Þegar fyrsti leikur fer í gang er sumarið komið!
Það kemur sjálfsagt engum á óvart sem þekkir Bryndísi Rut Haraldsdóttur, fyrirliða kvennaliðs Tindastóls í Bestu deildinni í knattspyrnu, að sumarið leggst alveg rosalega vel í hana. „Ég er orðin mjög spennt að byrja tímabilið eftir langan vetur og held að þetta verði alveg ótrúlega gaman – eins og þetta er nú alltaf!“ segir hún hress og jákvæð.
Feykir lagði nokkrar spurningar fyrir fyrirliðann en fyrsti leikur Stólastúlkna í Bestu deildinni er á morgun, sunnudag kl. 16, og er frítt á völlinn í boði Uppsteypu.
Hvernig líst þér á nýja leikmenn í hópi Stólastúlkna? „Mér líst mjög vel á þær tvær, Gabby og Jordyn, sem eru að koma nýjar inn í ár. Þær eru góð viðbót í Tindastólsfjölskylduna og hafa bæði mjög góða eiginleika innan vallar jafnt og utan. Það er mikilvægt að fá inn leikmenn sem styrkja hópinn og passa vel inn í hann.“
Liðinu er að venju spáð falli, hvað segir fyrirliðinn um það? „Mér finnst skiljanlegt að okkur sé spáð í neðri hlutanum gefandi það að við erum jú enn lítið félag úti á landi. Fallspá kemur því ekki á óvart, þrátt fyrir að við höfum endað í sjöunda sæti í fyrra. Ég er bara mjög sátt með að fá svona spá því þá verður bara enn skemmtilegra fyrir okkur að afsanna hana!“
Hverju megum við búast við í leiknum gegn FH? „Hörkuleik, það hafa alltaf verið hörkuleikir þegar þessi lið mætast. Mikil barátta og tilfinningar munu mæta til leiks eftir mikla tilhlökkun fyrir mótinu.“
Er sumarið komið? „Þegar fyrsti leikur fer í gang, þá er það komið!! Veðrið hefur nú ekki verið upp á marga fiska en ég held og trúi að nú sé þetta komið gott og sumarið sé að mæta um helgina!“
„Ef ég mætti bæta við þá langar mig að hvetja fólk til að láta sjá sig á vellinum á sunnudaginn klukkan 16:00 þegar fyrsti leikur hefst! Uppsteypa, þessir höfðingjar, ætla að styðja við okkur með að bjóða frítt inn á völlin og væri það okkur leikmönnum og teyminu mjög dýrmætt og mikilvægt að fá fólk til að mæta og styðja við okkur á leiknum!“ segir Bryndís fyrirliði ... frá Brautarholti.
Fleiri fréttir
-
Að pissa eða ekki pissa | Leiðari 16. tölublaðs Feykis
feykir.is Skagafjörður, Aðsendar greinar 03.05.2024 kl. 15.36...Í bíó á þessum tímum voru mögulega myndir á borð við Cannonball Run, Grease og Superman. Ekki var óvanalegt að Mundi hitaði upp með einum RoadRunner áður en stjörnunar birtust á tjaldinu. Klassískar Sæluvikumyndir voru Áfram-myndirnar (Carry On) og Trinity-myndirnar með hinum óborganlegu Terence Hill og Bud Spencer. Risinn Bud rotaði menn miskunnarlaust með einu góðu höggi ofan á höfuðið – brosti aldrei og var frekar þreyttur á þessum aumingjum sem voru með vesen. Þessar myndir hafa pottþétt ekki elst eins vel og Chaplin myndirnar sem Mundi sýndi í Sæluviku – enda kvikmyndaklassík einstaks listamanns...Meira -
Styttist vonandi í frumsýningu
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 03.05.2024 kl. 14.15Það hefur sennilega ekki farið framhjá mörgum að Leikfélag Sauðárkróks þurfti að fresta frumsýningu vegna veikina í leikhópnum. Fjölmargir voru þegar búnir að kaupa sér miða á sýninguna og ljóst að Litla hryllingsbúðin verður sýnd það er bara ekki alveg komið á hreint hvenær.Meira -
Atkvæðagreiðsla utan kjörfundar vegna forsetakjörs 1. júní 2024
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 03.05.2024 kl. 13.45Í tilkynningu frá Sýslumanninum á Norðurlandi vestra eru hér upplýsingar um utankjörfundaratkvæðagreiðsla vegna forsetakjörs þann 1. júní 2024 er hafin.Meira -
F. Jónsson stækka trésmíðaverkstæði sitt um ríflega helming
feykir.is Skagafjörður 03.05.2024 kl. 13.32Talsvert hefur verið byggt af iðnaðarhúsnæði á Sauðárkróki nú í vetur og þar á meðal má nefna að F. Jónsson byggingaverktakar hafa verið að stækka við sig. Friðrik Þór Ólafsson, starfsmaður F. Jónsson, segir að með byggingunni sé verið að rúmlega tvöfalda stærð aðstöðu þeirra en við eldra húsnæðið bætast nú 800 m2. „Innan þessarar nýbyggingar eru aðallega geymslur fyrir ýmisleg tengt okkar stafsemi en þar að auki er gert ráð fyrir vélskemmu og nýrri skrifstofu og aðstöðu starfmanna,“ segir Friðrik.Meira -
Tvöfaldur skammtur af Stólastúlkum í kvöld
feykir.is Skagafjörður, Íþróttir 03.05.2024 kl. 13.22Stuðningsfólk Tindastóls gæti lent í smá veseni í kvöld þegar ákveða þarf hvar skal koma sínum Stólarassi fyrir á höfuðborgarsvæðinu. Ástæðan er sú að Stólastúlkur verða bæði í eldlínunni í Bestu deild kvenna í knattspyrnu á Samsung-vellinum í Garðabæ en í Austurbergi í Breiðholti Reykjavíkur spila körfuboltastelpurnar þriðja leikinn í einvígi sínu við lið Aþenu um sæti í Subway-deildinni.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.