Styrkja Rauða krossinn um 450.000 kr
Aðalfundur Sambands skagfirskra kvenna, SSK, var haldinn í Melsgili sunnudaginn 23. apríl. Þangað mættu formenn og fulltrúar úr öllum kvenfélögum í Skagafirði ásamt stjórn SSK og fóru yfir starfsemi síðasta árs. Hefð er fyrir því að fá gesti til að flytja erindi og að þessu sinni flutti Kristín Sigurrós Einarsdóttir okkur skemmtilegan og fróðlegan fyrirlestur um skáldkonuna Guðrúnu frá Lundi.
Meðal ánægjulegri verkefna á þessum fundi er að afhenda styrk, innkomu af svokallaðri Vinnuvöku eða basar, sem kvenfélögin í Skagafirði halda árlega og verja ágóðanum til þess að styrkja góð málefni í heimahéraði.
Mikil aðsókn hefur verið á basarinn og kaffihlaðborðið, sem haldið er í Varmahlíðarskóla og erum við kvenfélagskonur mjög þakklátar þeim fjölmörgu sem þangað leggja leið sína, kaupa sér kaffi og jafnvel eitthvað skemmtilegt og gómsætt á basarnum og styrkja í leiðinni gott málefni.
Að þessu sinni var ákveðið að styrkurinn 450.000 kr. rynni til Rauðakrossdeildar Skagafjarðar sem unnið hefur gott og óeigingjarnt starf fyrir samfélagið gegnum tíðina.
Það var fráfarandi gjaldkeri SSK, Jónína Gunnarsdóttir, sem afhenti Guðnýju Zoega, formanni deildarinnar, styrkinn en með Guðnýju mætti á fundinn Karl Lúðvíksson sem kynnti stuttlega í hvað styrkurinn rynni. Mun hann að mestu fara í að endurnýja hjartastuðtæki í Fljótunum, en Rauðakrossdeildin á og hefur umsjón með nokkrum slíkum tækjum í sveitarfélaginu. Þetta er gríðarmikið öryggisatriði fyrir þá sem búa fjarri læknishjálp og getur skipt sköpum. Einnig nýtist þetta fé til námskeiðahalds, en Rauðakrossdeildin hefur mörg undanfarin ár haldið skyndihjálparnámskeið fyrir nemendur 10. bekkjar í grunnskólum sveitarfélagsins án endurgjalds.
Á myndinni sem tekin var af þessu tilefni, eru Björg Baldursdóttir formaður SSK, Jónína Gunnarsdóttir fráfarandi gjaldkeri, Karl Lúðvíksson frá Skagafjarðardeild Rauðakrossins og Guðný Zoega formaður hennar.
Þess má annars geta að stjórn Sambands skagfirskra kvenna skipa nú Björg Baldursdóttir formaður, Aldís Axelsdóttir varaformaður, Guðrún Kristín Eiríksdóttir gjaldkeri, María Reykdal varagjaldkeri, Valgerður Inga Kjartansdóttir ritari og Sigurlína Kristinsdóttir vararitari.
/AA
Fleiri fréttir
-
Skagamenn höfðu betur gegn Stólum í bikarnum
feykir.is Skagafjörður, Íþróttir 25.04.2024 kl. 21.04Lið Tindastóls fór á Skagann í dag og lék gegn heimamönnum í ÍA í 32 liða úrsltum Mjólkurbikarsins. Leikið var í Akraneshöllinni og fóru leikar þannig að Skagamenn, sem eru með lið í Bestu deild karla, höfðu betur og enduðu þar með bikarævintýri Stólanna. Lokatölur þó aðeins 3-0.Meira -
Erum allar ready í alvöru seríu - segir Brynja Líf
feykir.is Skagafjörður, Íþróttir, Ljósmyndavefur 25.04.2024 kl. 14.22Það hefur verið gaman að fylgjast með liði Stólastúlkna í körfunni í vetur og nú spilar liðið til úrslita um sæti í Subway-deildinni að ári. Það er mikil breyting á liðinu frá því árið áður, mörg púsl bættust í hópinn síðasta haust sem Helgi þjálfari hefur náð að sameina í heilsteypta mynd. Eitt lykilpúslið er Brynja Líf Júlíusdóttir, 16 ára stúlka frá Egilsstöðum, sem kom á Krókinn til að spila með liði Tindastóls og stunda nám á náttúruvísindabraut og í körfuboltaakademíu FNV. Hún er ein efnilegasta körfuboltastúlka landsins í sínum árgangi og í síðasta leiknum gegn Snæfelli á dögunum þá gerði hún átta af tíu stigum Tindastóls í framlengingu.Meira -
Kvenfélag Svínavatnshrepps hélt upp á 150 ára afmælið með kökuveislu af gamla skólanum
feykir.is Austur-Húnavatnssýsla, Mannlíf 25.04.2024 kl. 13.43Kvenfélag Svínavatnshrepps hélt upp á 150 ára afmæli sitt 20. apríl sl. Var öllum kvenfélagskonum í Austur-Húnavatnssýslu boðið í kaffi í Dalsmynni. Þar var mikil kökuveisla sem einkenndist af því að hafa kaffibrauð sem hugsanlega hefði getað verið á borðum er kvenfélagið var stofnað.Meira -
Gleðilegt sumar
feykir.is Skagafjörður, Austur-Húnavatnssýsla, Vestur-Húnavatnssýsla 25.04.2024 kl. 11.55„Það er komið sumar...“ sungu Mannakorn um árið og það á við í dag. Í það minnsta er sumardagurinn fyrsti í dag og þó það sé kannski ekki sami stemmari fyrir þessum degi á þessari öld og var á þeirri síðustu þá fylgir deginum oftar en ekki bjartsýni og ylur í hjarta – já, eiginlega sama hvernig viðrar.Meira -
Giggó-appið snýst um að bjarga sér | Spjallað við Kjartan Hall
feykir.is Skagafjörður, Mannlíf, Lokað efni 25.04.2024 kl. 10.38Í janúar rak blaðamaður augun í nýtt app sem kallast Giggó sem er sett fram af Alfreð. Þar sem það var gamalkunnur Skagfirðingur út að austan, lista- og íslenskumaðurinn Kjartan Hallur frá Melstað í Óslandshlíðinni, sem kynnti þetta á Facebook, var að sjálfsögðu tilvalið að senda á hann nokkrar spurningar. Kjartan Hallur er í Alfreðs teyminu og segir starf sitt hjá Alfreð fyrst og fremst vera að ritstýra, semja texta og samræma skilaboð fyrir appið, heimasíðu og þjónustuvefi Alfreðs. „Og núna hefur Giggó-appið bæst við á verkefnalistann. Þar undir er heimasíða, bloggskrif og vinna í markaðssetningu á þessu nýja verkfæri fyrir íslenska gigg-hagkerfið,“ segir hann.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.