Jólin heima verða í Miðgarði 9. desember
„Já, jólatónleikarnir Jólin heima verða haldnir í Miðgarði laugardaginn 9. des. Þetta verður í fjórða skiptið sem þessi hópur blæs til jólatónleika en nú verður sú breyting að tvennir tónleikar fara fram sama dag, fjölskyldutónleikar um miðjan dag og síðan aðrir um kvöldið,“ segir jólatónleikahaldarinn Jóhann Daði Gíslason þegar Feykir spyr hvort það eigi að skella í Jólin heima enn og aftur.
Fyrstu tónleikar Jólin heima voru fyrir luktum dyrum í Bifröst í miðju Covid-kasti og var þá sýnt frá tónleikunum í streymi. Síðan færðist tónleikahaldið í Miðgarð og í fyrra var ekki annað hægt að segja en að tónleikarnir hafi verið frábærir á allan hátt og viðtökurnar eftir því.
Hverjir mæta til leiks að þessu sinni? „Það er svipaður hópur og síðustu ár, að langmestu leyti tónlistarfólk í yngri kantinum sem á rætur á rekja í Skagafjörðinn.“
Er undirbúningur kominn á fullt? „Það er allt komið á fullt, formið verður svipað ef frá eru taldir fjölskyldutónleikarnir sem bætast við en það verður meira lagt í ljós og skreytingar en áður.“
Hverjir standa að tónleikunum? „Á bak við þá stendur hópur af ungu tónlistarfólki úr Skagafirði. Við njótum stuðnings frá lykilfyrirtækjum í Skagafirði, nokkur þegar búin að lofa styrk en við getum enn bætt við styrktaraðilum. Við fáum svo veglegan styrk frá Uppbyggingarsjóði SSNV.“
Verður ekki Last Christmas örugglega tekið í þetta skiptið? „Hver veit nema Last Christmas verði tekið í ár. En j,ú við erum byrjaðir að gera lagalistann.“
Er forsala hafin? „Forsalan er ekki hafin en við munum tilkynna það von bráðar. Hægt er að fylgjast vel með okkur á öllum samfélagsmiðlunum undir nafninu Jólin heima!“ segir Jóhann Daði í lokin. Það er því vissara að merkja duglega við 9, desember í dagatalinu því þá verða Jólin heima!
Fleiri fréttir
-
Minni halli á Skagaströnd en áætlanir gerðu ráð fyrir
feykir.is Austur-Húnavatnssýsla 19.05.2024 kl. 12.08Húnahornið segir frá því að Sveitarfélagið Skagaströnd hafi skilað 46,8 milljón króna neikvæðri rekstrarniðurstöðu í fyrra en síðari umræða um ársreikning sveitarfélagsins 2023 fór fram á sveitarstjórnarfundi þann 10. maí sl. Niðurstaðan var þó 8,7 milljónum króna betri en áætlun með viðaukum haft gert ráð fyrir.Meira -
Vantaði upp á orkustigið og stemninguna
feykir.is Skagafjörður, Íþróttir 19.05.2024 kl. 12.01„Þetta var ekkert sérstakur leikur af okkar hálfu og við getum betur, sérstaklega með boltann,“ sagði Donni þjálfari Stólastúlkna þegar Feykir spurði hann út í bikarleikinn gegn liði Þórs/KA sem fram fór í gær en Akureyringar höfðu betur 1-2. „Vissulega spila aðstæður stóran þátt því það var mikill vindur á annað markið. En jafnvel með vindinum fannst mér pláss til að gera betur. Úrslitin voru svekkjandi og sanngjörn en frammistaðan er það sem við horfum í og þar viljum við gera betur.“Meira -
Gjöf foreldrafélagsins til Leikskóla Húnabyggðar
feykir.is Austur-Húnavatnssýsla, Mannlíf 19.05.2024 kl. 11.27Á dögunum afhenti Foreldrafélag Leikskóla Húnabyggðar leikskólanum að gjöf tvær barnakerrur fyrir 4-6 börn. Í tilkynningu frá Foreldrafélagi Leikskóla Húnabyggðar segir að hugmyndin sé að þær nýtist sérstaklega yngstu deild leikskólans sem nú er til húsa við Húnabraut 6 og auðveldi þannig heimsóknir þeirra upp í aðalbyggingu leikskólans. Ein 6-barna kerra hefur nú þegar verið afhent og von er á annarri 4-barna kerru í sendingu á komandi vikum.Meira -
„Get talað endalaust um kaffi“
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 19.05.2024 kl. 09.00Vala tekur á móti blaðamanni Feykis á heimili sínu, Páfastöðum 2 í Skagafirði, þar sem þær Vala Stefánsdóttir og Rannveig Einarsdóttir hafa búið sér fallegt heimili og eru langt komnar með að útbúa litla kaffibrennslu í skúrnum sem á sumum heimilum er byggður fyrir bíla. Vala hefst strax handa við að útbúa kaffi handa blaðamanni, sem er venjulegur leikmaður þegar kemur að kaffi – kaupir Grænan Braga í búðinni og hellir upp á kaffi í venjulegri kaffivél og hellir því svo á brúsa, drekkur það svo svart og sykurlaust. Það er ekki ferlið sem Vala tekur blaðamanninn með sér í. Hún byrjar á að setja kaffibaunir í kvörn, sem koma frá samnefndu fyrirtæki, Kvörn, sem Vala er hluthafi í. Hún hellir „upp á gamla mátann“ eins og blaðamaður hefur heyrt sagt um aðferðina hennar Völu. Hún malar kaffið í kvörninni og hellir svo soðnu vatni yfir það. Það er kúnst, því bleyta þarf fyrst upp í öllu kaffinu og hægt er að segja til um ferskleika kaffisins eftir loftbólumynduninni þegar vatnið fer yfir kaffið. – Það er vel hægt að fullyrða að fyrir Völu er kaffi ekki bara kaffi.Meira -
Lagfæringar á gervigrasvellinum komnar á fullt
feykir.is Skagafjörður, Íþróttir 18.05.2024 kl. 22.12Það horfir til betri vegar á gervigrasvellinum á Króknum en hann varð fyrir skemmdum fyrir um fjórum vikum síðan í all harkalegum vorleysingum. Viðgerðir hófust í gærmorgun en í frétt á síðu Skagafjarðar segir að á meðan á viðgerðum stendur verður hluta vallarins lokað en hægt verður að æfa á þeim hluta sem ekki varð fyrir skemmdum.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.