Við hormónaboltarnir tókum stefnuna beint á Istegade.
Hver er maðurinn? Ágúst Ingi Ágústsson
Hverra manna ertu? Sonur Önnu Hjartardóttur, dóttir Hjartar Vilhjálmssonar frá Vallholti og Rannveigar Jóhannesardóttur frá Þverá í Öxnadal, og Ágústs Guðmundssonar, sonur Munda í Tungu og Ernu Ingólfs bíla.
Árgangur? 1982.
Hvar elur þú manninn í dag? Í Danmörku, n.t.t. Óðinsvéum.
Fjölskylduhagir? Giftur Herdísi Ósk Baldvinsdóttur og eigum við eitt afkvæmi.
Afkomendur? Embla Ingibjörg Ágústsdóttir, 5 ára.
Helstu áhugamál? Iðkun og áhorf á knattspyrnu og körfuknattleik, lestur góðra bóka og samvera með vinum og fjölskyldu.
Við hvað starfar þú? Sagnfræðinemi við Háskóla Suður-Danmerkur.
Hraðaspurningar, þær virka þannig að þú botnar upphaf setninga með því fyrsta sem þér dettur í hug.
Heima er .....................Sauðárkrókur
Það er gaman.........................í góðra vini hópi.
Ég man þá daga er........................þegar við strákarnir (og stelpurnar) lékum götukörfubolta hvernig sem viðraði.
Ein gömul og góð sönn saga..................
Þar sem maður er búsettur í Danaveldi er við hæfi að segja eina sögu sem gerðist í Kóngsins Køben. Árið 1998 fóru leikmenn 3. flokks Tindastóls á knattspyrnumót í Køge, vinabæ Króksins. Einn daginn var ferðinni heitið til Kaupmannahafnar þar sem leikmenn og ágætir fararstjórar okkar myndum eyða deginum. Á Ráðhústorginu var ákveðið að við 15-16 ára drengirnir fengjum frjálsan tíma sem átti að eyða í búðarráp og slíkt. Við hormónaboltarnir tókum stefnuna beint á Istegade enda höfðum við áreiðanlegar heimildir fyrir því að þar fengist vænlegur varningur. Þræddum við búðirnar hverja á eftir annarri med tilheyrandi látum og gauragangi verslunarfólki til mismunandi mæðu. Eins og Íslendinga er siður versluðum við grimmt af dönskum. Þennan dag var ég sá eini sem hafði tekið með mér bakpoka og þótti það snilldar hugmynd að fræðsluefnið yrði geymt í bakpoka markmannsins. Svo var haldið á Strikið, inn í sportvöruverslun þar sem ég keypti mér stuttbuxur enda var heitt í veðri og slengdi ég mér í þær um hæl. Síðan var haldið inn í aðra verslun. Á leiðinni út úr þeirri búð byrjaði þjófavörn verslunarinnar að væla á mig, hinir svokölluðu vinir minir í liðinu þutu upp og niður Strikið og einn stóð ég er kona á miðjum aldri kemur og biður mig að opna bakpokann. Síðan tínir konan upp allt fræðsluefnið fyrir framan fulla búð af háttvirtum Hafnarbúum. Mæður gripu fyrir andlit barna sinna og feður stóðu og hlógu að mér. Síðan kom það upp úr krafsinu að búðarlokan í sportvörubúðinni hafði gleymt að taka þjófavörnina af stuttbuxunum.
Spurt frá síðasta viðmælanda.................... Það liggur beint við þar sem Stólarnir féllu nú í sumar að spyrja hvort við eigum eftir að sjá COME BACK hjá Groddaranum þegar námstíma líkur í dk, þar sem sá liðsauki myndi klárlega hjálpa til við að byggja upp stórveldið?
Svar............Stólarnir eru með efnilegan hóp knattspyrnumanna sem ég vona að haldi tryggð við félagið sitt og spili í 3. deildinni á næsta ári. Næli sér í leikreynslu og snúi svo pínu rosaslega sterkir í 2. deild. Hins vegar væri gaman að vera með þegar námsdvölinni lýkur enda hefur alltaf verið góður andi í boltanum og stuð í stúkunni.
Hvern vilt þú sjá svara þessum spurningum og hvaða spurningu myndir þú leggja fyrir viðkomandi?
