Stólastúlkur unnu Aþenu í framlengdum leik
feykir.is
Skagafjörður, Austur-Húnavatnssýsla, Íþróttir, Vestur-Húnavatnssýsla
17.02.2024
kl. 07.34
Mynd tekin af Facebook-síðu KKd. Tindastóls.
Það komu gleðitíðindi frá Austurberginu í Reykjavík í gær, föstudaginn 16. febrúar, þegar Stólastúlkur unnu Aþenu í framlengdum leik 86 - 87. Fyrir leikinn voru stelpurnar í 3. sæti en sitja nú í því 4. en eiga leik til góða. Á Facebook-síðu Körfuknattleiksdeildar Tindastóls segir að leikurinn hafi byrjaði vel og var jafn og fór fyrsti leikhluti 24 - 25 fyrir Tindastól. Annar leikhluti var ekki jafn góður fyrir Stólastúlkur og vann Aþena hann 18 - 8 og staðan 42 - 33 fyrir Aþenu í hálfleik.
Stólsstúlkur komu mun ákveðnari til leiks í seinni hálfleik en Aþena hafði þó betur í þeim þriðja, staðan 27 - 21 og Aþena með 15 stiga forystu fyrir fjórða leikhluta. Okkar stúlkur neituðu að gefast upp og áttu frábæran fjórða leikhluta og unnu hann 9 - 24 og staðan jöfn 78 - 78 eftir venjulegan leiktíma og framlenging staðreynd. Stólsstúlkur lögðu allt í framlenginguna og unnu hana 8 - 9 og lokastaðan því 86 - 87 fyrir Tindastól. Frábær frammistaða!
Stigaskorið skiptist þannig að Ify setti 28 stig, Emese Vida var með 24 stig, Andriana Kasapi var með 17 stig, Inga Sigríður með átta stig, Inga Sigurðar með sjö stig og Rannveig með þrjú. Næsti leikur hjà stelpunum er laugardaginn 24. febrúar á móti KR á Meistaravöllum kl. 18:00.
Àfram Tindastóll!
Fleiri fréttir
-
Munum Stóra plokkdaginn
feykir.is Skagafjörður, Mannlíf 27.04.2024 kl. 13.34Stóri plokkdagurinn er nú á morgun, sunnudaginn 28. apríl, en hann var fyrst haldinn árið 2018. Um er að ræða flott samfélagsverkefni þar sem allir geta látið gott af sér leiða með því að fegra og hreinsa umhverfið í kringum sig.Meira -
Leikstrjórinn fullur tilhlökkunar fyrir frumsýningu
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 27.04.2024 kl. 13.00Sunnudaginn 28.apríl nk. frumsýnir Leikfélag Sauðárkróks Litlu hryllingsbúðina „sívinsælt verk sem sem fólk þreytist seint á að koma í leikhús til að upplifa,“ segir Valgeir Skagfjörð sem leikstýrir verkinu. Feykir heyrði hljóðið í leikstjóranum sem er sagðist vera sultuslakur fyrir frumsýningunni og fullur tilhlökkunar að leyfa áhorfendum að njóta sýningarinnar.Meira -
Rjómapasta og púðursykursterta
feykir.is Skagafjörður, Austur-Húnavatnssýsla, Vestur-Húnavatnssýsla, Í matinn er þetta helst, Lokað efni 27.04.2024 kl. 12.00Matgæðingar vikunnar í tbl 22 í fyrra voru Helga Sigurbjörnsdóttir og Hafþór Helgi Hafsteinsson. Helga er fædd og uppalin á Sauðárkróki og hefur búið þar nánast allt sitt líf en Hafþór Helgi er uppalinn á Hvolsvelli en flutti þaðan á Akureyri. Helga er rafvirki að mennt og starfar hjá Rarik, og er eins og föðuramman og alnafna öll í verkalýðsbaráttunni, er meðstjórnandi í Félagi íslenskra rafvirkja(FÍR) og situr í miðstjórn Rafiðnaðarsamband íslands (RSÍ). Hafþór er menntaður smiður og er að læra húsgagnasmíði. Saman eiga þau Alexöndru Eik, 3 ára, og Frigg sem er 4 ára Miniature schnauzer.Meira -
Shakespeare er mestur og bestur en að mestu hættur að skrifa... | Þorgeir Tryggva svarar Bók-haldinu
feykir.is Listir og menning, Mannlíf, Lokað efni 27.04.2024 kl. 11.47Bók-haldið hefur tvívegis tekið hús á gagnrýnendum Kiljunnar hans Egils Helga og nú bætum við einum til viðbótar í safnið. Þorgeir Tryggvason var að sjálfsögðu klár í slaginn þegar til hans var leitað. Toggi fæddist á Siglufirði árið 1968 en býr nú í Reykjavík, giftur, með dóttur og dótturson í næsta húsi, starfar sem texta- og hugmyndasmiður á auglýsingastofunni Hvíta húsinu á daginn. „Bókarýnir í Kiljunni u.þ.b. annað hvert miðvikudagskvöld. Spilerí og fjör með Ljótu hálfvitunum þegar færi gefst,“ bætir hann við og þegar hann er spurður um hvað sé í deiglunni svarar hann: „Sjöunda plata Hálfvitanna. Það verður smá Sauðárkróksblær á henni ef allt fer sem horfir.“Meira -
Samningur undirritaður um styrk til tækniaðstöðu á Hvammstanga
feykir.is Skagafjörður, Austur-Húnavatnssýsla, Vestur-Húnavatnssýsla 26.04.2024 kl. 19.01SSNV og Húnaþing vestra hafa undirritað samning vegna styrks til uppsetningar á tæknimiðstöð í anda FabLab smiðju í samfélagsmiðstöð í Félagsheimilinu á Hvammstanga að upphæð 10.500.000 kr. Fram kemur í frétt á síðu SSNV að verkefnið snýst um að koma upp nýsköpunar-, viðgerða- og þróunaraðstöðu fyrir íbúa á svæðinu, sem og aðstöðu fyrir félagsstarf.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.