V-Húnavatnssýsla

Þriðjudaginn 12. mars var þriðja mótið í Kaffi Króks mótaröðinni haldið í aðstöðu Pílukastfélags Skagafjarðar og tóku 17 keppendur þátt í þetta sinn. Spilað var í þrem riðlum og stóð Þórður Ingi Pálmarsson uppi sem sigurvegari í A-riðli, Reynir Hallbjörnsson vann B-deildina og Andri Þór Árnason vann C-deildina. Hæsta útskot kvöldsins átti svo hinn ungi Axel Arnarsson með 121 stig.

Býrð þú á Norðvesturhluta Íslands? Ertu innflytjandi og skilur íslensku? Vilt þú taka þátt í að móta Safer Northwest með öllum helstu hagsmunaaðilum á svæðinu? Safer North West er svæðisbundið samráð gegn ofbeldi, öðrum brotum og stuðla að bættri þjónustu fyrir jaðarsetta hópa. Á vinnustofunni verður mikið rætt um málefni barna og ungmenna, jaðarsetta hópa, þjónustu við fólk með geðræn vandamál sem og ofbeldi í nánum samböndum.

Aðalfundur Félags kúabænda í Skagafirði 2024 var haldinn 20. febrúar sl.,vel var mætt á fundinn og Rafn Bergsson formaður nautgripadeildar BÍ var gestur fundarins. Veittar voru viðurkenningar fyrir góðan árangur og formannsskipti urðu, Guðrún Þórdís Halldórsdóttir bóndi á Ytri-Hofdölum var kosin formaður og gaman að segja frá því að hún er þriðji kvenmaðurinn í þeirri stöðu og einnig þriðja Guðrúnin.

Brjóstamiðstöð Landspítala verður í samstarfi við Heilsugæsluna á ferð um landið vorið 2024 með brjóstaskimun. Lögð er rík áhersla á að konur nýti sér þessa þjónustu, sjá leiðbeiningar um bókun hér að neðan.

Landsvirkjun býður til upplýsingafundar um samspil náttúru og lífríkis við orkuvinnslu við Blöndu miðvikudaginn 20. mars í félagsheimilinu á Blönduósi. 

Listsýningin "Fegrunarmörk" verður opnuð í Hillebrandtshúsi laugardaginn 16. mars nk. kl. 16:00.

Biskup Íslands hefur nú óskað eftir presti til þjónustu við Skagafjarðarprestakall, Húnavatns- og Skagafjarðarprófastsdæmi. Umsóknarfrestur er til 1.apríl næstkomandi og miðað er við að viðkomandi geti hafið störf 1. ágúst 2024.

Á vef SSNV segir að 32. Ársþing SSNV verður haldið fimmtudaginn 11. apríl 2024. Að þessu sinni verður ársþing haldið í Félagsheimilinu á Blönduósi í Húnabyggð. Húsið opnar með morgunhressingu kl. 9.00. Dagskrá hefst með þingsetningu kl. 9.30 og stendur til 14.30.

Á Facebook-síðu Húsi frítímans segir að Heiðdís Pála Áskelsdóttir hafi keppti fyrir hönd félagsmiðstöðvarinnar Friðar á Norður Org, sem er söngkeppni félagsmiðstöðva á Norðurlandi, síðastliðinn föstudag og var keppnin að þessu sinni haldin á Dalvík. Heiðdís Pála stóð sig gríðarlega vel sem skilaði henni þátttökurétti á Söngkeppni Samfés sem haldin verður í byrjun maí fyrir hönd Friðar.  Til hamingju Heiðdís Pála og gangi þér vel í maí. 

ÍSÍ og UMFÍ leitar að sextán hæfileikaríkum og metnaðarfullum einstaklingum með brennandi áhuga á íþróttastarfi á Íslandi til að taka þátt í að byggja upp öflugt starf íþróttahéraða á öllu landinu. Starfsmennirnir verða staðsettir á átta svæðastöðvum um allt land en tveir starfsmenn verða á hverri stöð.