Nafn.............Baldvin Bjarki Baldvinsson
Spurningin er..................Er nokkuð við að vera á Skipaskaga, eftir að þeir gulu hættu að geta eitthvað í fótbolta og tími til kominn að snúa til baka í Skagafjörðinn?
Fleiri fréttir
-
Dreymdi um að vera Tico Torres / VALUR FREYR
feykir.is Vestur-Húnavatnssýsla, Tón-Lystin 28.04.2024 kl. 13.01Það er bara þannig að nýi slökkviliðsstjórinn á Hvammstanga er Hvanndalsbróðir. Við erum sem sagt að tala um Val Frey Halldórsson (árgangur 1974) trommara og söngvara. Hann gengst við því að vera hreinræktaður Akureyringur. „Alinn upp á Brekkunni og síðar Þorpari, stundum KA maður en lang oftast Þórsari. Heimasætan í Lækjarhvammi dró mig á hvítum skóm í sveitina – er enn í hvítum skóm.“ Nú býr Valur á Hvammstanga.Meira -
Ostapasta og hvítlauksbrauð
feykir.is Skagafjörður, Austur-Húnavatnssýsla, Vestur-Húnavatnssýsla, Í matinn er þetta helst, Lokað efni 28.04.2024 kl. 13.00Matgæðingar vikunnar í tbl 23, 2023, voru þau Saga Sjöfn Ragnarsdóttir og Sigurður Birkir Gunnarsson. Þau eru bæði fædd á Sauðárkróki og búa þar með dætrum sínum, Bríeti Sunnu (4 ára) og Heklu Björt (1 ½ árs) ásamt kettinum T-800. Saga flutti með mömmu sinni, Evu Árna, til Vestmannaeyja árið 2000 en kom aftur á Krókinn 2007 og hefur sama og ekkert yfirgefið bæinn síðan. Siggi, sem hefur alltaf búið á Króknum að frátöldum tveim vetrum í háskólanum fyrir sunnan, bauð skvís í partý og hafa þau eytt flestum sínum dögum saman síðan 2013.Meira -
Níu stigu á svið á Open Mic kvöldi Leikfélags Blönduóss
feykir.is Austur-Húnavatnssýsla, Listir og menning, Mannlíf 28.04.2024 kl. 10.35Að kvöldi sumardagsins fyrsta stóð Leikfélag Blönduóss fyrir viðburði í fallega leikhúsinu sínu í Félagsheimilinu á Blönduósi. Þar var um að ræða svokallað Open Mic og var öllum velkomið að taka þátt; flytja ljóð, segja skemmtilega sögu, syngja lag, fara með einræðu eða upplestur fyrir framan áhorfendur. Feykir spurði Eva Guðbjartsdóttur, forynju LB, aðeins út í viðburðinn.Meira -
Ágæt frammistaða en engin stig til Stólastúlkna
feykir.is Skagafjörður, Íþróttir 27.04.2024 kl. 19.03Breiðablik og Tindastóll mættust í dag á Kópavogsvelli í Bestu deild kvenna í knattspyrnu. Blikar unnu góðan sigur í fyrstu umferð á meðan Stólastúlkur máttu sætta sig við svekkjandi tap fyrir FH í leik þar sem þær áttu meira skilið. Eins og reikna mátti með í dag voru heimastúlkur talsvert sterkari í leiknum, fengu mörg færi til að skora en lið Tindastóls fékk sömuleiðis góð færi en fór illa að ráði sínu. Lokatölur urðu 3-0 fyrir Breiðablik og lið Tindastóls því án stiga og marka að loknum tveimur leikjum.Meira -
Lið Aþenu gerði Stólastúlkum grikk
feykir.is Skagafjörður, Íþróttir 27.04.2024 kl. 15.31Einvígi Aþenu og Tindastóls um sæti í Subway-deild kvenna næsta haust hófst í Austurbergi í Breiðholti í gærkvöldi. Lið Tindastóls hafði lagt Subway-deildar lið Snæfells að velli og Aþenu-stúlkur lið KR í undanúrslitum og því búist við spennandi einvígi. Niðurstaðan varð hinsvegar leiðinlega stór sigur Aþenu því eftir ágæta byrjun gestanna tók Breiðholtsliðið öll völd, var 15 stigum yfir í hálfleik og svo versnaði bara vont. Lokatölur 80-45 og ljóst að Stólastúlkur þurfa að sýna annað andlit í Síkinu á mánudaginn.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.