Það rýkur úr undirskriftapennanum hjá Kormáki/Hvöt

feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla 19.02.2024 kl. 09.07 siggag@nyprent.is

Um helgina tilkynnti Kormákur/Hvöt fjóra liðsmenn sem skrifuðu undir hjá þeim á dögunum en það eru framherjinn Artur Balicki, senterinn Kristinn Bjarni Andrason,  markmaðurinn Snorri Þór Stefánsson og svo kantmaðurinn Jón Gísli Stefánsson. Á Facebook-síðunni Aðdáendasíða Kormáks/Hvatar er nánari lýsing á köppunum. 

"Pólski framherjinn Artur Balicki er genginn til liðs við Kormák Hvöt frá liðinu Orleta R.P. í heimalandi hans.  

Artur, sem er 24 ára, var fremsta skotmark klúbbsins þetta vorið, en hann á bæði leiki með U-19 ára landsliði Póllands og leiki með liðum í efstu deild þar í landi. Honum er lýst sem leikmanni með endalausa hlaupagetu og liðsmanni hinum mesta - leikmaður sem hugsar um allt liðið en ekki bara hversu oft hann sjálfur kemur boltanum í netið.

Hér er á ferð alvöru kanóna sem á vafalaust eftir að hrella margan varnarmann andstæðinganna, en ekki síður að gefa af sér til okkar spennandi undu leikmanna.Hlökkum til að sjá Artur í bleiku innan skamms!"

"Stormsenterinn Kristinn Bjarni Andrason er genginn til liðs við Kormák Hvöt frá Kormáki Hvöt.

Hljómar kannski einkennilega að koma og fara frá sama liðinu, en Kristinn Bjarni skrifaði nú á Þorranum undir sinn fyrsta samning við Þór frá Akureyri og var um leið lánaður aftur heim, þar sem hann mun spila áfram með Kormáki Hvöt í sumar. Þetta eru afar góðar fréttir, sérstaklega ef þær risa framfarir sem hann tók á síðasta ári. Kristinn Bjarni var eini leikmaður Kormáks Hvatar sem kom við sögu í öllum 22 leikjum okkar sigursæla sumars, en samtals á hann að baki 38 meistaraflokksleiki og í þeim fjögur mörk. Ganske gott fyrir leikmann á 18. aldursári. Velkominn áfram í bleikt Kristinn Bjarni!"
 
"Markmaðurinn Snorri Þór Stefánsson er genginn til liðs við Kormák Hvöt frá Þór á Akureyri. 
Snorri hefur verið markmaður 2.flokks Þórs og spilaði því með mörgum okkar leikmanna í sameiginlegu liði Norðurlands vestra og Þórsara í fyrra. Upphaflega kemur hann upp í gegnum unglingastarf Stjörnunnar. Þessi 19 ára gamli kappi mun standa á milli stanganna hjá Kormáki Hvöt í Lengjubikarnum og verður gaman að sjá hvernig hann smellur inn í okkar samheldna lið nú í vor! Áfram Snorri - áfram Kormákur Hvöt!"

 

Kantmaðurinn knái Jón Gísli Stefánsson er genginn til liðs við Kormák Hvöt frá Tindastóli.

 Jón Gísli lék sinn fyrsta meistaraflokksleik með Kormáki Hvöt árið 2019, þá aðeins á 15. aldursári. Jón Gísli lék 13 leiki með okkar liði áður en hann söðlaði um og lék með Tindastóli árin 2022 og 2023. Alls hefur hann leikið 49 meistaraflokksleiki og skoraði í þeim 8 mörk. Í lok síðustu leiktíðar var Jón Gísli valinn ungi leikmaður ársins hjá Tindastóli. Velkominn heim Jón Gísli!"

 

 

Til baka

Athugasemdir eru á ábyrgð þeirra sem þær skrá.

Feykir áskilur sér þó rétt til að eyða ummælum sem metin verða sem ærumeiðandi eða ósæmileg.

Smelltu hér til að tilkynna óviðeigandi athugasemdir.

