Kormákur/Hvöt semur við Negue Kante
feykir.is
Skagafjörður, Austur-Húnavatnssýsla, Íþróttir, Vestur-Húnavatnssýsla
06.02.2024
kl. 08.13
Myndir teknar af Aðdáendasíðu Kormáks/Hvatar
á Facebook-síðu Kormáks/Hvatar segir að skrifað hefur verið undir samning við fransk-malíska varnarmanninn Negue Kante, sem væntanlegur er í Húnaþing á vormánuðum. Kante spilar stöðu miðvarðar, er örvfættur og 191 sentímetrar á hæð.
Negue Kante kemur til Kormáks/Hvatar frá liði í neðri deildum Ítalíu en spilaði áður með CE Carroi sem leikur í efstu deild Andorra og var þar á undan á bókum akademíu Stuttgart í Þýskalandi. Leikstíll hans er spennandi og akkúrat það sem Kormákur/Hvöt var að leitast eftir. Hann er sterkur maður á mann og agressívur, spilar leikinn einfalt og er yfirburðamaður í loftinu ásamt því að vera frár á fæti.
Þá skrifuðu tveir ungir og efnilegir leikmenn undir samning en þeir munu taka slaginn með Kormáki/Hvöt komandi sumar en það eru þeir Eyjólfur Örn Þorgilsson og Sigurjón Bjarni Guðmundsson, sem verða 15 og 16 ára á árinu. "Það er mikilvægt í starfinu að mynda brú úr yngri flokkum í meistaraflokkinn og þessir tveir framtíðarspilarar eru að taka það skref. Þeir verða hluti af hópnum og njóta þannig leiðsagnar okkar reyndari leikmanna, sem mun vonandi leiða til þess að við munum sjá þessa tvo heimamenn sem lykilmenn framtíðar," segir í tilkynningu sem sett var inn á Facebook-síðu Kormáks/Hvatar.
Fleiri fréttir
-
Samningur undirritaður um styrk til tækniaðstöðu á Hvammstanga
feykir.is Skagafjörður, Austur-Húnavatnssýsla, Vestur-Húnavatnssýsla 26.04.2024 kl. 19.01SSNV og Húnaþing vestra hafa undirritað samning vegna styrks til uppsetningar á tæknimiðstöð í anda FabLab smiðju í samfélagsmiðstöð í Félagsheimilinu á Hvammstanga að upphæð 10.500.000 kr. Fram kemur í frétt á síðu SSNV að verkefnið snýst um að koma upp nýsköpunar-, viðgerða- og þróunaraðstöðu fyrir íbúa á svæðinu, sem og aðstöðu fyrir félagsstarf.Meira -
Valið vekur furðu vestan Þverárfjalls
feykir.is Skagafjörður, Austur-Húnavatnssýsla, Vestur-Húnavatnssýsla 26.04.2024 kl. 11.20Heimasíða RÚV flytur fréttir en þar mátti í morgun sjá athyglisverða og skemmtilega úttekt á fótboltavöllum landsins. Þar eru nefndir til sögunnar fótboltavellirnir á Sauðárkróki og á Hofsósi þó svo að þeir ágætu vellir hafi ekki komist í hóp tíu flottustu valla landsins. Blönduósvöllur og Sjávarborgarvöllur á Hvammstanga voru ekki nefndir á nafn í úttektinni og því leitaði Feykir viðbragða hjá Aðdáendasíðu Kormáks og þar stóð ekki á svörum en umsjónarmaður furðar sig á valinu.Meira -
Atli Þór fullkomnar hóp Kormáks/Hvatar
feykir.is Austur-Húnavatnssýsla, Íþróttir, Vestur-Húnavatnssýsla 26.04.2024 kl. 09.44Síðasti dagur félagaskipta í efri deildum Íslandsmótanna í knattspyrnu var nú á miðvikudaginn. Þá bætti lið Kormáks/Hvatar við sig einum leikmanni því Atli Þór Sindrason var síðasta liðsstyrking hópsins fyrir mót.Meira -
Sæluvikan að bresta á
feykir.is Skagafjörður, Listir og menning 26.04.2024 kl. 08.34„Skipulagning Sæluviku gengur vel og viðburðir eru enn að bætast við,“ segir Heba Guðmundsdóttir sem hefur veg og vanda af skipulagningu Sæluvikunnar líkt og undanfarin ár og má því mögulega kalla verkefnastjóra Sæluvikunnar. „Það verða flestir fastir liðir á sínum stað á Sæluviku og mér finnst alltaf vera metnaður og spenna fyrir því að vera með hjá þeim sem skapað hafa þá hefð að standa fyrir viðburði á Sæluviku.“Meira -
Vinnustofa um gerð loftlagsstefnu sveitarfélaga
feykir.is Austur-Húnavatnssýsla, Vestur-Húnavatnssýsla 26.04.2024 kl. 08.32SSNV stóð fyrir vinnustofu í félagsheimilinu á Hvammstanga nú í vikunni um gerð loftlagsstefnu sveitarfélaga í samtarfi við KPMG. Vinnustofan var sérstaklega fyrir Húnavatnssýslur. Góð þátttaka var á vinnustofunni og áhugaverðar umræður sköpuðust.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.