Skellum okkur með Dúddírarirey inn í helgina
Það er föstudagur og hvað er þá betra en að hlæja og neita að núllstilla lífið með neikvæðni? Þetta er í það minnsta góður tími fyrir kappana í Danssveit Dósa að stíga fram og skella í loftið lipru og léttu lagi sem þeir kalla Dúddírarirey. Þetta er fyrsta lagið sem þessir eldhressu skagfirsku gleðipinnar senda frá sér og er hægt að nálgast lagið á Spottanum góða.
Lagið er tekið upp í Stúdíó Benmen á Króknum og skartar meðal annars algjöru eðal nikkusólói í boði Arnars Freys Guðmundssonar og svo klikkaðslega kettsý kórus að það hálfa væri hellingur. Arnar Freyr spilar á píanó og harmonikku í laginu, Alex Már á bassa, Eysteinn sér um hammond og bakrödd, Jóhann Daði ber trommur og Sæþór spilar á gítar og syngur.
Annars er gróska í tónlistinni sem sjaldan fyrr og kennir margra góðra grasa á Spottanum. Vinir Dósa og félaga, Álftagerðisbræður (sem eru reyndar nokkrum aldursflokkum ofar), eru nú loks til niðurhals eða notalegrar hlustunar á Spottanum. Nú er semsagt hægt að hlýða á þrjár breiðskífur þeirra bræðra; Álftirnar kvaka, Bræðralög og Í Álftagerði og eru það sannarlega gleðifréttir fyrir þá sem haldnir eru vægu AutoTune óþoli.
Þá sendi Blankiflur frá sér nýtt lag á dögunum en Inga Birna heldur áfram að galdra fram eitt og eitt listaverk úr sínum seiðpotti. Lagið kallast GAME og er þetta fjórða lagið sem hún sendir frá sér undir þessu nafni.
Allir vita að Salka Sól er tengdadóttir Skagafjarðar en það er hún Elín Hall líka. Hún og Reynir Snær Magnússon, gítarleikar-inn Íslands þessi misserin, mættu í Ríkiskassann til hans Gísla Marteins í vikulokin síðustu og spiluðu og sungu Stanslaust stuð. Lagið gerði Páll Óskar sívinsælt á síðustu öld en Elín dregur töluvert úr stuðinu – en vel gert!
Sverrir Króksari Bergmann, Halldór Gunnar og hinir Albatrossarnir hafa gefið út lagið Allt á hvolfi en þeir félagar hafa minnt á sig með að meðaltali einum smelli á ári síðasta hálfa áratuginn.
Um síðustu mánaðamót gaf VALDÍS út lagið Peace Of You og hefur lagið klifrað hægt en örugglega upp vinsældarlista landsins en það situr nú í sjöunda sæti Bylgjulistans. Lagið er enn að mjakast upp Vinsældarlista Rásar 2 og situr þar í 23. sæti.
- - - - -
Það hafa örugglega fleiri ferskir stígið fram á tónlistarsviðiði upp á síðkastið sem farið hafa fram hjá Feyki. Beðist er velvirðingar á því en þetta er í það minnsta eitthvað.
Fleiri fréttir
-
Leikstrjórinn fullur tilhlökkunar fyrir frumsýningu
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 27.04.2024 kl. 13.00Sunnudaginn 28.apríl nk. frumsýnir Leikfélag Sauðárkróks Litlu hryllingsbúðina „sívinsælt verk sem sem fólk þreytist seint á að koma í leikhús til að upplifa,“ segir Valgeir Skagfjörð sem leikstýrir verkinu. Feykir heyrði hljóðið í leikstjóranum sem er sagðist vera sultuslakur fyrir frumsýningunni og fullur tilhlökkunar að leyfa áhorfendum að njóta sýningarinnar.Meira -
Rjómapasta og púðursykursterta
feykir.is Skagafjörður, Austur-Húnavatnssýsla, Vestur-Húnavatnssýsla, Í matinn er þetta helst, Lokað efni 27.04.2024 kl. 12.00Matgæðingar vikunnar í tbl 22 í fyrra voru Helga Sigurbjörnsdóttir og Hafþór Helgi Hafsteinsson. Helga er fædd og uppalin á Sauðárkróki og hefur búið þar nánast allt sitt líf en Hafþór Helgi er uppalinn á Hvolsvelli en flutti þaðan á Akureyri. Helga er rafvirki að mennt og starfar hjá Rarik, og er eins og föðuramman og alnafna öll í verkalýðsbaráttunni, er meðstjórnandi í Félagi íslenskra rafvirkja(FÍR) og situr í miðstjórn Rafiðnaðarsamband íslands (RSÍ). Hafþór er menntaður smiður og er að læra húsgagnasmíði. Saman eiga þau Alexöndru Eik, 3 ára, og Frigg sem er 4 ára Miniature schnauzer.Meira -
Shakespeare er mestur og bestur en að mestu hættur að skrifa... | Þorgeir Tryggva svarar Bók-haldinu
feykir.is Listir og menning, Mannlíf, Lokað efni 27.04.2024 kl. 11.47Bók-haldið hefur tvívegis tekið hús á gagnrýnendum Kiljunnar hans Egils Helga og nú bætum við einum til viðbótar í safnið. Þorgeir Tryggvason var að sjálfsögðu klár í slaginn þegar til hans var leitað. Toggi fæddist á Siglufirði árið 1968 en býr nú í Reykjavík, giftur, með dóttur og dótturson í næsta húsi, starfar sem texta- og hugmyndasmiður á auglýsingastofunni Hvíta húsinu á daginn. „Bókarýnir í Kiljunni u.þ.b. annað hvert miðvikudagskvöld. Spilerí og fjör með Ljótu hálfvitunum þegar færi gefst,“ bætir hann við og þegar hann er spurður um hvað sé í deiglunni svarar hann: „Sjöunda plata Hálfvitanna. Það verður smá Sauðárkróksblær á henni ef allt fer sem horfir.“Meira -
Samningur undirritaður um styrk til tækniaðstöðu á Hvammstanga
feykir.is Skagafjörður, Austur-Húnavatnssýsla, Vestur-Húnavatnssýsla 26.04.2024 kl. 19.01SSNV og Húnaþing vestra hafa undirritað samning vegna styrks til uppsetningar á tæknimiðstöð í anda FabLab smiðju í samfélagsmiðstöð í Félagsheimilinu á Hvammstanga að upphæð 10.500.000 kr. Fram kemur í frétt á síðu SSNV að verkefnið snýst um að koma upp nýsköpunar-, viðgerða- og þróunaraðstöðu fyrir íbúa á svæðinu, sem og aðstöðu fyrir félagsstarf.Meira -
Valið vekur furðu vestan Þverárfjalls
feykir.is Skagafjörður, Austur-Húnavatnssýsla, Vestur-Húnavatnssýsla 26.04.2024 kl. 11.20Heimasíða RÚV flytur fréttir en þar mátti í morgun sjá athyglisverða og skemmtilega úttekt á fótboltavöllum landsins. Þar eru nefndir til sögunnar fótboltavellirnir á Sauðárkróki og á Hofsósi þó svo að þeir ágætu vellir hafi ekki komist í hóp tíu flottustu valla landsins. Blönduósvöllur og Sjávarborgarvöllur á Hvammstanga voru ekki nefndir á nafn í úttektinni og því leitaði Feykir viðbragða hjá Aðdáendasíðu Kormáks og þar stóð ekki á svörum en umsjónarmaður furðar sig á valinu.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.