Bíður spennt eftir Fljótagöngum
Enn er Feykir að rótast í að plata fólk til að gera upp árið sitt með lesendum. Að þessu sinni er það Stefanía Hjördís Leifsdóttir á Brúnastöðum í Fljótum sem höndlar uppgjörið. Hún er bóndi og ferðaþjónustubóndi en ábúendur á Brúnastöðum eru m.a. með húsdýragarð og standa í geitaostagerð svo eitthvað sé nefnt. Hún bíður spennt eftir Fljótagöngum.
Hver er maður ársins? – Manneskja ársins er að mínu mati sú sem sinnir sjállfboðaliðsstörfum. Sá sem ver endalausum tíma í að koma öðrum til aðstoðar án þess að vænta nokkurs í staðinn, ég ber mikla virðingu fyrir slíku fólki.
Hver var uppgötvun ársins? – Við fjölskyldan fengum okkur rafmagnsbíl um síðustu áramót. Ætli uppgvötvun ársins hafi ekki verið sú hversu frábært er að eiga slíkan bíl.
Hvað var lag ársins? – Áfram stelpur sem Una Torfa söng á Arnarhóli í tilefni kvennafrídagsins þar sem um 100.000 konur tóku undir. Gæsahúð.
Hvað gerðirðu ekki á árinu sem þú ætlaðir þér að gera? – Ég ætlaði í viðamiklar framkvæmdir í ferðaþjónustunni en vaxtarstigið í landinu sá til þess að þær hugmyndir voru settar á ís.
Hvers er eftirminnilegast frá árinu 2023? – Samverustundir með fjölskyldu og vinum. Ógleymanleg Parísarferð með eiginmanni og börnum. Frábært garðpartí til að fagna útskrift eins af sonunum úr HÍ, dansað inn í sumarnóttina sem er hvergi fallegri en í Fljótunum.
Hvaða þrjú orð lýsa árinu best – af hverju? – Hjá mér persónulega er bjart yfir árinu 2023. Velgengni, samvera og samvinna lýsa því best. Á svo frábæra og samhenta fjölskyldu sem er til í að hjálpa til við alls konar verkefni og ekki síst að njóta litlu en góðu stundanna saman.
Hverju viltu skella á brennuna og hvers vegna? – Innrás Ísraea í Palestínu, grimmd og mannvonska nær nýjum lágpunkti.
Hvað viltu sjá gerast árið 2024? – Vildi gjarna sjá að ákvörðun verði tekin um hvenær á að ráðast í Fljótagöngin. Er afskaplega spent fyrir þeirri framkvæmd.
Fleiri fréttir
-
Grunnskólinn austan Vatna komst bara víst í úrslit í Skólahreysti
feykir.is Skagafjörður, Íþróttir 01.05.2024 kl. 18.05Eitthvað klikkuðu reikningskúnstir Feykis í nótt þegar birtar voru niðurstöður í Skólahreysti. Þá var nánast fullyrt að Grunnskólinn austan Vatna í Skagafirði hefði naumlega orðið af sæti í úrslitum keppninnar skemmtilegu – en viti menn; í hádeginu í dag var tilkynnt á Facebook-síðu Skólahreysti að Grunnskólinn austan Vatna hefði sannarlega tryggt sér sæti í úrslitunum. Norðurland vestra er því með þrjá skóla af tólf í úrslitum Skólahreysti og ef það var snilld að eiga tvo skóla af tólf miðað við höfðatölu í nótt hversu geggjað er þá að eiga þrjá skóla í úrslitunum!?Meira -
Hermann Sæmundsson ráðuneytisstjóri fylgir Sigurði Inga sem skugginn
feykir.is Skagafjörður, Mannlíf 01.05.2024 kl. 14.00Fjármála- og efnahagsráðherra, innviðaráðherra og Skagfirðingurinn Hermann Sæmundsson hafa gert með sér samkomulag um flutning Hermanns í embætti ráðuneytisstjóra fjármála- og efnahagsráðuneytisins og mun hann taka við frá og með 1. maí 2024. Hemmi Sæm, sem er sonur heiðurshjónanna Sæmundar Hermannssonar frá Ysta-Mói í Fljótum og Ásu Helgadóttur, sem bæði eru látin, er alinn upp á Skagfirðingabrautinni á Króknum.Meira -
Grillaður fiskur og tiramisu
feykir.is Skagafjörður, Austur-Húnavatnssýsla, Vestur-Húnavatnssýsla, Í matinn er þetta helst, Lokað efni 01.05.2024 kl. 12.40Matgæðingar vikunnar í tbl 24 í fyrra voru Ágúst Andrésson, þá forstöðumaður Kjötafurðastöðvar KS, og Guðlaug Kristín Pálsdóttir, sérfræðingur á Brunavarnasviði HMS. Ágúst og Guðlaug búa saman á Sauðárkróki og er Gústi borinn og barnfæddur í Skagafirði, nánar tiltekið á Bergstöðum, en Gulla ólst upp í Reykjavík og fluttist á Sauðárkrók í miðju Covid árið 2020. Þau erum eigendur að Norðar ehf. sem m.a. flytur inn vín frá Moldóvu og Ítalíu og hafa einnig staðið í eigin veitingarekstri og hafa mjög gaman af því að ferðast og borða góðan mat.Meira -
Litla hryllingsbúðin enn lokuð vegna veikinda!
feykir.is Skagafjörður, Listir og menning 01.05.2024 kl. 10.29Í gær tók Leikfélag Sauðárkróks stöðuna varðandi sýningarhald á Litlu hryllingsbúðinni en eins og áður var greint frá í Feyki varð að fresta frumsýningu sl. sunnudag vegna veikinda í leikhópnum. Því miður reyndist staðan þannig að fyrirhugðum sýningum á miðvikudag og föstudag hefur nú verið frestað um óákveðin tíma.Meira -
Úrslit í Vísnakeppni Safnahúss Skagfirðinga
feykir.is Skagafjörður, Aðsendar greinar, Listir og menning 01.05.2024 kl. 09.22Við setningu Sæluviku Skagfirðinga þann 28. apríl sl. voru að venju birt úrslit í vísnasamkeppninni, okkar árlega viðburði, vonandi verður keppnin haldin um ókomin ár. Markmiðið er að fá fólk til að botna fyrirfram gefna fyrriparta og einnig að yrkja vísu eða vísur um líflegt og litríkt forsetaframboð, hafa aldrei fyrr verið jafn margir til kallaðir á þeim vettvangi mun það verðugt rannsóknarefni. Þátttaka í keppninni var nokkuð góð, alls bárust okkur svör frá tíu hagyrðingum.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.