Feðginin Þórarinn og Þórgunnur bæði með silfur í fimmgangi F1 á Íslandsmóti
Íslandsmót fullorðinna- og ungmenna í hestaíþróttum fór fram sl. helgi á Selfossi. Knapar frá Norðurlandi vestra voru sem áður áberandi.
Í meistaraflokki varð Þórarinn Eymundsson í öðru sæti í fimmgangi F1 á Þráni frá Flagbjarnarholti eftir dómararöðun, en hann var með sömu einkunn og Teitur Árnason og Atlas frá Hjallanesi 1 sem urðu Íslandsmeistarar. Það vill svo skemmtilega til að Þórarinn hefur tamið, þjálfað og sýnt efstu þrjá hestana í fimmgangi, en í þriðja sæti varð skagfirski klárinn Ölur frá Reykjavöllum.
Mette Mannseth endaði í níunda sæti í fimmganginum á Kalsa frá Þúfum. Mette mætti einnig með Blund frá Þúfum í slaktaumatölt T2 og sigruðu þau B-úrslit þar og enduðu fimmtu í A-úrslitum, og í 100 metra flugskeiði varð hún í sjötta sæti á Vivaldi frá Torfunesi.
Miðfirðingurinn Helga Una Björnsdóttir var í sjöunda sæti í fjórgangi V1 á Hnokka frá Eylandi og sigraði B-úrslit í tölti á hryssunni Flugu frá Hrafnagili og þær stöllur enduðu sjöttu í A-úrslitum.
Í skeiðkappreiðunum varð Sigurður Heiðar Birgisson á Ríp í Hegranesi í fimmta sæti í 150 metra skeiði á Hrinu frá Hólum og bóndinn á Miðsitju, Daníel Gunnarsson, varð í þriðja sæti í 250 metra skeiði á Einingu frá Einhamri 2, og einnig í sjötta sæti í sömu grein á Kló frá Einhamri 2. Daníel endaði síðan í sjötta sæti í gæðingaskeiði á Strák frá Miðsitju.
Í ungmennaflokki sigraði Þórgunnur Þórarinsdóttir B-úrslit í Fimmgangi F1 á Djarfi frá Flatatungu og gerðu þau gott betur og enduðu í öðru sæti í A-úrslitum. Þórgunnur er dóttir Þórarins Eymundssonar og feðgin því bæði í öðru sæti í fimmgang þetta Íslandsmótið. Þórgunnur endaði einnig í fimmta sæti í 100 metra flugskeiði á Gullbrá frá Lóni.
/SMH
Fleiri fréttir
-
Stór sigur á Stjörnunni í Garðabænum
feykir.is Skagafjörður, Íþróttir 03.05.2024 kl. 22.10Eftir tvo tapleiki í byrjun móts var pínu presssa á liði Tindastóls að krækja í stig í Garðabænum í kvöld þegar Stólastúlkur sóttu lið Stjörnunnar heim. Eins og reikna mátti með sat lið Tindastóls aftarlega á vellinum en beitti snörpum skyndisóknum þegar boltinn vannst. Þrátt fyrir að heimastúlkur hafi verið talsvert meira með boltann í kvöld þá unnu gestirnir sanngjarnan sigur, gerðu eitt mark í hvorum hálfleik og hefðu hæglega getað unnið stærra. Lokatölur 0-2.Meira -
Kosið um sameiningu Húna- og Skagabyggðar í júní
feykir.is Austur-Húnavatnssýsla 03.05.2024 kl. 21.45„Við erum bjartsýn en nú er þetta í höndum íbúa,“ er haft eftir oddvitum Húnabyggðar og Skagabyggðar á Facebook-síðu Húnabyggðar í kvöld en sveitarfélögin hafa samþykkt samhljóða að setja sameiningu sveitarfélaganna í íbúakosningu í júní.Meira -
Að pissa eða ekki pissa | Leiðari 16. tölublaðs Feykis
feykir.is Skagafjörður, Aðsendar greinar 03.05.2024 kl. 15.36...Í bíó á þessum tímum voru mögulega myndir á borð við Cannonball Run, Grease og Superman. Ekki var óvanalegt að Mundi hitaði upp með einum RoadRunner áður en stjörnunar birtust á tjaldinu. Klassískar Sæluvikumyndir voru Áfram-myndirnar (Carry On) og Trinity-myndirnar með hinum óborganlegu Terence Hill og Bud Spencer. Risinn Bud rotaði menn miskunnarlaust með einu góðu höggi ofan á höfuðið – brosti aldrei og var frekar þreyttur á þessum aumingjum sem voru með vesen. Þessar myndir hafa pottþétt ekki elst eins vel og Chaplin myndirnar sem Mundi sýndi í Sæluviku – enda kvikmyndaklassík einstaks listamanns...Meira -
Styttist vonandi í frumsýningu
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 03.05.2024 kl. 14.15Það hefur sennilega ekki farið framhjá mörgum að Leikfélag Sauðárkróks þurfti að fresta frumsýningu vegna veikina í leikhópnum. Fjölmargir voru þegar búnir að kaupa sér miða á sýninguna og ljóst að Litla hryllingsbúðin verður sýnd það er bara ekki alveg komið á hreint hvenær.Meira -
Atkvæðagreiðsla utan kjörfundar vegna forsetakjörs 1. júní 2024
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 03.05.2024 kl. 13.45Í tilkynningu frá Sýslumanninum á Norðurlandi vestra eru hér upplýsingar um utankjörfundaratkvæðagreiðsla vegna forsetakjörs þann 1. júní 2024 er hafin.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.