Öruggur sigur og fjórða sætið varð Stólastúlkna
Það varð ljóst eftir leiki gærkvöldsins í 1. deild kvenna í körfunni að það er lið Snæfells sem Stólastúlkur mæta í úrslitakeppninni. Fyrsti leikur liðanna verður í Stykkishólmi næstkomandi sunnudagskvöld en heimaleikur í Síkinu miðvikudaginn 10. apríl en vinna þarf þrjá leiki til að komast í úrslitaeinvígið. Í gærkvöldi kláraði lið Tindastóls sinn leik gegn b-liði Keflavíkur af miklu öryggi í lokaumferð deildarkeppninnar en lokatölur urðu 81-43. Þetta er í fyrsta sinn á þessari öld sem kvennalið Tindastóls kemst í úrslitakeppni um sæti í efstu deild.
Í leiknum í gær náði lið Tindastóls strax undirtökunum, komst í 8-0 og leiddi með þrjátíu stigum í hálfleik, staðan 46-16. Eftirleikurinn var því formsatriði. Emese Vida var stigahæst með 23 stig og hún hirti 15 fráköst. Okoro gerði 16 stig og Kasapi gerði tíu stig. Hægt er að skoða tölfræði leiksins hér >
Lið Tindastóls var raunar búið að tryggja sér sæti í úrslitakeppninni fyrir síðustu umferðina en úrslitin í síðustu umferðinni skáru úr um það í hvaða sæti Stólastúlkur enduðu. Það fór svo að lið Hamars/Þórs hreppti efsta sætið í 1. deild þar sem Aþena vann KR í spennuleik. Hamar/Þór hefur því tryggt sér sæti í Subway-deildinni og rétt að óska þeim til hamingju með frábæran árangur í vetur. Aþena hafnaði í öðru sæti með 32 stig líkt og Hamar/Þór en KR og Tindastóll urðu í 3.-4. sæti með 30 stig en KR var með betri stöðu í innbyrðisleikjum liðanna og endaði því í þriðja sæti.
Lið Snæfells bíður Stólastúlkna
Tindastóll mætir því liðinu sem endaði í níunda (næst neðsta) sæti efstu deildar. Lið Snæfells átti mjög erfiða byrjun í Subway-deildinni síðasta haust en hefur styrkst eftir því sem liðið hefur á tímabilið. Það verður fróðlegt að fylgjast með liði Tindastóls í þessu einvígi en það er miður að liðið stríðir við meiðslavesen þessa dagana. Eva Rún fyrirliði, Brynja Líf og Anika voru til dæmis fjarri góðu gamni í gærkvöldi og óvíst hvenær þær verða klárar í slaginn. Helgi þjálfari Margeirs segist heppinn með að hópurinn sé breiður og aðrir leikmenn stígi því upp. „Liðið er núna á mjög góðum stað hvað þetta varðar og liðsheildin góð og markmiðin skýr, það er mikill styrkur í því fyrir okkur farandi inn í úrslitakeppnina,“ segir Helgi.
Hvernig leggst í þig að mæta Snæfelli? „Það leggst mjög vel í mig. Þær eru með öfluga leikmenn og þjálfara sem þekkir þetta allt saman og oft verið mikil stemning á leikjum í Stykkishólmi svo það verður gaman að mæta þeim og mæla okkur við Subwaydeildarlið,“ segir Helgi.
