Skagfirsk sveifla á Frjálsíþróttaþingi um síðastliðna helgi
Frjálsíþróttamenn héldu sitt 64. þing í Skagafirði um helgina sem leið. Um var talað hve heimamenn í UMSS tóku vel á móti þingfulltrúum allsstaðar að af landinu í Húsi frítímans á Sauðárkróki. Þingið var sérlega starfssamt en fyrir því lágu 29 tillögur um hin ýmsu málefni frjálsíþrótta. Þar á meðal voru margar tengdar hlaupum og eflingu hlaupa, þar sem FRí fer með æðsta vald og ábyrgð.
Heimamennirnir og nafnarnir Gunnar Sigurðsson og Gunnar Þór Gestsson stýrðu þinginu af þekktri röggsemi sem þingforsetar.
Gunnar Þór ávarpaði raunar þingið einnig við setningu sem varaformaður UMFÍ.
Þá var einnig við þingsetningu minnst sérstaklega gullmerkishafans Ásbjörns Karlssonar sem starfaði áratugum saman fyrir FRÍ í stjórn og nefndum FRÍ auk margvíslegra starfa hér í héraði.
Tilkynnt var á þinginu um kjör tveggja nýrra heiðursfélaga FRÍ á þinginu, menn sem báðir tengjast Skagafirði. Það var annars vegar eldhuginn Ingimundur Ingimundarson, sem hóf sinn merka feril við þjálfun og félagsmál í frjálsíþróttum í Skagafirði, áður en hann reif upp allt starf í Borgarfirði og hins vegar annar eldhugi og forkólfur Gunnar Sigurðsson frá Stóru-Ökrum sem hefur verið í forystu í frjálsíþróttamálum bæði heima í héraði sem og á landsvísu.
Auk heiðursfélaganna hlutu fleiri Skagfirðingar verðskuldaða viðurkenningur en Friðrik Steinsson hlaut gullmerki sambandsins, Ómar Bragi Stefánsson silfurmerki og þau Thelma Knútsdóttir, Sigurður Arnar Björnsson og Theodór Karlsson öll eirmerki.
Þá var ekki síður skagfirsk sveifla á kosningunum þar sem þau Sveinn Margeirsson og Sonja Sif Jóhannsdóttir voru kjörin í aðalstjórn FRÍ en auk þeirra var Freyr Ólafsson kjörinn formaður og þau Auður Árnadóttir og Jóhann Haukur Björnsson endurkjörin í stjórn.
Fleiri fréttir
-
Lokamót í Skagfirsku mótaröðinni
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 29.04.2024 kl. 15.06Á heimasíðu Hestamannafélagsins Skagfirðings segir að lokamótið í Skagfirsku mótaröðinni hafi verið haldið á dögunum þar sem keppt var í gæðingakeppni, tölti og skeiði en hér að neðan eru úrslitin:Meira -
Kirkjukvöld Kirkjukórs Sauðárkrókskirkju í kvöld
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 29.04.2024 kl. 14.55Kirkjukvöld Kirkjukórs Sauðárkróks er að venju haldið mánudag í Sæluviku nánar tiltekið í kvöld 29. apríl kl. 20:00.Meira -
Halla Hrund á Norðurlandi vestra í dag
feykir.is Skagafjörður, Austur-Húnavatnssýsla, Vestur-Húnavatnssýsla 29.04.2024 kl. 11.41Forsetaframbjóðandinn Halla Hrund Logadóttir verður á ferð og flugi um Norðurland í vikunni og býður heimamönnum til opinna funda og samtals um embætti forseta Íslands. Tveir fundir verða í Húnavatnssýslum, í Víðigerði og á Blönduósi í dag og þá verður hún á Sauðárkróki í kvöld.Meira -
Sýning á ljósmyndum Stebba Ped á Sæluviku
feykir.is Skagafjörður, Listir og menning 29.04.2024 kl. 08.22Við setningu Sæluviku í gær var opnuð sýning á myndum Stefáns B. Pedersen í Safnahúsi Skagfirðinga og verður hún opin á meðan á Sæluviku stendur. Í tilkynningu á vef Héraðsskjalasafns Skagfirðinga segir. „Árið 2018 afhenti Stebbi Ped, eins og hann var ávallt kallaður, ljósmyndasafn sitt til Héraðsskjalasafns Skagfirðinga. Hér er um stórt safn að ræða enda afrakstur ævistarfs Stebba sem stofnaði ljósmyndastofu á Sauðárkróki árið 1958.“Meira -
Sæluvikan var sett í dag
feykir.is Skagafjörður, Listir og menning, Mannlíf 28.04.2024 kl. 23.07Sæluvikan var sett í dag við athöfn í Safnahúsi Skagfirðinga við Faxatorgið á Króknum, Það var fullur salur og góð stemning. Á samkomunni var tilkynnt um hverjir hlutu Samfélagsverðlaun Skagafjarðar 2024 og úrslit í Vísnakeppni Safnahússins. Nemendur í Tónlistarskóla Skagafjarðar léku við hvurn sinn fingur og opnuð var ljósmyndasýning með myndum Stefáns heitins Pedersen.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.