Hrossaræktarsamband Skagfirðinga veitir verðlaun fyrir árið 2020
Hrossaræktarsamband Skagfirðinga (HSS) gat ekki haldið uppskeruhátíð með hefðbundnum hætti árið 2020 fyrir félagsmenn sína, þar sem verðlaun eru veitt fyrir hæst dæmdu kynbótahrossin, hrossaræktarbú ársins og kynbótaknapa ársins. Alltaf stóð til að halda uppskeruhátíðina þó komið væri fram á árið 2021 en vegna Covid og samkomutakmarkana, varð það úr að stjórn HSS fór á dögunum og keyrði um Skagafjörð til að koma verðlaunagripunum á sína staði.
Árangurinn á árinu 2020 var sérlega glæsilegur hjá félagsmönnum Hrossaræktarsambandsins, mikið af hátt dæmdum hrossum og mörg hross verðlaunuð fyrir afkvæmi. En að öðrum ólöstuðum bar hrossaræktarbúið á Þúfum hjá Mette og Gísla höfuð og herðar yfir aðra og var hrossarækarbú ársins í Skagafirði. Það er magnaður árangur þar sem þau hlutu einnig þennan titil fyrir árið 2019 og hrossin sem töldu inn til stiga það ár máttu ekki telja inn fyrir árið 2020. Þess má geta að Þúfur var jafnframt hrossaræktarbú ársins á landsvísu árið 2020, verðlaunað af Bændasamtökum Íslands.
Hjá HSS voru Prestsbær og Íbishóll einnig tilnefnd sem ræktunarbú ársins 2020. Sólon frá Þúfum var hæst dæmda kynbótahrossið í eigu félagsmanns og ræktað í Skagafirði og Eygló frá Þúfum setti heimsmet í flokki 4 vetra hryssna og fékk sérstök verðlaun fyrir það. Það var Þórarinn Eymundsson sem var kynbótaknapi ársins 2020 í Skagafirði en Bjarni Jónasson og Mette Mannseth voru einnig tilnefnd til titilsins.
Hér á eftir fylgja upplýsingar um verðlaunahafana hjá HSS fyrir árið 2020
Stóðhestar 4 vetra
1.Töfri frá Þúfum
Stóðhestar 5 vetra
1.Hannibal frá Þúfum
2.Þormar frá Prestsbæ
3.Vigri frá Bæ
Stóðhestar 6 vetra
1.Álmur frá Reykjavöllum
2.Sváfnir frá Varmalandi
- Birtingur frá Íbishóli
Stóðhestar 7 vetra og eldri
1.Sólon frá Þúfum
- Rjóður frá Hofi á Höfðaströnd
- Rosi frá Berglandi
Hryssur 4 vetra
1.Eygló frá Þúfum
- Dís frá Ytra-Vallholti
- Artemis frá Prestsbæ
Hryssur 5 vetra
- Álfamær frá Prestsbæ
- Kamma frá Sauðárkróki
- Snilld frá Miðsitju
Hryssur 6 vetra
1.Þrá frá Prestsbæ
2.Reising frá Ytra-Vallholti
3.Lokbrá frá Hafsteinsstöðum
Hryssur 7 vetra og eldri
1.Auður frá Varmalandi
2.Stjörnuspá frá Þúfum
3.Skálmöld frá Þúfum
Hæst dæmda kynbótahross í Skagafirði 2020.
Sólon frá Þúfum
Kynbótaknapi ársins í Skagafirði 2020.
Þórarinn Eymundsson
Tilnefning kynbótaknapi ársins 2020 í Skagafirði
Bjarni Jónasson
Mette Mannseth
Heimsmet, hryssur 4 vetra
Eygló frá Þúfum
Heiðursverðlaun fyrir afkvæmi
Happadís frá Stangarholti
Kyrrð frá Stangarholti
Sending frá Enni
Þóra frá Prestsbæ
Hrannar frá Flugumýri
Óskasteinn frá Íbishóli
Fyrstu verðlaun fyrir afkvæmi
Lord frá Vatnsleysu
Hrossaræktarbú ársins í Skagafirði
Þúfur
Tilnefning Hrossaræktarbú ársins í Skagafirði
Íbishóll
Prestsbær
/Fréttatilkynning
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.