Snjódýpt í Fljótum yfir meter að jafnaði
„Tíðarfarið hefur verið nokkuð óvenjulegt frá 21. mars en allar helgar síðan þá hafa skollið á norðan stórhríðir en lítill snjór var annars þennan vetur,“ segir Halldór Gunnar Hálfdansson, bóndi á Molastöðum í Fljótum en hann sér einnig um skólaakstur í sveitinni. Halldór bætir við að það sé nokkuð óvenjulegt að fá svona mikinn snjó seint og segir að yfirleitt þegar snjóþungt sé í Fljótum hafi sá snjór verið að safnast allan veturinn, oft frá því í október.
Hverjar hafa verið helstu áskoranirnar vegna færðar og veðurs að undanförnu? „Helstu áskoranirnar eru samgöngur, bæði þarf að koma skólabörnum í Grunnskólann austan Vatna á Hofsósi auk þess sem íbúar Fljótanna sækja vinnu bæði til Siglufjarðar og innan héraðs. Á hótelinu á Deplum þarf að koma tugum starfsmanna og gesta til og frá vinnu á hverjum degi einnig. Öll vinna kringum gegningar, svo sem að sækja rúllur, verður erfiðari og girðingar fara á kaf og útigangur getur farið á flakk,“ segir Halldór og bætir við að auk þess þurfi að sækja mjólk á eina kúabúið sem er starfrækt í sveitinni.
Girðingar ofan á girðingum
Hafa bændur í Fljótum áhyggjur af sumrinu? „Fljótamenn eru ágætlega búnir undir sauðburð við erfiðar aðstæður þar sem sveitin er snjóþung en við höfum sloppið vel síðustu þrjú vor. Þessi snjór getur farið fljótt þar sem hann er svo nýr. Kal er sjaldgæft í sveitinni en jörð fór reyndar frosin undir snjó og erfitt er að segja hvað er að gerast undir snjónum.“
Halldór telur að snjódýpt sé vel yfir meter að jafnaði og sums staðar mun meiri. Hann segist á nokkrum stöðum hafa þurft að girða rafmagnsgirðingu ofan á aðra girðingu og á nokkrum stöðum sé efri girðingin komin á kaf í snjó. „Snjórinn verndar gróðurinn í fjöllunum fyrir foki og veðrun og eitt er víst að vatnsbúskapur verður með betra lagi þegar allur flaumurinn bráðnar og rennur niður fjöllin. Það kætir bæði bændur og vélstjórann í Skeiðsfossvirkjun sem safnar hlæjandi í uppistöðulón virkjunarinnar,“ segir Halldór eldhress í lokin.
Ætti að fara hlýnandi um og upp úr helgi
Enn er spáð kuldatíð þessa vikuna en um og upp úr helgi er útlit fyrir að það fari að hlýna þó að sjálfsögðu beri veðurspám ekki saman um það. Í frétt á Rúv.is í gær segir að þaulsetin hæð yfir Grænlandi hafi valdið köldustu aprílbyrjun aldarinnar hér Íslandi. Óli Þór Árnason veðurfræðingur segir nánast árvisst að hæð myndist yfir Grænlandi seinni hluta vetrar. Fjölmargir þættir hafi áhrif á hve lengi hún vari þar.
„Það er ekkert óalgengt heldur að það myndist lægð líka svona seint að vori. Bændur fyrir norðan vita það vel að það vel að það getur verið ansi köld norðanáttin út maímánuð og fram í júní þess vegna. Kannski er ágætt að hún kom núna en ekki eftir mánuð,“ segir Óli Þór og finnur þar með ljósið í myrkrinu.
Myndirnar hér að neðan tók Halldór Gunnar í þessu síðbúna vetrarveðri í Fljótumum.
