Tókst að sniðganga alveg markmið síðasta árs
Það er Króksarinn Magnús Barðdal sem gerir upp árið að þessu sinni en hann starfar nú sem verkefnastjóri fjárfestinga hja SSNV en hans helsta verksvið er að auka fjárfestingar í landshlutanum með það fyrir augum að fjölga atvinnutækifærum. Hann væri alveg til í að sjá Tindastólsmenn verja Íslandsmeistaratitilinn.
Hver er maður ársins? – Það er björgunarsveitafólkið í Grindavík. Þau eiga þetta svo sannarlega skilið eftir að hafa staðið vaktina vegan jarðhræringa á Reykjanesi. Þvílíkar hetjur.
Hver var uppgötvun ársins? – Ég vona að salan á nýsköpunarfyrirtækinu Kerecis á Ísafirði hafi sýnt fram á hversu mikil verðmæti felast í nýsköpun. Verðmætasta Fyrirtæki landsins.
Hvað var lag ársins? – Úlfur Úlfur gáfu út plötuna Hamfarapopp á árinu sem er frá upphafi til enda algjör snild. Ef ég á að velja eitt lag þá er það lagið Salt á þessari frábæru plötu.
Hvað gerðirðu ekki á árinu sem þú ætlaðir þér að gera? – Ég var með metnaðarfull áform í uphafi árs um að ganga á fleiri fjöll á árinu. Einhvernvegin tókst mér að sniðganga þetta markmið alveg. Tek það á næsta ári ;o) [nýju ári].
Hvers er eftirminnilegast frá árinu 2023? – Stemmingin sem skapaðist í kringum úrslitakeppnina í körfubolta í vor. Það var einstakt að sjá samfélagið standa á bak við lið sitt og finna að það leynast Tindastólsmenn allstaðar!
Hvaða þrjú orð lýsa árinu best? – Náttúruhamfarir – Verðbólga – Gervigreind.
Hverju viltu skella á brennuna og hvers vegna? – Æji, má ekki bara henda vaxtahækkunum og verðbólgu á brennuna í þetta skiptið? Mun ekki sakna þess á nýju ári.
Hvað viltu sjá gerast árið 2024? – Árið 2023 hefur einkennst af átökum erlendis sem hafa haft áhrif á alla heimsbyggðina. Ég myndi gjarnan vilja að 2024 yrði þekkt sem árið þar sem stríðin enduðu og friður komst á. Einnig væri ég mjög mikið til í að sjá Tindastól verja Íslandsmeistaratitilinn í körfubolta, Já og lægri vextir og minni verðbólga mættu alveg fljóta með á óskalistann.
Fleiri fréttir
-
Sigríður Fjóla skaraði fram úr
feykir.is Skagafjörður, Íþróttir, Hestar 02.05.2024 kl. 11.30Útskriftarhelgi Reiðmannsins fór fram um liðna helgi á vegum Endurmenntunar Landbúnaðarháskóla Íslands á Hvanneyri. Á laugardag kepptu nemendur sem höfðu náð bestum árangri í sínum hópum til úrslita. Reynisbikarinn hlýtur sá er efstur stendur úr Reiðmanninum II og í ár var það Sigríður Fjóla Viktorsdóttir á Prins frá Syðra-Skörðugili, sem reyndist hlutskörpust.Meira -
Birna Ágústsdóttir sett tímabundið sem sýslumaður á Vesturlandi
feykir.is Skagafjörður, Austur-Húnavatnssýsla, Vestur-Húnavatnssýsla 02.05.2024 kl. 08.10Guðrún Hafsteinsdóttir dómsmálaráðherra hefur sett Birnu Ágústsdóttur, sýslumann Norðurlands vestra, tímabundið sem sýslumann á Vesturlandi, frá 1. júní nk. til og með 31. maí 2025. Tilefni setningarinnar er beiðni Ólafs Kristófers Ólafssonar, sýslumanns, um lausn frá embætti. Birna mun gegna báðum embættunum á framangreindu tímabili.Meira -
Grunnskólinn austan Vatna komst bara víst í úrslit í Skólahreysti
feykir.is Skagafjörður, Íþróttir 01.05.2024 kl. 18.05Eitthvað klikkuðu reikningskúnstir Feykis í nótt þegar birtar voru niðurstöður í Skólahreysti. Þá var nánast fullyrt að Grunnskólinn austan Vatna í Skagafirði hefði naumlega orðið af sæti í úrslitum keppninnar skemmtilegu – en viti menn; í hádeginu í dag var tilkynnt á Facebook-síðu Skólahreysti að Grunnskólinn austan Vatna hefði sannarlega tryggt sér sæti í úrslitunum. Norðurland vestra er því með þrjá skóla af tólf í úrslitum Skólahreysti og ef það var snilld að eiga tvo skóla af tólf miðað við höfðatölu í nótt hversu geggjað er þá að eiga þrjá skóla í úrslitunum!?Meira -
Hermann Sæmundsson ráðuneytisstjóri fylgir Sigurði Inga sem skugginn
feykir.is Skagafjörður, Mannlíf 01.05.2024 kl. 14.00Fjármála- og efnahagsráðherra, innviðaráðherra og Skagfirðingurinn Hermann Sæmundsson hafa gert með sér samkomulag um flutning Hermanns í embætti ráðuneytisstjóra fjármála- og efnahagsráðuneytisins og mun hann taka við frá og með 1. maí 2024. Hemmi Sæm, sem er sonur heiðurshjónanna Sæmundar Hermannssonar frá Ysta-Mói í Fljótum og Ásu Helgadóttur, sem bæði eru látin, er alinn upp á Skagfirðingabrautinni á Króknum.Meira -
Grillaður fiskur og tiramisu
feykir.is Skagafjörður, Austur-Húnavatnssýsla, Vestur-Húnavatnssýsla, Í matinn er þetta helst, Lokað efni 01.05.2024 kl. 12.40Matgæðingar vikunnar í tbl 24 í fyrra voru Ágúst Andrésson, þá forstöðumaður Kjötafurðastöðvar KS, og Guðlaug Kristín Pálsdóttir, sérfræðingur á Brunavarnasviði HMS. Ágúst og Guðlaug búa saman á Sauðárkróki og er Gústi borinn og barnfæddur í Skagafirði, nánar tiltekið á Bergstöðum, en Gulla ólst upp í Reykjavík og fluttist á Sauðárkrók í miðju Covid árið 2020. Þau erum eigendur að Norðar ehf. sem m.a. flytur inn vín frá Moldóvu og Ítalíu og hafa einnig staðið í eigin veitingarekstri og hafa mjög gaman af því að ferðast og borða góðan mat.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.