Af gefnu tilefni
Þar sem Feykir er til umræðu á öðrum stað í blaðinu vil ég koma á framfæri nokkrum atriðum og svara gagnrýni sem fram kemur í aðsendri grein Arnar Ragnarssonar framkvæmdastóra lækninga hjá Heilbrigðisstofnun Norðurlands.
Fyrst vil ég benda á það að það eru ekki óvenjuleg vinnubrögð að skrifa fréttir úr fundargerðum sveitarfélaga án þess að leita viðbragða við þeim. Jafnvel stærri miðlar en Feykir, sem hefur tvo blaðamenn, hafa sama háttinn á. Það væri óskandi að tími og fjármagn væri til þess að hafa samband við marga aðila við vinnslu hverrar fréttar, líkt og hjá Morgunblaðinu eða Rúv, og en það því miður ekki raunin. Þá er vert að taka fram að innihald frétta endurspeglar ekki endilega skoðun blaðsins eða okkar sem vinnum við það - né heldur á það við um aðsendar greinar, en öllum er velkomið að fá greinar birtar, innan siðsamlegra marka auðvitað. Við hvetjum alla til að hafa samband við okkur ef þeir hafa athugasemdir og vilja leiðrétta rangfærslur að þeirra mati, við tökum vel á móti öllum og viljum birta allar hliðar málsins í okkar fréttaflutningi.
Í grein Arnar segir hann að Feykir hafi ekki reynt að hafa samband neinn af stjórnendum heilbrigðisstofnunarinnar. Það er ekki alls kostar rétt þó hann hafi ekki forsendur til þess að vita það, þar sem enginn tók upp tólið í þau skipti sem ég hef reynt. Ég hef lengi verið á leiðinni að ræða við Jón Helga Björnsson forstjóra eftir sameiningu HSN og nokkrum sinnum gert tilraun til þess án árangurs. En þar sem ég get ekki betur séð en að allt hafi gengið vel við þessa sameiningu og ekkert komið upp á þá hefur mér ekki þótt það mjög aðkallandi að fylgja því eftir. En rétt er að taka fram að hvorki Örn né aðrir stjórnendur HSN hafa haft samband við okkur hjá Feyki og óskað eftir umfjöllun eða fréttaflutningi eftir sameininguna, sem hefði auðvitað verið kærkomið.
Að lokum vil ég taka undir orð hans að í stað þess að eyða tíma í að pirra sig og ergja er lítið mál að taka upp símann og ræða málin.
Berglind Þorsteinsdóttir
Ritstjóri Feykis
[leiðari birtur í Feyki þann 24. september 2015]
Fleiri fréttir
-
Valið vekur furðu vestan Þverárfjalls
feykir.is Skagafjörður, Austur-Húnavatnssýsla, Vestur-Húnavatnssýsla 26.04.2024 kl. 11.20Heimasíða RÚV flytur fréttir en þar mátti í morgun sjá athyglisverða og skemmtilega úttekt á fótboltavöllum landsins. Þar eru nefndir til sögunnar fótboltavellirnir á Sauðárkróki og á Hofsósi þó svo að þeir ágætu vellir hafi ekki komist í hóp tíu flottustu valla landsins. Blönduósvöllur og Sjávarborgarvöllur á Hvammstanga voru ekki nefndir á nafn í úttektinni og því leitaði Feykir viðbragða hjá Aðdáendasíðu Kormáks og þar stóð ekki á svörum en umsjónarmaður furðar sig á valinu.Meira -
Atli Þór fullkomnar hóp Kormáks/Hvatar
feykir.is Austur-Húnavatnssýsla, Íþróttir, Vestur-Húnavatnssýsla 26.04.2024 kl. 09.44Síðasti dagur félagaskipta í efri deildum Íslandsmótanna í knattspyrnu var nú á miðvikudaginn. Þá bætti lið Kormáks/Hvatar við sig einum leikmanni því Atli Þór Sindrason var síðasta liðsstyrking hópsins fyrir mót.Meira -
Sæluvikan að bresta á
feykir.is Skagafjörður, Listir og menning 26.04.2024 kl. 08.34„Skipulagning Sæluviku gengur vel og viðburðir eru enn að bætast við,“ segir Heba Guðmundsdóttir sem hefur veg og vanda af skipulagningu Sæluvikunnar líkt og undanfarin ár og má því mögulega kalla verkefnastjóra Sæluvikunnar. „Það verða flestir fastir liðir á sínum stað á Sæluviku og mér finnst alltaf vera metnaður og spenna fyrir því að vera með hjá þeim sem skapað hafa þá hefð að standa fyrir viðburði á Sæluviku.“Meira -
Vinnustofa um gerð loftlagsstefnu sveitarfélaga
feykir.is Austur-Húnavatnssýsla, Vestur-Húnavatnssýsla 26.04.2024 kl. 08.32SSNV stóð fyrir vinnustofu í félagsheimilinu á Hvammstanga nú í vikunni um gerð loftlagsstefnu sveitarfélaga í samtarfi við KPMG. Vinnustofan var sérstaklega fyrir Húnavatnssýslur. Góð þátttaka var á vinnustofunni og áhugaverðar umræður sköpuðust.Meira -
Áfram Hvöt er nýtt stuðningsmannalag þeirra hvítu og rauðu
feykir.is Austur-Húnavatnssýsla, Listir og menning 26.04.2024 kl. 07.47„Ungmennafélaginu Hvöt hefur lengi vantað gott stuðningsmannalag en þónokkur ár eru síðan Ekki vera löt, allir í Hvöt kom út. Þegar ég hafði samband við Einar Örn og Baldur síðsumars 2023 stóð ekki á svörum. Úr varð þessi frábæri hittari sem mun án efa fá góðar viðtökur hjá félagsmönnum Hvatar, íbúum Húnabyggðar og bara öllum öðrum. Áfram Hvöt!” segir Grímur Rúnar Lárusson, formaður Ungmennafélagsins Hvatar, í færslu á Facebook-síðu Umf. Hvatar þar sem nýtt stuðningsmannalag, Áfram Hvöt, er kynnt til sögunnar.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.