Landsmótið hafið á Sauðárkróki
Landsmótið á Sauðárkróki hófst í morgun með þriggja tinda göngu en þar er eiga þátttakendur að ganga á þrjá fjallstoppa, Mælifellshnjúk, Tindastól og Molduxa, innan tólf klukkustunda. Klukkan 10 hefst svo pútt fyrir alla á Hlíðarendavelli en þar er ekki krafist skráningar og allir geta tekið þátt. Morgundagurinn verður svo þéttskipaður dagskrá frá morgni til kvölds.
Reyndar segir Pálína Hraundal á heimasíðu UMFÍ að fólk þurfi ekki endilega að ganga á alla tindana þrjá, það sé alveg hægt að ganga á einn ef viðkomandi vilji það frekar. Gangan er merkt sem rauður viðburður í mótadagskrá Landsmótsins sem þýðir að þátttökuarmband þarf til að fara í gönguna og vera skráður í hana.
Allt öðruvísi Landsmót
Litakóðarnir á Landsmótsins eru þrír. Viðburðir sem merktir eru rauðu eru kynningar og kennsla. Þátttökuarmband þarf til að taka þátt í þeim. Gulu viðburðirnir eru keppnisgreinarnar sjálfar á Landsmótinu og þarf að sjálfsögðu armband til að taka þátt. Viðburðir sem merktir eru með grænu eru svo opnir fyrir alla.
Landsmótið á Sauðárkróki er með splunkunýju og breyttu sniði. Það er opið öllum 18 ára og eldri sem hafa gaman af því að taka þátt í fjölbreyttum íþróttum.
Um 40 ólíkar íþróttagreinar verða í boði, auk tónleika og ýmiss konar skemmtunar og fróðleiks fyrir unga sem aldna. Þannig verður Pallaball í Íþróttahúsinu á laugardagskvöld, að lokinni matarveislu, skemmtidagskrá og balli með Hljómsveit Geirmundar.
Meistarakeppni Íslands
Ómar Bragi Stefánsson, framkvæmdastjóri Landsmótsins, segir á umfi.is að samhliða landsmótinu fari fram Meistarakeppni Íslands í frjálsum íþróttum, þar sem allir helstu frjálsíþróttamenn landsins etja kappi saman. „Einnig verður Landsmót 50+ í gangi með þátttöku 50 ára og eldri. Þá eru golfmót á Hlíðarendavelli og keppni í réttstöðulyftu í reiðhöllinni Svaðastöðum haldin utan landsmóts,“ segir Ómar Bragi sem á von á þúsundum gesta í bæinn enda heilmikið fjör í vændum í bæði íþróttum og afþreyingu.
HÉR er hægt að nálgast dagskrá Landsmótsins.
Fleiri fréttir
-
Valið vekur furðu vestan Þverárfjalls
feykir.is Skagafjörður, Austur-Húnavatnssýsla, Vestur-Húnavatnssýsla 26.04.2024 kl. 11.20Heimasíða RÚV flytur fréttir en þar mátti í morgun sjá athyglisverða og skemmtilega úttekt á fótboltavöllum landsins. Þar eru nefndir til sögunnar fótboltavellirnir á Sauðárkróki og á Hofsósi þó svo að þeir ágætu vellir hafi ekki komist í hóp tíu flottustu valla landsins. Blönduósvöllur og Sjávarborgarvöllur á Hvammstanga voru ekki nefndir á nafn í úttektinni og því leitaði Feykir viðbragða hjá Aðdáendasíðu Kormáks og þar stóð ekki á svörum en umsjónarmaður furðar sig á valinu.Meira -
Atli Þór fullkomnar hóp Kormáks/Hvatar
feykir.is Austur-Húnavatnssýsla, Íþróttir, Vestur-Húnavatnssýsla 26.04.2024 kl. 09.44Síðasti dagur félagaskipta í efri deildum Íslandsmótanna í knattspyrnu var nú á miðvikudaginn. Þá bætti lið Kormáks/Hvatar við sig einum leikmanni því Atli Þór Sindrason var síðasta liðsstyrking hópsins fyrir mót.Meira -
Sæluvikan að bresta á
feykir.is Skagafjörður, Listir og menning 26.04.2024 kl. 08.34„Skipulagning Sæluviku gengur vel og viðburðir eru enn að bætast við,“ segir Heba Guðmundsdóttir sem hefur veg og vanda af skipulagningu Sæluvikunnar líkt og undanfarin ár og má því mögulega kalla verkefnastjóra Sæluvikunnar. „Það verða flestir fastir liðir á sínum stað á Sæluviku og mér finnst alltaf vera metnaður og spenna fyrir því að vera með hjá þeim sem skapað hafa þá hefð að standa fyrir viðburði á Sæluviku.“Meira -
Vinnustofa um gerð loftlagsstefnu sveitarfélaga
feykir.is Austur-Húnavatnssýsla, Vestur-Húnavatnssýsla 26.04.2024 kl. 08.32SSNV stóð fyrir vinnustofu í félagsheimilinu á Hvammstanga nú í vikunni um gerð loftlagsstefnu sveitarfélaga í samtarfi við KPMG. Vinnustofan var sérstaklega fyrir Húnavatnssýslur. Góð þátttaka var á vinnustofunni og áhugaverðar umræður sköpuðust.Meira -
Áfram Hvöt er nýtt stuðningsmannalag þeirra hvítu og rauðu
feykir.is Austur-Húnavatnssýsla, Listir og menning 26.04.2024 kl. 07.47„Ungmennafélaginu Hvöt hefur lengi vantað gott stuðningsmannalag en þónokkur ár eru síðan Ekki vera löt, allir í Hvöt kom út. Þegar ég hafði samband við Einar Örn og Baldur síðsumars 2023 stóð ekki á svörum. Úr varð þessi frábæri hittari sem mun án efa fá góðar viðtökur hjá félagsmönnum Hvatar, íbúum Húnabyggðar og bara öllum öðrum. Áfram Hvöt!” segir Grímur Rúnar Lárusson, formaður Ungmennafélagsins Hvatar, í færslu á Facebook-síðu Umf. Hvatar þar sem nýtt stuðningsmannalag, Áfram Hvöt, er kynnt til sögunnar.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.