Setur tileinkað Sturlungu og Örlygsstaðabardaga sett upp í Aðalgötu 21-21a
Byggðarráð Sveitarfélagsins Skagafjarðar hefur samþykkt að setur sem tileinkað verður Sturlungu og Örlygsstaðabardaga, verði opnað í Gránu og gamla mjólkursamlaginu á Sauðárkróki við Aðalgötu 21-21a. Upphaflega var gert ráð fyrir því að nota húsnæðið undir starfsemi Byggðasafns Skagfirðinga þegar sveitarfélagið og Kaupfélag Skagfirðinga höfðu makaskipti á því og Minjahúsinu sem stendur við Aðalgötu 16b árið 2016.
Í tilkynningu frá Sveitarfélaginu Skagafirði kemur fram að hópur fjárfesta hafi gert samning við sveitarfélagið um leigu á framangreindu húsnæði en í því verður opnað setur sem tileinkað verður Sturlungu og Örlygsstaðabardaga. Setrinu er ætlað að auka áhuga ferðamanna, innlendra sem erlendra, á svæðinu og þeirri merku sögu sem býr í Skagafirðinum. Fjárfestingin hleypur á nokkur hundruð milljónum króna og er ein sú stærsta sem ráðist hefur verið í á svæðinu og snýr að ferðamönnum.
„Þetta er gríðarlega spennandi verkefni sem hópurinn ætlar að ráðast í og virkilega skemmtilegt að finna fyrir áhuga fjárfesta á Skagafirði og sögunni sem leynist hér,“ segir Stefán Vagn Stefánsson, formaður byggðarráðs sveitarfélagsins. Verkefnið hefur verið í vinnslu í nokkurn tíma en fyrirhugaðar framkvæmdir voru samþykktar í byggðarráði Sveitarfélagsins Skagafjarðar fyrir skemmstu. „Húsin sem um ræðir hafa staðið auð í þó nokkurn tíma og það er mjög mikilvægt fyrir bæjarlífið að þar hefjist starfsemi í þeim á ný – ekki síst þegar um svona spennandi verkefni er að ræða,“ segir Stefán Vagn.
Húsin verða færð í upprunalegt horf svo þau falli sem best að götumyndinni. Framkvæmdir munu hefjast á næstu vikum og þá verður skýrt betur frá starfsemi fyrirhugaðs safns.
Tengd frétt:
Makaskipti höfð á Minjahúsinu og Aðalgötu 21-21a
Fleiri fréttir
-
Sumardagurinn fyrsti á Hvammstanga
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 24.04.2024 kl. 14.50Í Húnaþingi vestra hefur sumardagurinn fyrsti verið haldinn hátíðlegur allt frá árinu 1957 og í ár verður engin breyting á því þegar félag eldri borgara í samstarfi við Hestamannafélagið Þyt og hefst með ókeypis sirkussýningu í Þytsheimum klukkan 12:00.Meira -
Sóldísir í Gránu
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 24.04.2024 kl. 11.32Kvennakórinn Sóldís heldur lokatónleika söngársins í Gránu á Sauðárkróki í kvöld, miðvikudaginn 24.apríl, svo nú er síðasti séns að hlusta á kórinn flytja lög Magnúsar Eiríkssonar.Meira -
Jón Oddur sigraði A-deild á lokamóti Kaffi Króks mótaraðarinnar
feykir.is Skagafjörður, Íþróttir 24.04.2024 kl. 11.00Lokamótið í Kaffi Króks mótaröðinni í pílu þetta vorið fór fram í gærkvöldi. Átján kempur mættu til leiks hjá Pílukastfélagi Skagafjarðar að þessu sinni og var keppt í þremur deildum. Sigurvegari í A deild var Jón Oddur Hjálmtýsson en í B deild var það Brynjar Snær Halldórsson sem sigraði. í C deildinni var það síðan Heiðar Örn Stefánsson sem stóð uppi sem sigurvegari.Meira -
Karlakórinn Lóuþrælar syngja inn vorið
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 24.04.2024 kl. 10.57Karlakórinn Lóuþrælar syngja inn vorið í Félagsheimilinu á Hvammstanga í kvöld, miðvikudaginn 24. apríl, og hefjast tónleikarnir kl. 20.00.Meira -
Vortónleikar Skagfirska Kammerkórsins
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 24.04.2024 kl. 09.40Í aðdraganda Sæluviku þegar vorið fer að koma halda kórar gjarnan tónleika og deila með áheyrendum uppskeru vetrarstarfsins. Skagfirski Kammerkórinn er engin undantekning á því. Árlega heldur kórinn tónleika á Sumardaginn fyrsta. Sumar er í sveitum er yfirskrift tónleikannan en kórinn syngur undir stjórn Rannvá Olsen.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.