Þráinn frá Flagbjarnarholti seldur
Íslenskt einkahlutafélag, Þráinsskjöldur ehf, hefur fest kaup á stóðhestinum Þráni frá Flagbjarnarholti. Félagið Þráinsskjöldur, undir forystu Þórarins Eymundssonar á Sauðárkróki, var stofnað nú á dögunum til að koma í veg fyrir að hesturinn færi úr landi.
Þráinn frá Flagbjarnarholti sló í gegn á LM 2018 þegar hann fór í annað skiptið yfir 9 í einkunn fyrir hæfileika og hefur síðan þá verið hæst dæmdi stóðhestur í heimi og verið vinsæll kynbótahestur með rúmlega 200 skráð afkvæmi í WF. Félagsskapurinn er einhuga um að halda Þráni áfram hérlendis til ræktunar en hann hefur einnig náð frábærum árangri í keppni bæði innan húss sem utan og er stefnt með hann á LM á Hellu næsta sumar.
Þórarinn, sem sýnt hefur Þráinn og keppt á til margra ára, segir að eigendur hestsins, hollensk hjón sem komin eru hátt á sjötugsaldur, hafi viljað minnka frekar við sig heldur en hitt í hestamennskunni, og íhugað um tíma að selja hestinn. „Þau hafa fengið fleiri en eitt tilboð en svo kom tilboð í haust sem þeim fannst þau ekki getað hafnað. Þau höfðu samband við mig, en ég vissi svo sem að þetta væri yfirvofandi, en maður kannski gerir ekkert í því fyrr en maður stendur frammi fyrir því hvort maður ætlar að gera eitthvað eða ekki. Þetta er heljarinnar dæmi,“ segir Þórarinn sem fór strax af stað og kannaði áhuga manna hér innan lands um kaup á hestinum með honum. Svo vel gekk að fá menn með sér að innan við sólarhring var hópurinn klár. „Þá var ég kominn með loforð og samstæðan hóp sem vildi taka þátt í þessu verkefni. Síðan þá hefur staðið yfir pappírsvinna, formlegur frágangur og stofna fyrirtæki og allt sem því fylgir. Það skemmtilega við þetta er þegar ég hringi í þau eftir 24 tíma og segi þeim að þetta sé klárt þá urðu þau glöð og vildu gjarnan fá að vera með í þeim hópi, þannig að þau eiga enn smá hlut í hestinum. Þau voru mjög áhugasöm að fá að vera með áfram í sögunni.“
Þórarinn segir mikla áhættu fólgna í því að fjárfesta í dýrum stóðhesti en segist ekki hafa hafa verið í vafa þar sem afkvæmi undan honum gefi góða von. „Ég veit ekki hvort ég hefði þorað í þetta fyrr en akkúrat á þessum tímapunkti þegar ég er farin að sjá nokkuð af tryppunum undan honum sem eru núna í tamningu. Það gerði útslagið að ég sé að tryppin eru bráðefnileg og mér líst mjög vel á þau. Það er mikið atriði að þau séu góð til ræktunar líka. Á því byggist framtíðin.“
Tengd frétt:
Tóti með hæst dæmda hest í heimi í annað sinn
Fleiri fréttir
-
Stór sigur á Stjörnunni í Garðabænum
feykir.is Skagafjörður, Íþróttir 03.05.2024 kl. 22.10Eftir tvo tapleiki í byrjun móts var pínu presssa á liði Tindastóls að krækja í stig í Garðabænum í kvöld þegar Stólastúlkur sóttu lið Stjörnunnar heim. Eins og reikna mátti með sat lið Tindastóls aftarlega á vellinum en beitti snörpum skyndisóknum þegar boltinn vannst. Þrátt fyrir að heimastúlkur hafi verið talsvert meira með boltann í kvöld þá unnu gestirnir sanngjarnan sigur, gerðu eitt mark í hvorum hálfleik og hefðu hæglega getað unnið stærra. Lokatölur 0-2.Meira -
Kosið um sameiningu Húna- og Skagabyggðar í júní
feykir.is Austur-Húnavatnssýsla 03.05.2024 kl. 21.45„Við erum bjartsýn en nú er þetta í höndum íbúa,“ er haft eftir oddvitum Húnabyggðar og Skagabyggðar á Facebook-síðu Húnabyggðar í kvöld en sveitarfélögin hafa samþykkt samhljóða að setja sameiningu sveitarfélaganna í íbúakosningu í júní.Meira -
Að pissa eða ekki pissa | Leiðari 16. tölublaðs Feykis
feykir.is Skagafjörður, Aðsendar greinar 03.05.2024 kl. 15.36...Í bíó á þessum tímum voru mögulega myndir á borð við Cannonball Run, Grease og Superman. Ekki var óvanalegt að Mundi hitaði upp með einum RoadRunner áður en stjörnunar birtust á tjaldinu. Klassískar Sæluvikumyndir voru Áfram-myndirnar (Carry On) og Trinity-myndirnar með hinum óborganlegu Terence Hill og Bud Spencer. Risinn Bud rotaði menn miskunnarlaust með einu góðu höggi ofan á höfuðið – brosti aldrei og var frekar þreyttur á þessum aumingjum sem voru með vesen. Þessar myndir hafa pottþétt ekki elst eins vel og Chaplin myndirnar sem Mundi sýndi í Sæluviku – enda kvikmyndaklassík einstaks listamanns...Meira -
Styttist vonandi í frumsýningu
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 03.05.2024 kl. 14.15Það hefur sennilega ekki farið framhjá mörgum að Leikfélag Sauðárkróks þurfti að fresta frumsýningu vegna veikina í leikhópnum. Fjölmargir voru þegar búnir að kaupa sér miða á sýninguna og ljóst að Litla hryllingsbúðin verður sýnd það er bara ekki alveg komið á hreint hvenær.Meira -
Atkvæðagreiðsla utan kjörfundar vegna forsetakjörs 1. júní 2024
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 03.05.2024 kl. 13.45Í tilkynningu frá Sýslumanninum á Norðurlandi vestra eru hér upplýsingar um utankjörfundaratkvæðagreiðsla vegna forsetakjörs þann 1. júní 2024 er hafin.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.