Kosið á fjórtán stöðum á Norðurlandi vestra
Í dag ganga landsmenn að kjörborði og kjósa sér fulltrúa í sveitarstjórnir landsins. Valmöguleikarnir eru mismargir, allt frá einum sem þá telst sjálfkjörinn upp í meters langan lista með 16 framboðum líkt og gerist í höfuðborginni okkar. Í landinu er 71 sveitarfélag og eru um 248 þúsund manns á kjörskrá.
Á Norðurlandi vestra bjóða 13 listar fram í fimm sveitarfélögum en að auki er persónukjör í tveimur sveitarfélögum, Akrahreppi og í Skagabyggð. Í Húnaþingi vestra bjóða tveir listar fram, B-listi Framsóknar og annarra framfarasinna og N-listi Nýs afls. Í Húnavatnshreppi bjóða þrír listar fram, A-listi, Listi framtíðar, E-listi Nýs afls og N-listi Nýs framboðs. Á Blönduósi eru listarnir tveir, L-listi, Listi fólksins og Ó-listi Óslistans og á Skagaströnd bjóða fram tveir listar, Ð-listi, Við öll og H-listi, Skagastrandarlistinn. Í Skagafirði stendur valið milli fjögurra lista, B-lista Framsóknarflokks, D-lista Sjálfstæðisflokks, L-lista Byggðalistans og V-lista Vinstri hreyfingarinnar græns framboðs og óháðra.
Kjörfundir verða opnir sem hér segir:
Í Húnaþingi vestra opnaði kjörfundur í Félagsheimilinu á Hvammstanga klukkan 9:00 í morgun og stendur hann til 22:00.
Í Húnavatnshreppi hófst kjörfundur í Húnavallaskóla klukkan 11:00 og er stefnt að því að honum ljúki klukkan 19:00.
Kjörfundur á Blönduósi hófst klukkan 10:00 í Íþróttamiðstöðinni í norðursal, gengið er inn á móts við Kjörbúðina. Kjörfundi lýkur klukkan 22:00.
Í Skagabyggð hefst kjörfundur í Skagabúð klukkan 12:00. Stefnt er að því að kjörfundi ljúki kl.17:00.
Kjörfundur í Sveitarfélaginu Skagaströnd fer fram í Fellsborg og hófst hann klukkan 10:00 og lýkur klukkan 21:00.
Í Akrahreppi hefst kjörfundur í Héðinsminni klukkan 12 á hádegi.
Í Sveitarfélaginu Skagafirði eru átta kjördeildir:
Í Félagsheimilinu Skagaseli, þar kjósa íbúar fyrrum Skefilstaðahrepps – kjörfundur hefst kl. 12:00.
Í Bóknámshúsi FNV, þar kjósa íbúar Sauðárkróks og fyrrum Skarðs- og Rípurhrepps, kjörfundur hófst kl. 09:00.
Í Félagsheimilinu Árgarði, þar kjósa íbúar fyrrum Lýtingsstaðahrepps, kjörfundur hefst kl. 12:00.
Í Grunnskólanum að Hólum, þar kjósa íbúar fyrrum Hóla- og Viðvíkurhrepps, kjörfundur hófst kl. 10:00.
Í Höfðaborg Hofsósi, þar kjósa íbúar fyrrum Hofshrepps, kjörfundur hófst kl. 10:00.
Í Grunnskólanum á Sólgörðum, þar kjósa íbúar fyrrum Fljótahrepps, kjörfundur hefst kl 12:00.
Í Varmahlíðarskóla, þar kjósa íbúar fyrrum Staðar – og Seyluhrepps, kjörfundur hófst kl. 10:00.
Í Heilbrigðisstofnuninni á Sauðárkróki, kjörfundur hófst kl. 13:00.
Kjörfundi má slíta 8 klst. eftir að kjörfundur hefst, enda sé þá hálf klukkustund liðin frá því að kjósandi gaf sig síðast fram, og hvenær sem er ef allir sem á kjörskrá standa hafa greitt atkvæði.
Kjörfundi má einnig slíta fimm klukkustundum eftir opnun ef öll kjörstjórnin er sammála um það, enda sé þá hálf klukkustund liðin frá því að kjósandi gaf sig síðast fram.
Kjörfundi skal slitið eigi síðar en kl. 22:00
Fleiri fréttir
-
Samningur undirritaður um styrk til tækniaðstöðu á Hvammstanga
feykir.is Skagafjörður, Austur-Húnavatnssýsla, Vestur-Húnavatnssýsla 26.04.2024 kl. 19.01SSNV og Húnaþing vestra hafa undirritað samning vegna styrks til uppsetningar á tæknimiðstöð í anda FabLab smiðju í samfélagsmiðstöð í Félagsheimilinu á Hvammstanga að upphæð 10.500.000 kr. Fram kemur í frétt á síðu SSNV að verkefnið snýst um að koma upp nýsköpunar-, viðgerða- og þróunaraðstöðu fyrir íbúa á svæðinu, sem og aðstöðu fyrir félagsstarf.Meira -
Valið vekur furðu vestan Þverárfjalls
feykir.is Skagafjörður, Austur-Húnavatnssýsla, Vestur-Húnavatnssýsla 26.04.2024 kl. 11.20Heimasíða RÚV flytur fréttir en þar mátti í morgun sjá athyglisverða og skemmtilega úttekt á fótboltavöllum landsins. Þar eru nefndir til sögunnar fótboltavellirnir á Sauðárkróki og á Hofsósi þó svo að þeir ágætu vellir hafi ekki komist í hóp tíu flottustu valla landsins. Blönduósvöllur og Sjávarborgarvöllur á Hvammstanga voru ekki nefndir á nafn í úttektinni og því leitaði Feykir viðbragða hjá Aðdáendasíðu Kormáks og þar stóð ekki á svörum en umsjónarmaður furðar sig á valinu.Meira -
Atli Þór fullkomnar hóp Kormáks/Hvatar
feykir.is Austur-Húnavatnssýsla, Íþróttir, Vestur-Húnavatnssýsla 26.04.2024 kl. 09.44Síðasti dagur félagaskipta í efri deildum Íslandsmótanna í knattspyrnu var nú á miðvikudaginn. Þá bætti lið Kormáks/Hvatar við sig einum leikmanni því Atli Þór Sindrason var síðasta liðsstyrking hópsins fyrir mót.Meira -
Sæluvikan að bresta á
feykir.is Skagafjörður, Listir og menning 26.04.2024 kl. 08.34„Skipulagning Sæluviku gengur vel og viðburðir eru enn að bætast við,“ segir Heba Guðmundsdóttir sem hefur veg og vanda af skipulagningu Sæluvikunnar líkt og undanfarin ár og má því mögulega kalla verkefnastjóra Sæluvikunnar. „Það verða flestir fastir liðir á sínum stað á Sæluviku og mér finnst alltaf vera metnaður og spenna fyrir því að vera með hjá þeim sem skapað hafa þá hefð að standa fyrir viðburði á Sæluviku.“Meira -
Vinnustofa um gerð loftlagsstefnu sveitarfélaga
feykir.is Austur-Húnavatnssýsla, Vestur-Húnavatnssýsla 26.04.2024 kl. 08.32SSNV stóð fyrir vinnustofu í félagsheimilinu á Hvammstanga nú í vikunni um gerð loftlagsstefnu sveitarfélaga í samtarfi við KPMG. Vinnustofan var sérstaklega fyrir Húnavatnssýslur. Góð þátttaka var á vinnustofunni og áhugaverðar umræður sköpuðust.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.