Fleiri fréttir
-
Grunnskólinn austan Vatna komst bara víst í úrslit í Skólahreysti
feykir.is Skagafjörður, Íþróttir 01.05.2024 kl. 18.05Eitthvað klikkuðu reikningskúnstir Feykis í nótt þegar birtar voru niðurstöður í Skólahreysti. Þá var nánast fullyrt að Grunnskólinn austan Vatna í Skagafirði hefði naumlega orðið af sæti í úrslitum keppninnar skemmtilegu – en viti menn; í hádeginu í dag var tilkynnt á Facebook-síðu Skólahreysti að Grunnskólinn austan Vatna hefði sannarlega tryggt sér sæti í úrslitunum. Norðurland vestra er því með þrjá skóla af tólf í úrslitum Skólahreysti og ef það var snilld að eiga tvo skóla af tólf miðað við höfðatölu í nótt hversu geggjað er þá að eiga þrjá skóla í úrslitunum!?Meira -
Hermann Sæmundsson ráðuneytisstjóri fylgir Sigurði Inga sem skugginn
feykir.is Skagafjörður, Mannlíf 01.05.2024 kl. 14.00Fjármála- og efnahagsráðherra, innviðaráðherra og Skagfirðingurinn Hermann Sæmundsson hafa gert með sér samkomulag um flutning Hermanns í embætti ráðuneytisstjóra fjármála- og efnahagsráðuneytisins og mun hann taka við frá og með 1. maí 2024. Hemmi Sæm, sem er sonur heiðurshjónanna Sæmundar Hermannssonar frá Ysta-Mói í Fljótum og Ásu Helgadóttur, sem bæði eru látin, er alinn upp á Skagfirðingabrautinni á Króknum.Meira -
Grillaður fiskur og tiramisu
feykir.is Skagafjörður, Austur-Húnavatnssýsla, Vestur-Húnavatnssýsla, Í matinn er þetta helst, Lokað efni 01.05.2024 kl. 12.40Matgæðingar vikunnar í tbl 24 í fyrra voru Ágúst Andrésson, þá forstöðumaður Kjötafurðastöðvar KS, og Guðlaug Kristín Pálsdóttir, sérfræðingur á Brunavarnasviði HMS. Ágúst og Guðlaug búa saman á Sauðárkróki og er Gústi borinn og barnfæddur í Skagafirði, nánar tiltekið á Bergstöðum, en Gulla ólst upp í Reykjavík og fluttist á Sauðárkrók í miðju Covid árið 2020. Þau erum eigendur að Norðar ehf. sem m.a. flytur inn vín frá Moldóvu og Ítalíu og hafa einnig staðið í eigin veitingarekstri og hafa mjög gaman af því að ferðast og borða góðan mat.Meira -
Litla hryllingsbúðin enn lokuð vegna veikinda!
feykir.is Skagafjörður, Listir og menning 01.05.2024 kl. 10.29Í gær tók Leikfélag Sauðárkróks stöðuna varðandi sýningarhald á Litlu hryllingsbúðinni en eins og áður var greint frá í Feyki varð að fresta frumsýningu sl. sunnudag vegna veikinda í leikhópnum. Því miður reyndist staðan þannig að fyrirhugðum sýningum á miðvikudag og föstudag hefur nú verið frestað um óákveðin tíma.Meira -
Úrslit í Vísnakeppni Safnahúss Skagfirðinga
feykir.is Skagafjörður, Aðsendar greinar, Listir og menning 01.05.2024 kl. 09.22Við setningu Sæluviku Skagfirðinga þann 28. apríl sl. voru að venju birt úrslit í vísnasamkeppninni, okkar árlega viðburði, vonandi verður keppnin haldin um ókomin ár. Markmiðið er að fá fólk til að botna fyrirfram gefna fyrriparta og einnig að yrkja vísu eða vísur um líflegt og litríkt forsetaframboð, hafa aldrei fyrr verið jafn margir til kallaðir á þeim vettvangi mun það verðugt rannsóknarefni. Þátttaka í keppninni var nokkuð góð, alls bárust okkur svör frá tíu hagyrðingum.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.