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 19.05.2024 kl. 09.00Vala tekur á móti blaðamanni Feykis á heimili sínu, Páfastöðum 2 í Skagafirði, þar sem þær Vala Stefánsdóttir og Rannveig Einarsdóttir hafa búið sér fallegt heimili og eru langt komnar með að útbúa litla kaffibrennslu í skúrnum sem á sumum heimilum er byggður fyrir bíla. Vala hefst strax handa við að útbúa kaffi handa blaðamanni, sem er venjulegur leikmaður þegar kemur að kaffi – kaupir Grænan Braga í búðinni og hellir upp á kaffi í venjulegri kaffivél og hellir því svo á brúsa, drekkur það svo svart og sykurlaust. Það er ekki ferlið sem Vala tekur blaðamanninn með sér í. Hún byrjar á að setja kaffibaunir í kvörn, sem koma frá samnefndu fyrirtæki, Kvörn, sem Vala er hluthafi í. Hún hellir „upp á gamla mátann“ eins og blaðamaður hefur heyrt sagt um aðferðina hennar Völu. Hún malar kaffið í kvörninni og hellir svo soðnu vatni yfir það. Það er kúnst, því bleyta þarf fyrst upp í öllu kaffinu og hægt er að segja til um ferskleika kaffisins eftir loftbólumynduninni þegar vatnið fer yfir kaffið. – Það er vel hægt að fullyrða að fyrir Völu er kaffi ekki bara kaffi.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.