Kjúklingur í pestó og heitur grænmetisréttur
Í 12. tölublaði Feykis árið 2015 áttu matgæðingarnir Ingibjörg Jónsdóttir og Guðjón Þórarinn Loftsson á Syðsta Ósi í Miðfirði uppskriftir að kjúklingi í pestó og heitum grænmetisrétti.
„Fyrir valinu varð kjúklingaréttur sem Ingibjörg fékk á veitingastað í Húnaþingi fyrir nokkrum árum og hefur eldað hann reglulega síðan. Að auki heitur grænmetisréttur sem er kjörið að hafa með. Í hann er ekkert heilagt en það sem við gefum upp er þá hráefni sem við oftast notum," segja þau.
Kjúklingur í pestó
Uppskrift fyrir 4
200 g rautt pestó
400 g smurostur
4 kjúklingabringur
salt og pipar
Aðferð:
Skorið er inn í hálfa bringu. Smurosti er smurt inn í bringuna og pestó síðan sett yfir smurostinn. Bringunni er svo lokað. Salti og pipar stráð yfir bringurnar og þær settar í eldfast form. Gott er að setja álpappír yfir formið. Hitað í ofni í 40 mínútur við 180° hita.
Heitur grænmetisréttur
1 laukur
4 kartöflur
sæt kartafla
½ blómkálshaus
1 paprika
1 piparostur
½ poki rifinn ostur
½ peli rjómi
salt og pipar
Aðferð:
Allt hráefnið skorið niður og sett í eldfast mót, rjómi settur jafnt yfir (má einnig setja mjólk). Rifna ostinum stráð yfir. Gott að setja álpappír yfir formið. Hitað í ofni í um 40 mínútur við 180°C.
Með þessu er svo gott að hafa salat og hrísgrjón og er þá kominn fínasti kvöldverður.
Verði ykkur að góðu!
Fleiri fréttir
-
Valið vekur furðu vestan Þverárfjalls
feykir.is Skagafjörður, Austur-Húnavatnssýsla, Vestur-Húnavatnssýsla 26.04.2024 kl. 11.20Heimasíða RÚV flytur fréttir en þar mátti í morgun sjá athyglisverða og skemmtilega úttekt á fótboltavöllum landsins. Þar eru nefndir til sögunnar fótboltavellirnir á Sauðárkróki og á Hofsósi þó svo að þeir ágætu vellir hafi ekki komist í hóp tíu flottustu valla landsins. Blönduósvöllur og Sjávarborgarvöllur á Hvammstanga voru ekki nefndir á nafn í úttektinni og því leitaði Feykir viðbragða hjá Aðdáendasíðu Kormáks og þar stóð ekki á svörum en umsjónarmaður furðar sig á valinu.Meira -
Atli Þór fullkomnar hóp Kormáks/Hvatar
feykir.is Austur-Húnavatnssýsla, Íþróttir, Vestur-Húnavatnssýsla 26.04.2024 kl. 09.44Síðasti dagur félagaskipta í efri deildum Íslandsmótanna í knattspyrnu var nú á miðvikudaginn. Þá bætti lið Kormáks/Hvatar við sig einum leikmanni því Atli Þór Sindrason var síðasta liðsstyrking hópsins fyrir mót.Meira -
Sæluvikan að bresta á
feykir.is Skagafjörður, Listir og menning 26.04.2024 kl. 08.34„Skipulagning Sæluviku gengur vel og viðburðir eru enn að bætast við,“ segir Heba Guðmundsdóttir sem hefur veg og vanda af skipulagningu Sæluvikunnar líkt og undanfarin ár og má því mögulega kalla verkefnastjóra Sæluvikunnar. „Það verða flestir fastir liðir á sínum stað á Sæluviku og mér finnst alltaf vera metnaður og spenna fyrir því að vera með hjá þeim sem skapað hafa þá hefð að standa fyrir viðburði á Sæluviku.“Meira -
Vinnustofa um gerð loftlagsstefnu sveitarfélaga
feykir.is Austur-Húnavatnssýsla, Vestur-Húnavatnssýsla 26.04.2024 kl. 08.32SSNV stóð fyrir vinnustofu í félagsheimilinu á Hvammstanga nú í vikunni um gerð loftlagsstefnu sveitarfélaga í samtarfi við KPMG. Vinnustofan var sérstaklega fyrir Húnavatnssýslur. Góð þátttaka var á vinnustofunni og áhugaverðar umræður sköpuðust.Meira -
Áfram Hvöt er nýtt stuðningsmannalag þeirra hvítu og rauðu
feykir.is Austur-Húnavatnssýsla, Listir og menning 26.04.2024 kl. 07.47„Ungmennafélaginu Hvöt hefur lengi vantað gott stuðningsmannalag en þónokkur ár eru síðan Ekki vera löt, allir í Hvöt kom út. Þegar ég hafði samband við Einar Örn og Baldur síðsumars 2023 stóð ekki á svörum. Úr varð þessi frábæri hittari sem mun án efa fá góðar viðtökur hjá félagsmönnum Hvatar, íbúum Húnabyggðar og bara öllum öðrum. Áfram Hvöt!” segir Grímur Rúnar Lárusson, formaður Ungmennafélagsins Hvatar, í færslu á Facebook-síðu Umf. Hvatar þar sem nýtt stuðningsmannalag, Áfram Hvöt, er kynnt til sögunnar.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.