Gyrðir sýnir einstök myndverk í Garðinum
Gyrðir Elíasson heldur sýningu á myndverkum sínum þrjár helgar í apríl en sýningin, sem hann kallar Undir stækkunargleri, er til húsa að Sunnubraut 4 (2. hæð) í Garðinum í Suðurnesjabæ. Fyrsti sýningardagurinn er nú á laugardag en opið verður frá kl. 13–17 laugardaga og sunnudaga. Áhugasamir mega gera ráð fyrir því að það taki svolítinn tíma að skoða sýninguna þar sem verkin eru um 1.200 talsins.
Gyrðir, fæddur 1961, er alinn upp á Króknum, bjó við hliðina á róluvellinum við Hólmagrund, og stundaði m.a. nám við Fjölbrautaskólann á Sauðárkróki. Gyrðir gaf út sína fyrstu bók, Svarthvít axlabönd, árið 1983 en hefur síðan sent frá sér fjöldan allan af ljóðabókum, smáprósum, smásögum, skáldsögum og þýðingum, Hann er af mörgum talinn mesta skáld þjóðarinnar nú um stundir. Nú sýnir hann á sér aðra hlið.
Á kynningarsíðu Undir stækkunargleri á Facebook segir að um sé að ræða sölusýningu á einstökum myndverkum sem mörg hver eru örsmá. Óhætt er að fullyrða að um óvenjulega sýningu sé hér að ræða þar sem öll verkin eru til sölu og verðlaginu stillt í hóf. Smámyndir Gyrðis hafa á undanförnum árum prýtt kápur bóka hans, meðal annars metsölubækurnar Dulstirni / Meðan glerið sefur og smáprósasöfnin Þöglu myndirnar / Pensilskrift.
„Þótt Gyrðir sé auðvitað þekktastur fyrir ritverk sín hefur hann oft greint frá því að myndlistin hafi allt frá barnæsku verið honum hugleikin. Á síðustu tíu til fimmtán árum hefur hann meðfram ritstörfum þróað og unnið að myndlist sinni sem ber á margan hátt keim af orðlist hans. Yfirskrift sýningarinnar er lýsandi og víst er að sýningin hefur talsvert annað yfirbragð en gengur og gerist,“ segir í texta á Facebook-síðunni.
Helgaropnanir frá kl. 13 til 17 verða dagana 6. og 7. apríl, 13. og 14. apríl og 20. og 21. apríl. Helgarrúntur í Garðinn er góð hugmynd og kannski óvitlaust að hafa með sér stækkunargler á sýninguna.
Fleiri fréttir
-
Velkomin heim - Helga Einarsdóttir
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir, Lokað efni 20.05.2024 kl. 09.00Helga Einarsdóttir er yngst þriggja systra, dóttir Lillu frá Stóru Seylu, sem kannski ekki allir vita að heitir Margrét Erna Halldórsdóttir, og Einars Sigurjónssonar sem flutti ungur í Skagafjörðinn úr Garðabænum. Betri helmingur Helgu er hrein- ræktað borgarbarn og heitir Daníel Fjeldsted og eru börnin tvö, Kolbrún Ósk 4 ára og Viktor Einar 2 ára. Helga og Danni eins og hún kallar hann fluttu „heim“ í Helgu tilfelli fyrir rétt tæpu ári síðan. Helga er rekstrarverkfræðingur og starfar hjá Húsnæðis- og mannvirkjastofnun.Meira -
Minni halli á Skagaströnd en áætlanir gerðu ráð fyrir
feykir.is Austur-Húnavatnssýsla 19.05.2024 kl. 12.08Húnahornið segir frá því að Sveitarfélagið Skagaströnd hafi skilað 46,8 milljón króna neikvæðri rekstrarniðurstöðu í fyrra en síðari umræða um ársreikning sveitarfélagsins 2023 fór fram á sveitarstjórnarfundi þann 10. maí sl. Niðurstaðan var þó 8,7 milljónum króna betri en áætlun með viðaukum haft gert ráð fyrir.Meira -
Vantaði upp á orkustigið og stemninguna
feykir.is Skagafjörður, Íþróttir 19.05.2024 kl. 12.01„Þetta var ekkert sérstakur leikur af okkar hálfu og við getum betur, sérstaklega með boltann,“ sagði Donni þjálfari Stólastúlkna þegar Feykir spurði hann út í bikarleikinn gegn liði Þórs/KA sem fram fór í gær en Akureyringar höfðu betur 1-2. „Vissulega spila aðstæður stóran þátt því það var mikill vindur á annað markið. En jafnvel með vindinum fannst mér pláss til að gera betur. Úrslitin voru svekkjandi og sanngjörn en frammistaðan er það sem við horfum í og þar viljum við gera betur.“Meira -
Gjöf foreldrafélagsins til Leikskóla Húnabyggðar
feykir.is Austur-Húnavatnssýsla, Mannlíf 19.05.2024 kl. 11.27Á dögunum afhenti Foreldrafélag Leikskóla Húnabyggðar leikskólanum að gjöf tvær barnakerrur fyrir 4-6 börn. Í tilkynningu frá Foreldrafélagi Leikskóla Húnabyggðar segir að hugmyndin sé að þær nýtist sérstaklega yngstu deild leikskólans sem nú er til húsa við Húnabraut 6 og auðveldi þannig heimsóknir þeirra upp í aðalbyggingu leikskólans. Ein 6-barna kerra hefur nú þegar verið afhent og von er á annarri 4-barna kerru í sendingu á komandi vikum.Meira -
„Get talað endalaust um kaffi“
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 19.05.2024 kl. 09.00Vala tekur á móti blaðamanni Feykis á heimili sínu, Páfastöðum 2 í Skagafirði, þar sem þær Vala Stefánsdóttir og Rannveig Einarsdóttir hafa búið sér fallegt heimili og eru langt komnar með að útbúa litla kaffibrennslu í skúrnum sem á sumum heimilum er byggður fyrir bíla. Vala hefst strax handa við að útbúa kaffi handa blaðamanni, sem er venjulegur leikmaður þegar kemur að kaffi – kaupir Grænan Braga í búðinni og hellir upp á kaffi í venjulegri kaffivél og hellir því svo á brúsa, drekkur það svo svart og sykurlaust. Það er ekki ferlið sem Vala tekur blaðamanninn með sér í. Hún byrjar á að setja kaffibaunir í kvörn, sem koma frá samnefndu fyrirtæki, Kvörn, sem Vala er hluthafi í. Hún hellir „upp á gamla mátann“ eins og blaðamaður hefur heyrt sagt um aðferðina hennar Völu. Hún malar kaffið í kvörninni og hellir svo soðnu vatni yfir það. Það er kúnst, því bleyta þarf fyrst upp í öllu kaffinu og hægt er að segja til um ferskleika kaffisins eftir loftbólumynduninni þegar vatnið fer yfir kaffið. – Það er vel hægt að fullyrða að fyrir Völu er kaffi ekki bara kaffi.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.