Skagabyggð verður með í sameiningarviðræðum í Austur-Húnavatnssýslu
Sveitarstjórn Skagabyggðar hefur tekið ákvörðun um að gerast þátttakandi í sameiningarviðræðum sveitarfélaganna í Austur-Húnavatnssýslu. Skagabyggð bætist því í hóp hinna þriggja sveitarfélaganna í sýslunni sem ákveðið hafa að hefja formlegar viðræður um sameiningu. Reiknað er með að þær viðræður hefjist á næstunni. Frá þessu var greint á Húna.is í gærkvöldi.
Á fjölmennum íbúafundi í Skagabyggð þann 10. október síðastliðinn var staðan rædd og skýrsla um stöðu og framtíð sveitarfélaga kynnt og jafnframt var lögð fyrir skoðanakönnun meðal íbúa um afstöðu þeirra til viðræðna um sameiningu við önnur sveitarfélög. Í frétt Húna.is kemur fram að meirihluti þeirra sem svöruðu könnununni eru andvígir sameiningu við önnur sveitarfélög. Fleiri töldu það betri kost að sameinast öðrum sveitarfélögum í Austur-Húnavatnssýslu heldur en Sveitarfélaginu Skagafirði.
Í bókun sveitarstjórnar frá 12. október kemur fram að það er álit sveitarstjórnar að sameiningarviðræður geti orðið sveitarfélögum í sýslunni til framdráttar og því tók sveitarstjórn ákvörðun um að gerast aðili að viðræðunum þrátt fyrir að meirihluti þeirra íbúa sem skoðanakönnuninni svöruðu hafi verið andvígir sameiningu.
Í samstarfsnefnd voru tilnefnd þau Vignir Sveinsson, Dagný Rós Úlfarsdóttir og Magnús Björnsson.
Fleiri fréttir
-
Samningur undirritaður um styrk til tækniaðstöðu á Hvammstanga
feykir.is Skagafjörður, Austur-Húnavatnssýsla, Vestur-Húnavatnssýsla 26.04.2024 kl. 19.01SSNV og Húnaþing vestra hafa undirritað samning vegna styrks til uppsetningar á tæknimiðstöð í anda FabLab smiðju í samfélagsmiðstöð í Félagsheimilinu á Hvammstanga að upphæð 10.500.000 kr. Fram kemur í frétt á síðu SSNV að verkefnið snýst um að koma upp nýsköpunar-, viðgerða- og þróunaraðstöðu fyrir íbúa á svæðinu, sem og aðstöðu fyrir félagsstarf.Meira -
Valið vekur furðu vestan Þverárfjalls
feykir.is Skagafjörður, Austur-Húnavatnssýsla, Vestur-Húnavatnssýsla 26.04.2024 kl. 11.20Heimasíða RÚV flytur fréttir en þar mátti í morgun sjá athyglisverða og skemmtilega úttekt á fótboltavöllum landsins. Þar eru nefndir til sögunnar fótboltavellirnir á Sauðárkróki og á Hofsósi þó svo að þeir ágætu vellir hafi ekki komist í hóp tíu flottustu valla landsins. Blönduósvöllur og Sjávarborgarvöllur á Hvammstanga voru ekki nefndir á nafn í úttektinni og því leitaði Feykir viðbragða hjá Aðdáendasíðu Kormáks og þar stóð ekki á svörum en umsjónarmaður furðar sig á valinu.Meira -
Atli Þór fullkomnar hóp Kormáks/Hvatar
feykir.is Austur-Húnavatnssýsla, Íþróttir, Vestur-Húnavatnssýsla 26.04.2024 kl. 09.44Síðasti dagur félagaskipta í efri deildum Íslandsmótanna í knattspyrnu var nú á miðvikudaginn. Þá bætti lið Kormáks/Hvatar við sig einum leikmanni því Atli Þór Sindrason var síðasta liðsstyrking hópsins fyrir mót.Meira -
Sæluvikan að bresta á
feykir.is Skagafjörður, Listir og menning 26.04.2024 kl. 08.34„Skipulagning Sæluviku gengur vel og viðburðir eru enn að bætast við,“ segir Heba Guðmundsdóttir sem hefur veg og vanda af skipulagningu Sæluvikunnar líkt og undanfarin ár og má því mögulega kalla verkefnastjóra Sæluvikunnar. „Það verða flestir fastir liðir á sínum stað á Sæluviku og mér finnst alltaf vera metnaður og spenna fyrir því að vera með hjá þeim sem skapað hafa þá hefð að standa fyrir viðburði á Sæluviku.“Meira -
Vinnustofa um gerð loftlagsstefnu sveitarfélaga
feykir.is Austur-Húnavatnssýsla, Vestur-Húnavatnssýsla 26.04.2024 kl. 08.32SSNV stóð fyrir vinnustofu í félagsheimilinu á Hvammstanga nú í vikunni um gerð loftlagsstefnu sveitarfélaga í samtarfi við KPMG. Vinnustofan var sérstaklega fyrir Húnavatnssýslur. Góð þátttaka var á vinnustofunni og áhugaverðar umræður sköpuðust.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.