Elvis-borgari og ferskjubaka
Matgæðingur vikunnar í tbl 3 í ár var Vilhelm Vilhelmsson en hann er með doktorspróf í sagnfræði frá Háskóla Íslands og starfar sem forstöðumaður Rannsóknaseturs Háskóla Íslands á Norðurlandi vestra. Hann er kvæntur Sólveigu Huldu Benjamínsdóttur, safnafræðingi og forstöðumanni safna í Húnaþingi vestra. Þau eiga fjögur börn á aldrinum eins til þrettán ára svo það er aldrei lognmolla á þeirra heimili. Vilhelm og Sólveig búa í Húnaþingi vestra þar sem þau eru bæði fædd
og uppalin.
RÉTTUR 1
Elvis-borgari
600 g hakk
½ bolli hnetusmjör
1 msk. smjör
2 bananar, sneiddir
2 tsk. púðursykur
8 sneiðar beikon
8 sykurhúðaðir kleinuhringir
steikingarolía
salt og pipar
Aðferð: Mótið fjóra 150 g borgara úr hakkinu og steikið í olíu á pönnu á frekar háum hita. Kryddið með salti og pipar. Smyrjið fullsteikta borgarana með hnetusmjöri og geymið á diski undir álpappír. Samtímis á að steikja beikonið á sér pönnu (fínt að nota AirFryer líka) eins og þið viljið hafa það, hvort heldur stökkt eða léttsteikt. Þurrkið létt af pönnunni og bræðið svo smjörið á pönnunni á miðlungshita. Bætið bönunum og púðursykri saman við og hrærið saman. Látið bananana steikjast í nokkrar mínútur, eða þar til þeir eru mjúkir og gljáðir. Setjið hvern hamborgara ofan á kleinuhring, tvær sneiðar af beikoni, slatta af bönunum og annan kleinuhring ofan á. Með borgurunum er gott að hafa franskar kartöflur. Þá er upplagt að gera sína eigin sósu til að dýfa í, til dæmis eftirfarandi sósu:
Hunangs-Sriracha Aioli sósa:
½ bolli majónes
1-2 msk. sriracha sósa
1-2 tsk. hunang
1 tsk. sítrónusafi
1 hvítlauksrif kramið
Aðferð: Blandið öllum hráefnum saman í skál og hrærið vel þar til sósan er mjúk og kekkjalaus. Geymist í kæli.
RÉTTUR 2
Ferskjubaka
Botn:
8 ferskjur
¼ bolli sykur
¼ bolli púðursykur
½ tsk. kanill
½ tsk. engifer
¼ tsk. múskat
Toppur:
1 bolli hveiti
¼ bolli sykur
¼ bolli púðursykur
1 tsk. lyftiduft
½ tsk. salt
½ tsk. kanill
½ engifer
½ bolli smjör
½ bolli heitt vatn
Aðferð: Afhýðið ferskjur og skerið í bita. Blandið öllu innihaldi grunnsins saman í stórri skál og hrærið með höndunum þar til allar ferskjurnar eru vel hjúpaðar. Setjið í eldfast mót. Blandið svo öllum þurrefnum toppsins saman í skál. Notið hendur til að mylja smjör saman við blönduna. Bætið heitu vatni við og blandið vel saman. Dreifið deiginu jafnt yfir ferskjurnar og bakið við 200°C í 35-40 mínútur eða þar til bakan er gullinbrún á lit. Gott er að borða ferskjubökuna með ís eða rjóma.
Verði ykkur að góðu!
Fleiri fréttir
-
Skatastaðavirkjun í Skagafirði | Steinar Skarphéðinsson skrifar
feykir.is Skagafjörður, Aðsendar greinar 04.05.2024 kl. 14.07Skatastaðavirkjun er hugsuð til þess að virkja Austari Jökulsá í Skagafirði. Uppsett afl virkjunar er 156 MW, orkugeta 1090 GWh/ár. Til þess að svo megi verða þarf að skapa uppistöðulón á hálendinu í um 700 metra hæð yfir sjávarmáli. Þetta lón kæmi til með að verða um það bil 26,3 km2eða um það bil helmingi minna en Blöndulón. Öll aðrennslisgöng að og frá stöðvarhúsi eru fyrirhuguð neðanjarðar þannig að með góðum frágangi ættu ekki að verða mikil náttúruspjöll.Meira -
Nýframkvæmdir fyrir einn og hálfan milljarð á árinu
feykir.is Skagafjörður, Mannlíf, Lokað efni 04.05.2024 kl. 13.55Feykir sendi Sigfúsi Inga Sigfússyni, sveitarstjóra Skagafjarðar, spurningar þar sem forvitnast er um nokkur helstu verkefni sveitarfélagsins og mál sem verið hafa í umræðunni, eins og byggingu menningarhúss á Sauðárkróki og íþróttahús við Grunnskólann austan Vatna. „Verkefnin eru mörg og margvísleg en framkvæmdir eru eitthvað sem flestir hafa áhuga á,“ segir Sigfús Ingi þegar hann er spurður út í helstu verkefni ársins hjá Skagafirði...Meira -
Aþena nældi í sigur þrátt fyrir magnaða endurkomu Stólastúlkna
feykir.is Skagafjörður, Íþróttir 04.05.2024 kl. 12.33„Við erum staðráðnar í að svara fyrir okkur á þriðjudaginn og ég skora á alla Tindastólsmenn að mæta í Síkið og fylkja sér að baki okkar og aðstoða okkur við að vinna þann leik svo við getum farið í hreinan úrslitaleik eftir það,“ sagði Helgi þjálfari Margeirs eftir grátlega naumt tap gegn liði Aþenu í Breiðholtinu í gærkvöldi. Eftir magnaða endurkomu Stólastúlkna þar sem þær unnu upp níu stiga mun á 85 sekúndum undir lok leiksins þá var það Sianni Martin sem gerði sigurkörfu Aþenu með erfiðu skoti sem hún setti í. Lokatölur 80-78.Meira -
Minnisvarði um örlög séra Odds og Solveigar afhjúpaður
feykir.is Skagafjörður, Listir og menning 04.05.2024 kl. 11.42Frá því Agnar Gunnarsson flutti í Miklabæ í Blönduhlíð fyrir tæplega fjörtíu árum hafa honum verið hugleikin hin dapurlegu örlög sr. Odds og Solveigar. Agnar segir söguna af þeim hafa á sér þjóðsagnablæ, sem hefur lifað allt frá síðari hluta 18.aldar. Agnari langaði að minningu þeirra yrði haldið á lofti inn í komandi tíma og hefur af því tilefni látið gera minnisvarða sem vígður var við hátíðlega athöfn laugardaginn 27. apríl.Meira -
,,Ég finn alltaf eitthvað fallegt þar sem mér langar til að gera,,
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 04.05.2024 kl. 09.12Kristín Lind Sigmundsdóttir er 24 ára gömul og er búsett á Króknum ásamt kærastanum sínum honum Hauki Ingva og litlu stelpunni þeirra Kötlu Daðey. Kristín Lind vinnur á Heilbrigðisstofnun Norðurlands vestra og er að klára sjúkraliðanám.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.