Axel Arnarsson að gera góða hluti í pílu
Á Facebook-síðu Pílukastfélags Skagafjarðar segir að fyrsta umferð DARTUNG, mótaröð fyrir börn og unglinga á aldrinum níu til átján ára, fór fram í aðstöðu Pílufélags Kópavogs í íþróttamiðstöðinni Digranesi laugardaginn 10. febrúar. Pílukastfélag Skagafjarðar átti þar tvo fulltrúa, Axel Arnarsson og Kjartan Arnarsson. Nýtt met var slegið í skráningum en 40 börn og unglingar tóku þátt í þessu fyrsta móti ársins en 2. umferð fer fram 6. apríl í aðstöðu Píludeildar Þórs á Akureyri. Bæði Kjartan og Axel stóðu sig mjög vel en Axel Arnarsson keppti í drengjaflokki 14-18 ára og gerði sér lítið fyrir og fór alla leið í úrslit og endaði í 2. sæti. Það var Dalvíkingurinn Ægir Eyfjörð Gunnþórsson sem sigraði Axel Arnarsson 4-2 í úrslitaleiknum en til gamans má geta að þetta er fyrsta mótið hans Axels.
Á sunnudaginn var fór svo fram 2. umferð í Floridana deildinni og voru yfir 50 manns skráðir. Á þessu móti skiptir ekki máli hvort þú sért að byrja í pílukasti eða hefur verið að kasta í mörg ár. Mótið er stillt upp þannig að spilað er við aðila á sama getustigi. Tilvalið fyrir nýja píluspilara að skrá sig til leiks og prófa. Pílukastfélag Skagafjarðar átti sex leikmenn skráða á þessu móti, þá Arnar Má, Ingva, Jón Odd, Albert, Einar og Júlíus. Arnar Már og Júlíus sigruðu sínar deildir með glæsibrag, Arnar vann silfurdeildina og var haldin í Reykjavík og Júlíus vann bronsdeildina sem var haldin á Akureyri. Frábær árangur hjá félögum PKS.
Þá var fyrsta mótið í Kaffi Króks mótaröðinni 2024 hjá Pílukastfélaginu í vikunni og voru 18 þátttakendur skráðir til leiks. Spilað var í þremur deildum og í fyrstu deildinni vann Þórður Ingi Pálmarsson, í annarri deildinni vann, hinn ungi og efnilegi, Axel Arnarsson og í þriðju deildina vann Hallbjörn Björnsson. Hæsta útskot kvöldsins átti Arnar Geir Hjartarson sem tók út 150.
Fleiri fréttir
-
Samningur undirritaður um styrk til tækniaðstöðu á Hvammstanga
feykir.is Skagafjörður, Austur-Húnavatnssýsla, Vestur-Húnavatnssýsla 26.04.2024 kl. 19.01SSNV og Húnaþing vestra hafa undirritað samning vegna styrks til uppsetningar á tæknimiðstöð í anda FabLab smiðju í samfélagsmiðstöð í Félagsheimilinu á Hvammstanga að upphæð 10.500.000 kr. Fram kemur í frétt á síðu SSNV að verkefnið snýst um að koma upp nýsköpunar-, viðgerða- og þróunaraðstöðu fyrir íbúa á svæðinu, sem og aðstöðu fyrir félagsstarf.Meira -
Valið vekur furðu vestan Þverárfjalls
feykir.is Skagafjörður, Austur-Húnavatnssýsla, Vestur-Húnavatnssýsla 26.04.2024 kl. 11.20Heimasíða RÚV flytur fréttir en þar mátti í morgun sjá athyglisverða og skemmtilega úttekt á fótboltavöllum landsins. Þar eru nefndir til sögunnar fótboltavellirnir á Sauðárkróki og á Hofsósi þó svo að þeir ágætu vellir hafi ekki komist í hóp tíu flottustu valla landsins. Blönduósvöllur og Sjávarborgarvöllur á Hvammstanga voru ekki nefndir á nafn í úttektinni og því leitaði Feykir viðbragða hjá Aðdáendasíðu Kormáks og þar stóð ekki á svörum en umsjónarmaður furðar sig á valinu.Meira -
Atli Þór fullkomnar hóp Kormáks/Hvatar
feykir.is Austur-Húnavatnssýsla, Íþróttir, Vestur-Húnavatnssýsla 26.04.2024 kl. 09.44Síðasti dagur félagaskipta í efri deildum Íslandsmótanna í knattspyrnu var nú á miðvikudaginn. Þá bætti lið Kormáks/Hvatar við sig einum leikmanni því Atli Þór Sindrason var síðasta liðsstyrking hópsins fyrir mót.Meira -
Sæluvikan að bresta á
feykir.is Skagafjörður, Listir og menning 26.04.2024 kl. 08.34„Skipulagning Sæluviku gengur vel og viðburðir eru enn að bætast við,“ segir Heba Guðmundsdóttir sem hefur veg og vanda af skipulagningu Sæluvikunnar líkt og undanfarin ár og má því mögulega kalla verkefnastjóra Sæluvikunnar. „Það verða flestir fastir liðir á sínum stað á Sæluviku og mér finnst alltaf vera metnaður og spenna fyrir því að vera með hjá þeim sem skapað hafa þá hefð að standa fyrir viðburði á Sæluviku.“Meira -
Vinnustofa um gerð loftlagsstefnu sveitarfélaga
feykir.is Austur-Húnavatnssýsla, Vestur-Húnavatnssýsla 26.04.2024 kl. 08.32SSNV stóð fyrir vinnustofu í félagsheimilinu á Hvammstanga nú í vikunni um gerð loftlagsstefnu sveitarfélaga í samtarfi við KPMG. Vinnustofan var sérstaklega fyrir Húnavatnssýslur. Góð þátttaka var á vinnustofunni og áhugaverðar umræður sköpuðust.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.