Örn og Hildur taka við rekstri Hótel Blönduóss
Hótel Blönduós var opnað að nýju eftir gagngerar breytingar síðastliðið vor. InfoCapital ehf., fjárfestingafélag í eigu Reynis Grétarssonar og viðskiptafélaga, hefur frá haustinu 2022 staðið að uppbyggingu í gamla bænum á Blönduósi. Nú þegar sér fyrir endann á framkvæmdunum hefur verið ákveðið að eigendur og rekstraraðilar Hótels Laugarbakka taki að sér rekstur Hótels Blönduóss og annarra eigna sem eru hluti af verkefninu.
Í frétt á Húnahorninu segir að samningurinn sé til þriggja ára, með möguleikum á að lengja eða stytta tímann en þetta kemur fram í tilkynningu frá InfoCapital.
Í henni segir Reynir Grétarsson: „Markmið mitt og félaga minna var að hefja Gamla bæinn til virðingar, með blómlega starfsemi á hótelinu sem kjarnann. Við höfum hins vegar minni þekkingu á rekstri ferðaþjónustu og ákváðum því að leita til aðila á svæðinu sem gert hefur frábæra hluti. Við erum mjög ánægð með að fá Örn og Hildi til að taka við rekstrinum og vonumst til að hann gangi vel og að við getum útvíkkað samstarfið með því að bæta fleiri eignum við verkefnið síðar."
„Við hjónin erum bæði ánægð og spennt að taka við þessu glæsilega hóteli sem svo vel hefur tekist til við að endurreisa. Endurreisn Hótel Blönduóss og gamla bæjarhlutans á Blönduósi færir nýtt líf í þennan yndislega stað. Veislu- og viðburðastaðurinn Krúttið mun auðga menningarlífið á Blönduósi og auka við fund-a og ráðstefnumöguleika á svæðinu. Um leið og við þökkum það traust sem eigendur Hótel Blönduóss sýna okkur hjónum, bjóðum við gesti velkomna til okkar á þetta frábæra hótel," segir Örn Arnarson einn af eigendum Hótels Laugarbakka.
Þungamiðjan í framkvæmdum InfoCapital var að gera gagngerar endurbætur á Hótel Blönduósi auk þess sem gamla bakaríinu, Krúttinu, var breytt í veislusal. Aðrir hlutar verkefnisins eru meðal annars Pétursborg, næst elsta hús Blönduóss, sem verður með fimm lúxusíbúðum sem verða hluti af rekstri hótelsins. Fjárfesting InfoCapital nemur um 600 milljónum króna.
Heimild: Húnahornið
Fleiri fréttir
-
Að pissa eða ekki pissa | Leiðari 16. tölublaðs Feykis
feykir.is Skagafjörður, Aðsendar greinar 03.05.2024 kl. 15.36...Í bíó á þessum tímum voru mögulega myndir á borð við Cannonball Run, Grease og Superman. Ekki var óvanalegt að Mundi hitaði upp með einum RoadRunner áður en stjörnunar birtust á tjaldinu. Klassískar Sæluvikumyndir voru Áfram-myndirnar (Carry On) og Trinity-myndirnar með hinum óborganlegu Terence Hill og Bud Spencer. Risinn Bud rotaði menn miskunnarlaust með einu góðu höggi ofan á höfuðið – brosti aldrei og var frekar þreyttur á þessum aumingjum sem voru með vesen. Þessar myndir hafa pottþétt ekki elst eins vel og Chaplin myndirnar sem Mundi sýndi í Sæluviku – enda kvikmyndaklassík einstaks listamanns...Meira -
Styttist vonandi í frumsýningu
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 03.05.2024 kl. 14.15Það hefur sennilega ekki farið framhjá mörgum að Leikfélag Sauðárkróks þurfti að fresta frumsýningu vegna veikina í leikhópnum. Fjölmargir voru þegar búnir að kaupa sér miða á sýninguna og ljóst að Litla hryllingsbúðin verður sýnd það er bara ekki alveg komið á hreint hvenær.Meira -
Atkvæðagreiðsla utan kjörfundar vegna forsetakjörs 1. júní 2024
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 03.05.2024 kl. 13.45Í tilkynningu frá Sýslumanninum á Norðurlandi vestra eru hér upplýsingar um utankjörfundaratkvæðagreiðsla vegna forsetakjörs þann 1. júní 2024 er hafin.Meira -
F. Jónsson stækka trésmíðaverkstæði sitt um ríflega helming
feykir.is Skagafjörður 03.05.2024 kl. 13.32Talsvert hefur verið byggt af iðnaðarhúsnæði á Sauðárkróki nú í vetur og þar á meðal má nefna að F. Jónsson byggingaverktakar hafa verið að stækka við sig. Friðrik Þór Ólafsson, starfsmaður F. Jónsson, segir að með byggingunni sé verið að rúmlega tvöfalda stærð aðstöðu þeirra en við eldra húsnæðið bætast nú 800 m2. „Innan þessarar nýbyggingar eru aðallega geymslur fyrir ýmisleg tengt okkar stafsemi en þar að auki er gert ráð fyrir vélskemmu og nýrri skrifstofu og aðstöðu starfmanna,“ segir Friðrik.Meira -
Tvöfaldur skammtur af Stólastúlkum í kvöld
feykir.is Skagafjörður, Íþróttir 03.05.2024 kl. 13.22Stuðningsfólk Tindastóls gæti lent í smá veseni í kvöld þegar ákveða þarf hvar skal koma sínum Stólarassi fyrir á höfuðborgarsvæðinu. Ástæðan er sú að Stólastúlkur verða bæði í eldlínunni í Bestu deild kvenna í knattspyrnu á Samsung-vellinum í Garðabæ en í Austurbergi í Breiðholti Reykjavíkur spila körfuboltastelpurnar þriðja leikinn í einvígi sínu við lið Aþenu um sæti í Subway-deildinni.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.