Hildur Heba og Jódís Helga reyndust bestar í stærðfræði
Úrslit í stærðfræðikeppni Fjölbrautaskóla Norðurlands vestra, Menntaskólans á Tröllaskaga og níundu bekkja í grunnskólum á Norðurlandi vestra og Tröllaskaga fór fram í Ólafsfirði í gær. Hildur Heba Einarsdóttir nemandi Árskóla á Sauðárkróki gerði sér lítið fyrir og sigraði keppnina.
Alls tóku 15 nemendur þátt í úrslitunum að þessu sinni en þetta var í tuttugasta skiptið sem keppnin er haldin. Skagfirðingar voru nokkuð sleipir í reikningnum að þessu sinni því eins og áður sagði varð Hildur Heba Einarsdóttir í fyrsta sæti og sveitungi hennar Jódís Helga Káradóttir í Varmahlíðarskóla varð í öðru sæti. Þá endaði Styrmir Þeyr Traustason í Dalvíkurskóla í því þriðja. Vegleg verðlaun voru veitt fyrir þessi þrjú sæti og segir á heimasíðu Menntaskólans á Tröllaskaga að keppnin hafi verið jöfn og spennandi og keppendur allir sjálfum sér og skólum sínum til sóma.
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.