Skagabyggð hlaut styrk vegna Verndun Kálfshamarsvíkur
Skagabyggð hlaut fyrir helgi styrk frá Framkvæmdasjóði ferðamannastaða að upphæð 3.600.000 kr. vegna verkefnisins Verndun Kálfshamarsvíkur sem miðar að því að hreinsa í burtu núverandi girðingar á deiliskipulagssvæðinu og girða svæðið af upp á nýtt. Einnig á að hnitsetja og merkja um 3 km langa gönguleið og setja tréstíga yfir blautustu svæðin á þeirri leið.
Á heimasíðu Skagabyggðar segir að Lilja Dögg Alfreðsdóttir, menningar- og viðskiptaráðherra, hafi í apríl úthlutað úr Framkvæmdasjóði ferðamannastaða fyrir árið 2024. „Alls bárust að þessu sinni 125 umsóknir um styrki, samtals að fjárhæð rúmlega 2,9 milljarðar kr., til verkefna að heildarfjárhæð rúmlega 4 milljarðar kr. Af innsendum umsóknum voru 31 ekki taldar uppfylla formkröfur sjóðsins eða falla utan verksviðs hans, skv. lögum nr. 75/2011. Að auki voru fjórar umsóknir dregnar til baka.
Í tilkynningunni segir að stjórn Framkvæmdasjóðsins hafi lagt til að alls 29 verkefni yrðu styrkt að þessu sinni, samtals að fjárhæð 538.700.000 kr. og féllst ráðherra á tillögur stjórnar og hefur Ferðamálastofu verið falið að ganga til samninga við styrkþega.
Í gærkvöldi sagði Feykir frá því að Skagaströnd hefði fengið rúmlega 41 milljón króna styrk vegna verkefnisins Spákonuhöfði: Aðgengi fyrir alla. Þetta voru þau tvö verkefni sem hlutu styrk á Norðurlandi vestra.
Lista yfir verkefnin sem hljóta styrk að þessu sinni má finna hér að neðan.
Fleiri fréttir
-
Sumaropnun á Gránu Bistro, Retro Mathúsi og í Jarlsstofu
feykir.is Skagafjörður, Listir og menning 17.05.2024 kl. 13.37Sumarið er komið og nú opna fleiri og fleiri veitingastaðir dyr sínar fyrir svöngum túristum og heimafólki sem er spennt fyrir fjölbreytni í úrvali veitingastaða. Nú um helgina verður opið hjá Retro Mathúsi á Hofsósi, Jarlsstofa restaurant í kjallara Hótel Tindastóls er með kvöldopnun og Grána Bistro verður með opið föstudags, laugardags- og sunnudagskvöld.Meira -
Kurteisi kostar ekkert | Leiðari 18. tölublaðs Feykis
feykir.is Skagafjörður, Aðsendar greinar 17.05.2024 kl. 13.26Flokkspólitísk dagblöð voru lenskan framan af síðustu öld. Stjórnmálaflokkarnir voru lengi vel fjórir og hver og einn hafði sína málpípu þar sem réttu skoðanirnar voru predikaðar – í raun bergmálshellir þeirra tíma. Framsóknarmenn lásu Tímann, kratar Alþýðublaðið, kommar Þjóðviljann og íhaldið Moggann.Meira -
Ásgeir á tónleikarúnti
feykir.is Austur-Húnavatnssýsla, Vestur-Húnavatnssýsla, Listir og menning 17.05.2024 kl. 11.47Tónlistarmaðurinn snjalli frá Laugarbakka, Ásgeir Trausti, heldur af stað í Einför um Ísland í lok júní og lýkur rúntinum með tónleikum í Ásbyrgi á Laugarbakka 20. júlí. Hann hefur leik 27. júní í Landnámssetrinu í Borgarnesi en heldur síðan meðal annars tónleika í félagsheimilinu á Blönduósi 7. júlí. Lokatónleikarnir verða síðan í Háskólabíói 14. september.Meira -
Aldrei fleiri Tindastólskrakkar skráðir til leiks
feykir.is Skagafjörður, Íþróttir 17.05.2024 kl. 10.04Dagana 10.-11. maí fóru Snillingamót og Bikarmót Badmintonfélags Hafnarfjarðar fram í íþróttahúsinu við Strandgötu í Hafnarfirði. Tindastóll sendi að þessu sinni níu þátttakendur til leiks og er það metþátttaka – aldrei hafa fleiri Tindastólskrakkar tekið þátt í einu móti.Meira -
Baldur Hrafn ráðinn í stöðu sviðsstjóra stjórnsýslu- og fjármálasviðs Skagafjarðar
feykir.is Skagafjörður 17.05.2024 kl. 08.02Sagt er frá því á vef Skagafjarðar að sveitarfélagið hefur ákveðið að ráða Baldur Hrafn Björnsson í starf sviðsstjóra stjórnsýslu- og fjármálasviðs en staðan var auglýst öðru sinni í apríl sl. Alls bárust fjórar umsóknir um stöðuna en tveir umsækjendur drógu umsókn sína til baka.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.