Fleiri fréttir

  • Uppáhalds Serbinn okkar, Emese Vida, átti ágætan leik í gær og stóð upp úr í liði Tindastóls – eins og hún gerir auðvitað alltaf sama hvað. MYND: DAVÍÐ MÁR

    Lið Aþenu gerði Stólastúlkum grikk

    feykir.is Skagafjörður, Íþróttir 27.04.2024 kl. 15.31 oli@feykir.is
    Einvígi Aþenu og Tindastóls um sæti í Subway-deild kvenna næsta haust hófst í Austurbergi í Breiðholti í gærkvöldi. Lið Tindastóls hafði lagt Subway-deildar lið Snæfells að velli og Aþenu-stúlkur lið KR í undanúrslitum og því búist við spennandi einvígi. Niðurstaðan varð hinsvegar leiðinlega stór sigur Aþenu því eftir ágæta byrjun gestanna tók Breiðholtsliðið öll völd, var 15 stigum yfir í hálfleik og svo versnaði bara vont. Lokatölur 80-45 og ljóst að Stólastúlkur þurfa að sýna annað andlit í Síkinu á mánudaginn.
    Meira
  • Séð yfir gamla bæinn á Króknum. Ef einhver er ekki klár þá er Safnahús Skagfirðinga neðst til vinstri á myndinni. MYND: JÓN ARNAR/HINIR SÖMU

    Sæluvikan sett á sunnudag í Safnahúsi Skagfirðinga

    feykir.is Skagafjörður, Listir og menning 27.04.2024 kl. 15.10 oli@feykir.is
    Sæluvika Skagfirðinga hefst formlega í Safnahúsinu á Sauðárkróki sunnudaginn 28. apríl kl. 13:00. Á heimasíðu Sæluvikunnar segir að kaffi og terta verði í boði fyrir gesti og því ekki vit í öðru en að skella sér í skárri fötin og mæta í hátíðarskapi í Safnahúsið þar sem við sama tækifæri verður opnuð ljósmyndasýning með myndum úr safni Stefáns Pedersen.
    Meira

  • Munum Stóra plokkdaginn

    feykir.is Skagafjörður, Mannlíf 27.04.2024 kl. 13.34 oli@feykir.is
    Stóri plokkdagurinn er nú á morgun, sunnudaginn 28. apríl, en hann var fyrst haldinn árið 2018. Um er að ræða flott samfélagsverkefni þar sem allir geta látið gott af sér leiða með því að fegra og hreinsa umhverfið í kringum sig.
    Meira
  • Leikstjórinn Valgeir Skagfjörð. MYND GG

    Leikstjórinn fullur tilhlökkunar fyrir frumsýningu

    feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 27.04.2024 kl. 13.00 gunnhildur@feykir.is
    Sunnudaginn 28.apríl nk. frumsýnir Leikfélag Sauðárkróks Litlu hryllingsbúðina. „Sívinsælt verk sem sem fólk þreytist seint á að koma í leikhús til að upplifa,“ segir Valgeir Skagfjörð sem leikstýrir verkinu. Feykir heyrði hljóðið í leikstjóranum sem er sagðist vera sultuslakur fyrir frumsýningunni og fullur tilhlökkunar að leyfa áhorfendum að njóta sýningarinnar.
    Meira

  • Stólastúlkur spila í Kópavogi í dag

    feykir.is Skagafjörður, Íþróttir 27.04.2024 kl. 12.43 oli@feykir.is
    Þeir sem hafa beðið spenntir eftir fréttum af leikmannaveiðum knattspyrnudeildar Tindastóls fyrir Bestu deildar lið Stólastúlkna hafa mögulega fylgst með og flett upp félagaskiptasíðu KSÍ. Þar má sjá að finnsk stúlka, Annika Haanpää, hafi samið við Tindastól. Jún er komin með leikheimild en ekki væntanleg til landsins fyrr en í byrjun næstu viku samkvæmt upplýsingum Feykis.
    Meira
Yfirlit frétta