Hugsanlega fyrsta slíka aðgerðin hér á landi
Á föstudaginn var lenti Ingunn Reynisdóttir dýralæknir og eigandi Dýrin mín stór og smá á Syðri-Völlum í Húnaþingi vestra í útkalli á bæinn Bessastaði þar sem hryssan Gáfa hafði farið úr bóglið á hægri framfæti eftir að hafa lent í áflogum við aðra hesta.
Þegar Ingunn kom á staðinn og skoðaði Gáfu var tekin ákvörðun um að setja hana í röntgen svo hægt væri að sjá betur hversu illa farin hún væri því bólgan var mikil. Þegar myndirnar voru skoðaðar leit þetta betur út en á horfðist og ákveðið var að láta á það reyna að kippa fætinum aftur í lið. Gáfa var því svæfð og notað var til verksins kálfatjakk til að strekkja fótinn aftur í liðinn.
Ef þetta hefði ekki verið reynt hefði þurft að aflífa hryssuna því þau hross sem lenda í sambærilegum slysum eru oftast búin að skemma liðina og umlykjandi vefi, eins og sinar og liðbönd, svo mikið að það er ekkert annað í stöðunni. Gáfa var því mjög heppin og fékk því tækifæri til að vera fyrsta hrossið sem færi í gegnum þessa aðgerð. Í samtali við visir.is sagði Ingunn að hún hafi ekki vitneskju um að þetta hafi verið reynt hér á landi. Hún hafir einungis fundið eina erlenda grein um hvernig ætti að framkvæma hana og má þetta því teljast til dýralæknisfræðilegra afreka sem vonandi verður hægt að nýta oftar í framtíðinni hér á landi.
Ingunn sagði einnig í samtali sínu við visir.is að hryssan sé inni í stíu og verði þar í alla vega mánuð og má lítið sem ekkert hreyfa sig, má ekki leggjast niður og er á verkjastillandi og bólgueyðandi. Gáfa fær því ekki að hreyfa sig fyrr en eftir tvær vikur og er því langt og erfitt endurhæfingarferli til stefnu. Feykir hafði samband við Ingunni á mánudaginn og spurði út í hvernig farið sé að því að leyfa hrossi ekki að leggjast niður og þá svaraði Ingunn „Þá eru þau annað hvort sett í rólu eða bundin í crosstie, er það kallað, en hún virðist það hress að við munum líklega leyfa henni að leggjast niður“.
Feykir þakkar Ingunni fyrir spjallið og sendum batakveðjur á Gáfu sem ætti kannski að taka upp nafnið Gæfa því það mátti ekki litlu muna í þetta skiptið.
Fleiri fréttir
-
Að pissa eða ekki pissa | Leiðari 16. tölublaðs Feykis
feykir.is Skagafjörður, Aðsendar greinar 03.05.2024 kl. 15.36...Í bíó á þessum tímum voru mögulega myndir á borð við Cannonball Run, Grease og Superman. Ekki var óvanalegt að Mundi hitaði upp með einum RoadRunner áður en stjörnunar birtust á tjaldinu. Klassískar Sæluvikumyndir voru Áfram-myndirnar (Carry On) og Trinity-myndirnar með hinum óborganlegu Terence Hill og Bud Spencer. Risinn Bud rotaði menn miskunnarlaust með einu góðu höggi ofan á höfuðið – brosti aldrei og var frekar þreyttur á þessum aumingjum sem voru með vesen. Þessar myndir hafa pottþétt ekki elst eins vel og Chaplin myndirnar sem Mundi sýndi í Sæluviku – enda kvikmyndaklassík einstaks listamanns...Meira -
Styttist vonandi í frumsýningu
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 03.05.2024 kl. 14.15Það hefur sennilega ekki farið framhjá mörgum að Leikfélag Sauðárkróks þurfti að fresta frumsýningu vegna veikina í leikhópnum. Fjölmargir voru þegar búnir að kaupa sér miða á sýninguna og ljóst að Litla hryllingsbúðin verður sýnd það er bara ekki alveg komið á hreint hvenær.Meira -
Atkvæðagreiðsla utan kjörfundar vegna forsetakjörs 1. júní 2024
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 03.05.2024 kl. 13.45Í tilkynningu frá Sýslumanninum á Norðurlandi vestra eru hér upplýsingar um utankjörfundaratkvæðagreiðsla vegna forsetakjörs þann 1. júní 2024 er hafin.Meira -
F. Jónsson stækka trésmíðaverkstæði sitt um ríflega helming
feykir.is Skagafjörður 03.05.2024 kl. 13.32Talsvert hefur verið byggt af iðnaðarhúsnæði á Sauðárkróki nú í vetur og þar á meðal má nefna að F. Jónsson byggingaverktakar hafa verið að stækka við sig. Friðrik Þór Ólafsson, starfsmaður F. Jónsson, segir að með byggingunni sé verið að rúmlega tvöfalda stærð aðstöðu þeirra en við eldra húsnæðið bætast nú 800 m2. „Innan þessarar nýbyggingar eru aðallega geymslur fyrir ýmisleg tengt okkar stafsemi en þar að auki er gert ráð fyrir vélskemmu og nýrri skrifstofu og aðstöðu starfmanna,“ segir Friðrik.Meira -
Tvöfaldur skammtur af Stólastúlkum í kvöld
feykir.is Skagafjörður, Íþróttir 03.05.2024 kl. 13.22Stuðningsfólk Tindastóls gæti lent í smá veseni í kvöld þegar ákveða þarf hvar skal koma sínum Stólarassi fyrir á höfuðborgarsvæðinu. Ástæðan er sú að Stólastúlkur verða bæði í eldlínunni í Bestu deild kvenna í knattspyrnu á Samsung-vellinum í Garðabæ en í Austurbergi í Breiðholti Reykjavíkur spila körfuboltastelpurnar þriðja leikinn í einvígi sínu við lið Aþenu um sæti í Subway-deildinni.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.