Nemendur Fornverkaskólans létu hendur standa fram úr ermum
Á Fésbókarsíðu Fornverkaskólans var í síðustu viku sagt frá því að mikið hafi verið um dýrðir hjá skólanum í september. Tvö námskeið voru haldin í torfhleðslu, annað á Tyrfingsstöðum á Kjálka og hitt á Syðstu-Grund í Blönduhlíð.
Gefum ritara Fornverkaskólans orðið: „Fyrra námskeiðið var haldið 1.-3. september á Tyrfingsstöðum og voru þátttakendur m.a. frá Minjastofnun, Húsverndarstofu og Byggðasafni Skagfirðinga. Á námskeiðinu var kennd torfrista og -stunga, kannaðar voru ýmsar hleðslugerðir og unnið að viðgerðum í bæjargöngum og þaki gamla bæjarins. Í bæjargöngum var oft þröngt á þingi, en allt gekk þetta með miklum sóma. Eins og áður sá Helgi Sigurðsson hjá Fornverki um kennslu á námskeiðinu og Ylfa Leifsdóttir, starfsmaður Byggðasafns Skagfirðinga hélt utan um veitingar og skipulag á meðan námskeiði stóð. Að vanda voru Stína og Siggi, ábúendur á Tyrfingsstöðum stoðir okkar og styttur á meðan námskeiði stóð, Stína stóð fyrir útskriftarveislu í lok námskeiðs og sendum við þeim góðar þakkir fyrir aðstoðina og samveruna.
Síðara torfhleðslunámskeiðið var haldið á Syðstu-Grund dagana 5.-7. september og voru þátttakendur m.a. frá Minjastofnun og Þjóðminjasafni en stærsti hluti þátttakenda voru nemendur og kennarar frá smíðadeild NTNU háskólanum í Þrándheimi í Noregi en námið snýst um kynningu og sérhæfingu í hefðbundnu byggingarhandverki. Á Syðstu-Grund voru hreinsaðir burt gamlir veggir útihúsa sem standa sunnan við bæinn, þátttakendur spreyttu sig á torfristu og -stungu, fengu sýnikennslu í mismunandi hleðslutegundum og byggðu loks upp alla veggi hússins með klömbruhnausum, streng- og grjóthleðslu.
Að vanda sá Helgi Sigurðsson frá Fornverki um kennslu á námskeiðinu og um skipulag og umsjón sáu Ylfa Leifsdóttir og Inga Katrín D. Magnúsdóttir frá Byggðasafni Skagfirðinga.“
Í lok færslunnar er síðan ábúendum og fjölskyldunni á Syðstu-Grund þakkaðar góðar undirtektir, stuðningur og aðstoð meðan á námskeiðinu stóð. „Kolbrún María Sæmundsdóttir og fjölskylda slógu til útskriftarveislu í lok námskeiðs og sendum við góðar kveðjur og þakkir fyrir okkur!“ segir í lokin.
Feykir tekur sér það bessaleyfi að birta nokkrar prýðismyndir sem fylgja umfjölluninni á síðu Fornverkaskólans. Þá sem þyrstir í enn fleiri myndir geta smellt hér >
Fleiri fréttir
-
„Get talað endalaust um kaffi“
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 19.05.2024 kl. 09.00Vala tekur á móti blaðamanni Feykis á heimili sínu, Páfastöðum 2 í Skagafirði, þar sem þær Vala Stefánsdóttir og Rannveig Einarsdóttir hafa búið sér fallegt heimili og eru langt komnar með að útbúa litla kaffibrennslu í skúrnum sem á sumum heimilum er byggður fyrir bíla. Vala hefst strax handa við að útbúa kaffi handa blaðamanni, sem er venjulegur leikmaður þegar kemur að kaffi – kaupir Grænan Braga í búðinni og hellir upp á kaffi í venjulegri kaffivél og hellir því svo á brúsa, drekkur það svo svart og sykurlaust. Það er ekki ferlið sem Vala tekur blaðamanninn með sér í. Hún byrjar á að setja kaffibaunir í kvörn, sem koma frá samnefndu fyrirtæki, Kvörn, sem Vala er hluthafi í. Hún hellir „upp á gamla mátann“ eins og blaðamaður hefur heyrt sagt um aðferðina hennar Völu. Hún malar kaffið í kvörninni og hellir svo soðnu vatni yfir það. Það er kúnst, því bleyta þarf fyrst upp í öllu kaffinu og hægt er að segja til um ferskleika kaffisins eftir loftbólumynduninni þegar vatnið fer yfir kaffið. – Það er vel hægt að fullyrða að fyrir Völu er kaffi ekki bara kaffi.Meira -
Lagfæringar á gervigrasvellinum komnar á fullt
feykir.is Skagafjörður, Íþróttir 18.05.2024 kl. 22.12Það horfir til betri vegar á gervigrasvellinum á Króknum en hann varð fyrir skemmdum fyrir um fjórum vikum síðan í all harkalegum vorleysingum. Viðgerðir hófust í gærmorgun en í frétt á síðu Skagafjarðar segir að á meðan á viðgerðum stendur verður hluta vallarins lokað en hægt verður að æfa á þeim hluta sem ekki varð fyrir skemmdum.Meira -
Útboð á nýrri leikskólabyggingu Húnabyggðar
feykir.is Austur-Húnavatnssýsla 18.05.2024 kl. 21.35Húnabyggð óskar eftir tilboðum í uppsetningu og afhendingu á ca. 650-700 m2 leikskóla úr húseiningum, timbur- eða gámaeiningum til leigu á lóð við hlið núverandi leikskóla að Hólabraut 17 með kaupsréttarákvæðum. Í byggingunni verða fjórar leikskóladeildir.Meira -
Stólastúlkur dottnar út eftir hörkuleik gegn sameinuðum Akureyringum
feykir.is Skagafjörður, Íþróttir 18.05.2024 kl. 16.12Tindastóll og Þór/KA mættust á Dalvíkurvelli í hádeginu í dag í fyrsta leiknum í 16 liða úrslitum Mjólkurbikars kvenna. Nokkur vindur var og einstaka slyddubakki gekk yfir Eyjafjörðinn meðan á leik stóð og lék vindurinn nokkuð hlutverk í því hvernig leikurinn þróaðist. Öll mörkin komu í fyrri hálfleik og leiddu gestirnir í Þór/KA 1-2 í hálfleik en ekki tókst liðunum að skora í þeim síðari þrátt fyrir sénsa á báða bóga.Meira -
Framkvæmdir við smábátahöfnina á Sauðárkróki
feykir.is Skagafjörður 18.05.2024 kl. 14.07Á Sauðárkróki er nú unnið að undirbúningi fyrir malbikun á svæðinu við smábátabryggjuna í samræmi við samþykkt deiluskipulags Sauðárkrókshafnar.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.