Samkvæmt upplýsingum frá Rúnar Birgi tölfræðimeistara þá þjálfaði Kári Marísson kvennalið Tindastóls frá 1992-1996 og var þá með liðið í efstu (og einu) deild kvennakörfunnar þar sem besti árangurinn var fjórða sæti tímabilið 1993-94. Jill Wilson þjálfaði og spilaði með Stólastúlkum tímabilið 1999-2000 en þá endaði liðið einnig í fjórða sæti. Auk Jill voru máttarstólpar þess liðs leikmenn á borð við Birnu Eiríks, Dúfu Ásbjörns, Halldóru Andrésar. Anítu Sveins og Sólborgu Hermunds. Tölfræði tímabilsins >
Fleiri fréttir
-
Grunnskólinn austan Vatna komst bara víst í úrslit í Skólahreysti
feykir.is Skagafjörður, Íþróttir 01.05.2024 kl. 18.05Eitthvað klikkuðu reikningskúnstir Feykis í nótt þegar birtar voru niðurstöður í Skólahreysti. Þá var nánast fullyrt að Grunnskólinn austan Vatna í Skagafirði hefði naumlega orðið af sæti í úrslitum keppninnar skemmtilegu – en viti menn; í hádeginu í dag var tilkynnt á Facebook-síðu Skólahreysti að Grunnskólinn austan Vatna hefði sannarlega tryggt sér sæti í úrslitunum. Norðurland vestra er því með þrjá skóla af tólf í úrslitum Skólahreysti og ef það var snilld að eiga tvo skóla af tólf miðað við höfðatölu í nótt hversu geggjað er þá að eiga þrjá skóla í úrslitunum!?Meira -
Hermann Sæmundsson ráðuneytisstjóri fylgir Sigurði Inga sem skugginn
feykir.is Skagafjörður, Mannlíf 01.05.2024 kl. 14.00Fjármála- og efnahagsráðherra, innviðaráðherra og Skagfirðingurinn Hermann Sæmundsson hafa gert með sér samkomulag um flutning Hermanns í embætti ráðuneytisstjóra fjármála- og efnahagsráðuneytisins og mun hann taka við frá og með 1. maí 2024. Hemmi Sæm, sem er sonur heiðurshjónanna Sæmundar Hermannssonar frá Ysta-Mói í Fljótum og Ásu Helgadóttur, sem bæði eru látin, er alinn upp á Skagfirðingabrautinni á Króknum.Meira -
Grillaður fiskur og tiramisu
feykir.is Skagafjörður, Austur-Húnavatnssýsla, Vestur-Húnavatnssýsla, Í matinn er þetta helst, Lokað efni 01.05.2024 kl. 12.40Matgæðingar vikunnar í tbl 24 í fyrra voru Ágúst Andrésson, þá forstöðumaður Kjötafurðastöðvar KS, og Guðlaug Kristín Pálsdóttir, sérfræðingur á Brunavarnasviði HMS. Ágúst og Guðlaug búa saman á Sauðárkróki og er Gústi borinn og barnfæddur í Skagafirði, nánar tiltekið á Bergstöðum, en Gulla ólst upp í Reykjavík og fluttist á Sauðárkrók í miðju Covid árið 2020. Þau erum eigendur að Norðar ehf. sem m.a. flytur inn vín frá Moldóvu og Ítalíu og hafa einnig staðið í eigin veitingarekstri og hafa mjög gaman af því að ferðast og borða góðan mat.Meira -
Litla hryllingsbúðin enn lokuð vegna veikinda!
feykir.is Skagafjörður, Listir og menning 01.05.2024 kl. 10.29Í gær tók Leikfélag Sauðárkróks stöðuna varðandi sýningarhald á Litlu hryllingsbúðinni en eins og áður var greint frá í Feyki varð að fresta frumsýningu sl. sunnudag vegna veikinda í leikhópnum. Því miður reyndist staðan þannig að fyrirhugðum sýningum á miðvikudag og föstudag hefur nú verið frestað um óákveðin tíma.Meira -
Úrslit í Vísnakeppni Safnahúss Skagfirðinga
feykir.is Skagafjörður, Aðsendar greinar, Listir og menning 01.05.2024 kl. 09.22Við setningu Sæluviku Skagfirðinga þann 28. apríl sl. voru að venju birt úrslit í vísnasamkeppninni, okkar árlega viðburði, vonandi verður keppnin haldin um ókomin ár. Markmiðið er að fá fólk til að botna fyrirfram gefna fyrriparta og einnig að yrkja vísu eða vísur um líflegt og litríkt forsetaframboð, hafa aldrei fyrr verið jafn margir til kallaðir á þeim vettvangi mun það verðugt rannsóknarefni. Þátttaka í keppninni var nokkuð góð, alls bárust okkur svör frá tíu hagyrðingum.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.