Feiknaaðsókn á körfuboltanámskeið á Húnavöllum
Körfuboltaskóli Norðurlands hélt námskeið í Húnavallaskóla 17. apríl síðastliðinn en vegna Covidáhrifa hafði því verið frestað áður. Helgi Freyr Margeirsson, rektor Körfuboltaskólans, segir að náð hafi að skjóta inn námskeiði rétt fyrir sauðburð áður en álagið á mörgum bæjum í sveitinni eykst og minni tími gæfist til að sækja námskeið. Körfuboltaskólinn gaf svo skólanum fjóra bolta fyrir yngsta aldurshópinn sem væntanlega verða nýttir vel.
Helgi segir að á Húnavöllum sé, eins og á svo mörgum stöðum á Norðurlandi, flott aðstaða í til körfuboltaiðkunar. Markmið skólans er að koma körfubolta framar í huga krakkanna þegar þau horfa til íþróttaiðkunar og segir Helgi að þar sem fámennið er hentar körfuboltinn mjög vel og aðstaðan oftast mjög góð.
„Námskeiðin gengu alveg glimrandi vel, krakkarnir mjög sprækir og áhugasamir sem skilaði sér í framförum strax á þessu fyrsta námskeiði. Það er svo einnig gaman að segja frá því að það mættu rúmlega 1/3 af nemendum skólans á þessi tvö námskeið, annað fyrir yngri bekki og svo það síðara fyrir eldri bekkina 6.-10. bekk. Það er von okkar sem stóðum að þessu að næst náum við meira en helmingi nemenda á námskeið,“ segir Helgi og bætir við að þess beri að geta að námskeiðin voru krökkunum að kostnaðarlausu þar sem Ungmennafélögin Geislar og Bólhlíðingar buðu upp á námskeiðin, sem sé frábært framtak. „Það var mikil jákvæðni með þetta og strax spurt hvenær væri von á öðru námskeiði, sem verður vonandi sem fyrst.“
Að sögn Helga hefur starfsemi Körfuboltaskólans verið mjög stopul í vetur þar sem Covid 19 hefur haft mikil áhrif á námskeiðahald. „Það hefur samt tekist að halda námskeið á, Skagaströnd, Hólmavík, Hvammstanga, Sauðárkróki og núna á Húnavöllum í vetur og bara Blönduós eftir, en það verður vonandi fljótlega.“
Meðfylgjandi eru myndir sem voru teknar á námskeiðunum.
Fleiri fréttir
-
Lið Aþenu gerði Stólastúlkum grikk
feykir.is Skagafjörður, Íþróttir 27.04.2024 kl. 15.31Einvígi Aþenu og Tindastóls um sæti í Subway-deild kvenna næsta haust hófst í Austurbergi í Breiðholti í gærkvöldi. Lið Tindastóls hafði lagt Subway-deildar lið Snæfells að velli og Aþenu-stúlkur lið KR í undanúrslitum og því búist við spennandi einvígi. Niðurstaðan varð hinsvegar leiðinlega stór sigur Aþenu því eftir ágæta byrjun gestanna tók Breiðholtsliðið öll völd, var 15 stigum yfir í hálfleik og svo versnaði bara vont. Lokatölur 80-45 og ljóst að Stólastúlkur þurfa að sýna annað andlit í Síkinu á mánudaginn.Meira -
Sæluvikan sett á sunnudag í Safnahúsi Skagfirðinga
feykir.is Skagafjörður, Listir og menning 27.04.2024 kl. 15.10Sæluvika Skagfirðinga hefst formlega í Safnahúsinu á Sauðárkróki sunnudaginn 28. apríl kl. 13:00. Á heimasíðu Sæluvikunnar segir að kaffi og terta verði í boði fyrir gesti og því ekki vit í öðru en að skella sér í skárri fötin og mæta í hátíðarskapi í Safnahúsið þar sem við sama tækifæri verður opnuð ljósmyndasýning með myndum úr safni Stefáns Pedersen.Meira -
Munum Stóra plokkdaginn
feykir.is Skagafjörður, Mannlíf 27.04.2024 kl. 13.34Stóri plokkdagurinn er nú á morgun, sunnudaginn 28. apríl, en hann var fyrst haldinn árið 2018. Um er að ræða flott samfélagsverkefni þar sem allir geta látið gott af sér leiða með því að fegra og hreinsa umhverfið í kringum sig.Meira -
Leikstjórinn fullur tilhlökkunar fyrir frumsýningu
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 27.04.2024 kl. 13.00Sunnudaginn 28.apríl nk. frumsýnir Leikfélag Sauðárkróks Litlu hryllingsbúðina. „Sívinsælt verk sem sem fólk þreytist seint á að koma í leikhús til að upplifa,“ segir Valgeir Skagfjörð sem leikstýrir verkinu. Feykir heyrði hljóðið í leikstjóranum sem er sagðist vera sultuslakur fyrir frumsýningunni og fullur tilhlökkunar að leyfa áhorfendum að njóta sýningarinnar.Meira -
Stólastúlkur spila í Kópavogi í dag
feykir.is Skagafjörður, Íþróttir 27.04.2024 kl. 12.43Þeir sem hafa beðið spenntir eftir fréttum af leikmannaveiðum knattspyrnudeildar Tindastóls fyrir Bestu deildar lið Stólastúlkna hafa mögulega fylgst með og flett upp félagaskiptasíðu KSÍ. Þar má sjá að finnsk stúlka, Annika Haanpää, hafi samið við Tindastól. Jún er komin með leikheimild en ekki væntanleg til landsins fyrr en í byrjun næstu viku samkvæmt upplýsingum Feykis.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.