Hannah Cade kvödd með virktum
Það var falleg stund að leik loknum hjá Stólastúlkum á laugardaginn þegar Donni tilkynnti stuðningsmönnum að Hannah Jane Cade hefði verið að spila sinn síðasta leik fyrir lið Tindastóls. Hún var að klára sitt annað tímabil á Króknum, fór með liðinu upp úr Lengjudeildinni síðasta sumar og spilaði stóra rullu í að halda liðinu í Bestu deildinni í sumar.
Hún er smá en ansi kná, full af dugnaði og jákvæðni. Hennar hlutverk var jafnan sem djúpur miðjumaður og lék Hannah 43 leiki í deild og bikar með liði Tindastóls og skoraði sjö mörk. „Við eigum eftir að sjá mikið á eftir henni því hún hefur verið hreint stórkostleg fyrir okkur, bæði innan sem utan vallar. Hannah er algerlega magnaður leikmaður og frábær liðsfélagi og hefur gert ótrúlega vel hér á Íslandi sem leikmaður. Við eigum eftir að sakna hennar mikið en vonum að allt gangi sem allra best hjá henni,“ sagði Donni þjálfari Stólastúlkna í viðtali við Feyki í gær. Það var því rétt að leggja nokkrar spurningar fyrir Hönnuh.
Þú ert búin að kveðja lið Tindastóls Hannah, hvað stendur til? „Ég ætla að hefja læknisfræðinám í Bandaríkjunum til að verða fóta- og ökklalæknir, svo í bili er ég að leggja takkaskóna á hilluna.“
Áttirðu góðan tíma með liði Tindastóls? „Tíminn minn hjá Tindastóli hefur verið stórkostleg upplifun og ég er svo þakklát fyrir tækifærið sem Donni gaf mér að spila hér með þessum sérstaka hópi stúlkna. Hér eignaðist ég ævilanga vini og ég mun minnast þessara síðustu tveggja sögulegu tímabila að eilífu!“
Hvað stendur upp úr hjá þér frá þessum tíma? „Stelpurnar í þessu liði og það ótrúlega samfélag stuðningsmanna sem við eigum stendur upp úr. Við höfum afrekað svo margt sem hópur, þrátt fyrir margar hindranir, og ég er svo stolt af því að hafa verið hluti af því.“
Að lokum þakkar Hannah öllu Tindastólsfólki fyrir að taka á móti sér opnum örmum. „Allt frá liðsfélögum mínum til krakkanna sem ég hjálpaði að þjálfa, til allra annarra í fótboltasamfélaginu, þið hafið haft svo ótrúleg áhrif á líf mitt. Ég veit að ég mun alltaf eiga fjölskyldu á Sauðárkróki og það skiptir mig heilmiklu máli. Ég veit líka að þessi hópur er fær um svo ótrúlega hluti og ég get ekki beðið eftir að sjá allt sem liðið áorkar í framtíðinni! Áfram Stólar!“
Takk fyrir frábæran tíma Hannah.
Fleiri fréttir
-
Minni halli á Skagaströnd en áætlanir gerðu ráð fyrir
feykir.is Austur-Húnavatnssýsla 19.05.2024 kl. 12.08Húnahornið segir frá því að Sveitarfélagið Skagaströnd hafi skilað 46,8 milljón króna neikvæðri rekstrarniðurstöðu í fyrra en síðari umræða um ársreikning sveitarfélagsins 2023 fór fram á sveitarstjórnarfundi þann 10. maí sl. Niðurstaðan var þó 8,7 milljónum króna betri en áætlun með viðaukum haft gert ráð fyrir.Meira -
Vantaði upp á orkustigið og stemninguna
feykir.is Skagafjörður, Íþróttir 19.05.2024 kl. 12.01„Þetta var ekkert sérstakur leikur af okkar hálfu og við getum betur, sérstaklega með boltann,“ sagði Donni þjálfari Stólastúlkna þegar Feykir spurði hann út í bikarleikinn gegn liði Þórs/KA sem fram fór í gær en Akureyringar höfðu betur 1-2. „Vissulega spila aðstæður stórann þátt því það var mikill vindur á annað markið. En jafnvel með vindinum fannst mér pláss til að gera betur. Úrslitin voru svekkjandi og sanngjörn en frammistaðan er það sem við horfum í og þar viljum við gera betur.“Meira -
Gjöf foreldrafélagsins til Leikskóla Húnabyggðar
feykir.is Austur-Húnavatnssýsla, Mannlíf 19.05.2024 kl. 11.27Á dögunum afhenti Foreldrafélag Leikskóla Húnabyggðar leikskólanum að gjöf tvær barnakerrur fyrir 4-6 börn. Í tilkynningu frá Foreldrafélagi Leikskóla Húnabyggðar segir að hugmyndin sé að þær nýtist sérstaklega yngstu deild leikskólans sem nú er til húsa við Húnabraut 6 og auðveldi þannig heimsóknir þeirra upp í aðalbyggingu leikskólans. Ein 6-barna kerra hefur nú þegar verið afhent og von er á annarri 4-barna kerru í sendingu á komandi vikum.Meira -
„Get talað endalaust um kaffi“
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 19.05.2024 kl. 09.00Vala tekur á móti blaðamanni Feykis á heimili sínu, Páfastöðum 2 í Skagafirði, þar sem þær Vala Stefánsdóttir og Rannveig Einarsdóttir hafa búið sér fallegt heimili og eru langt komnar með að útbúa litla kaffibrennslu í skúrnum sem á sumum heimilum er byggður fyrir bíla. Vala hefst strax handa við að útbúa kaffi handa blaðamanni, sem er venjulegur leikmaður þegar kemur að kaffi – kaupir Grænan Braga í búðinni og hellir upp á kaffi í venjulegri kaffivél og hellir því svo á brúsa, drekkur það svo svart og sykurlaust. Það er ekki ferlið sem Vala tekur blaðamanninn með sér í. Hún byrjar á að setja kaffibaunir í kvörn, sem koma frá samnefndu fyrirtæki, Kvörn, sem Vala er hluthafi í. Hún hellir „upp á gamla mátann“ eins og blaðamaður hefur heyrt sagt um aðferðina hennar Völu. Hún malar kaffið í kvörninni og hellir svo soðnu vatni yfir það. Það er kúnst, því bleyta þarf fyrst upp í öllu kaffinu og hægt er að segja til um ferskleika kaffisins eftir loftbólumynduninni þegar vatnið fer yfir kaffið. – Það er vel hægt að fullyrða að fyrir Völu er kaffi ekki bara kaffi.Meira -
Lagfæringar á gervigrasvellinum komnar á fullt
feykir.is Skagafjörður, Íþróttir 18.05.2024 kl. 22.12Það horfir til betri vegar á gervigrasvellinum á Króknum en hann varð fyrir skemmdum fyrir um fjórum vikum síðan í all harkalegum vorleysingum. Viðgerðir hófust í gærmorgun en í frétt á síðu Skagafjarðar segir að á meðan á viðgerðum stendur verður hluta vallarins lokað en hægt verður að æfa á þeim hluta sem ekki varð fyrir skemmdum.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.