Steinn Kára gefur út sönglagið Sól í Skagafirði
feykir.is
Skagafjörður, Listir og menning
30.08.2023
kl. 17.33
Jónas Þórir, Steinn Kára og söngvarinn Bjarni Atlason. MYND AÐSEND
Nýútkomið er sönglag eftir Króksarann Stein Kárason en það er Bjarni Atlason baritonsöngvari sem syngur lagið Sól í Skagafirði. Bæði lag og ljóð er eftir Stein. Undirleik annast Jónas Þórir. Í tilkynningu frá höfundi segir að lagið fjalli um ástina, foldarblómin smá og söng á sólríkum sumardegi í Skagafirði eins og þeir gerast bestir.
„Nú er lag fyrir söngglaða að æfa nýtt lag fyrir Laufskálarétt,“ segir í tilkynningunni en það ermjólkurflutningabílstjóri sem syngur þetta lag í skáldsögu Steins, Glaðlega leikur skugginn, sem kom út fyrrahaust.
Hér er tengill á lagið á YouTube > https://www.youtube.com/watch?v=yv8WW2RGyzI en hægt er að nálgast nótnaútsetningar af laginu fyrir karlakór hjá höfundinum.
Fleiri fréttir
-
„Get talað endalaust um kaffi“
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 19.05.2024 kl. 09.00Vala tekur á móti blaðamanni Feykis á heimili sínu, Páfastöðum 2 í Skagafirði, þar sem þær Vala Stefánsdóttir og Rannveig Einarsdóttir hafa búið sér fallegt heimili og eru langt komnar með að útbúa litla kaffibrennslu í skúrnum sem á sumum heimilum er byggður fyrir bíla. Vala hefst strax handa við að útbúa kaffi handa blaðamanni, sem er venjulegur leikmaður þegar kemur að kaffi – kaupir Grænan Braga í búðinni og hellir upp á kaffi í venjulegri kaffivél og hellir því svo á brúsa, drekkur það svo svart og sykurlaust. Það er ekki ferlið sem Vala tekur blaðamanninn með sér í. Hún byrjar á að setja kaffibaunir í kvörn, sem koma frá samnefndu fyrirtæki, Kvörn, sem Vala er hluthafi í. Hún hellir „upp á gamla mátann“ eins og blaðamaður hefur heyrt sagt um aðferðina hennar Völu. Hún malar kaffið í kvörninni og hellir svo soðnu vatni yfir það. Það er kúnst, því bleyta þarf fyrst upp í öllu kaffinu og hægt er að segja til um ferskleika kaffisins eftir loftbólumynduninni þegar vatnið fer yfir kaffið. – Það er vel hægt að fullyrða að fyrir Völu er kaffi ekki bara kaffi.Meira -
Lagfæringar á gervigrasvellinum komnar á fullt
feykir.is Skagafjörður, Íþróttir 18.05.2024 kl. 22.12Það horfir til betri vegar á gervigrasvellinum á Króknum en hann varð fyrir skemmdum fyrir um fjórum vikum síðan í all harkalegum vorleysingum. Viðgerðir hófust í gærmorgun en í frétt á síðu Skagafjarðar segir að á meðan á viðgerðum stendur verður hluta vallarins lokað en hægt verður að æfa á þeim hluta sem ekki varð fyrir skemmdum.Meira -
Útboð á nýrri leikskólabyggingu Húnabyggðar
feykir.is Austur-Húnavatnssýsla 18.05.2024 kl. 21.35Húnabyggð óskar eftir tilboðum í uppsetningu og afhendingu á ca. 650-700 m2 leikskóla úr húseiningum, timbur- eða gámaeiningum til leigu á lóð við hlið núverandi leikskóla að Hólabraut 17 með kaupsréttarákvæðum. Í byggingunni verða fjórar leikskóladeildir.Meira -
Stólastúlkur dottnar út eftir hörkuleik gegn sameinuðum Akureyringum
feykir.is Skagafjörður, Íþróttir 18.05.2024 kl. 16.12Tindastóll og Þór/KA mættust á Dalvíkurvelli í hádeginu í dag í fyrsta leiknum í 16 liða úrslitum Mjólkurbikars kvenna. Nokkur vindur var og einstaka slyddubakki gekk yfir Eyjafjörðinn meðan á leik stóð og lék vindurinn nokkuð hlutverk í því hvernig leikurinn þróaðist. Öll mörkin komu í fyrri hálfleik og leiddu gestirnir í Þór/KA 1-2 í hálfleik en ekki tókst liðunum að skora í þeim síðari þrátt fyrir sénsa á báða bóga.Meira -
Framkvæmdir við smábátahöfnina á Sauðárkróki
feykir.is Skagafjörður 18.05.2024 kl. 14.07Á Sauðárkróki er nú unnið að undirbúningi fyrir malbikun á svæðinu við smábátabryggjuna í samræmi við samþykkt deiluskipulags Sauðárkrókshafnar.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.