Mundi banna óperutónlist og fiðlur / KIDDI BALDA
Kristján Baldvinsson býr á Akranesi um þessar mundir. Kappinn er fæddur 1968 og ólst upp í gamla bænum á Sauðárkróki. Hljóðfærið hans Kidda er trommur og sá hann í nokkrar vertíðir um að halda taktinum í skagfirsku sveiflunni svo eitthvað sé nefnt.
Helsta tónlistarafrek? Sennilega að hafa sungið Kauðann, aka Lónlý blú bojs, á 1000 manna samkomu í Hafnarfirði með míkrófón í hendi fremst á sviðinu alveg bláedrú, minnir mig. Þetta varð til þess að þetta lag, sungið af Engilbert Jenssen, fór á play-lista Aðalstöðvarinnar í nokkra daga :-)
Uppáhalds tónlistartímabil? Ég á mér ekkert sérstakt uppáhalds tónlistartímabil, mér finnst eiginlega öll tónlist skemmtileg, þannig séð, nema óperutónlist. Ef ég yrði einræðisherra á Íslandi þá mundi ég banna hana með öllu og líka fiðlur.
Hvaða tónlist fær þig til að sperra eyrun þessa dagana? Þessa dagana er rapp í eyunum á mér oftast og mér líkar það vel. Rapptónlist er nefnilega geysilega mögnuð þegar maður fer að spá í hana.
Hver var fyrsta platan/diskurinn/kasettan/niðurhalið sem þú keyptir þér? Fyrsta platan var safnplata með öllu því heitasta í tónlist á fermingarárinu mínu, man ekki hvaða ár það var en mér þótti þessi plata alveg geðveik. Keypti hana í Radíóbúðinni á Sauðárkróki.
Hvaða græjur varstu þá með? Thosiba plötuspilari/kasettuspilari/útvarp – alveg magnað helvíti.
Wham! eða Duran? Duran Duran að sjálfsögðu, miklu meira rokk í því.
Hvað syngurðu í sturtu? Kauðann að sjálfsögðu.
Þú heldur dúndurpartí í kvöld, hvað læturðu hljóma í græjunum til að koma öllum í stuð? U2 Greatest hits.
Þú vaknar í rólegheitum á sunnudagsmorgni, hvað viltu helst heyra? Mugison einan með gítarinn.
Þú átt þess kost að fara hvert sem er í heiminum og skella þér á tónleika. Hvert færirðu, á hvaða tónleika og hvern tækirðu með þér? Ég mundi fara þangað sem Prince er að halda tónleika og tæki hana Karen mína með mér.
Hvaða tónlistarmann hefur þig dreymt um að vera? Regínu Ragnars. Annars hefur mig ekki beinlínis dreymt um að vera einhver annar en ég er en það hefði örugglega ekki verið leiðinlegt að vera í hljómsveitinni The Beatles.
Hver er að þínu mati besta plata sem gefin hefur verið út? Sgt. Peppers Lonely Heart Club Band með The Beatles.
Fleiri fréttir
-
Skagamenn höfðu betur gegn Stólum í bikarnum
feykir.is Skagafjörður, Íþróttir 25.04.2024 kl. 21.04Lið Tindastóls fór á Skagann í dag og lék gegn heimamönnum í ÍA í 32 liða úrsltum Mjólkurbikarsins. Leikið var í Akraneshöllinni og fóru leikar þannig að Skagamenn, sem eru með lið í Bestu deild karla, höfðu betur og enduðu þar með bikarævintýri Stólanna. Lokatölur þó aðeins 3-0.Meira -
Erum allar ready í alvöru seríu - segir Brynja Líf
feykir.is Skagafjörður, Íþróttir, Ljósmyndavefur 25.04.2024 kl. 14.22Það hefur verið gaman að fylgjast með liði Stólastúlkna í körfunni í vetur og nú spilar liðið til úrslita um sæti í Subway-deildinni að ári. Það er mikil breyting á liðinu frá því árið áður, mörg púsl bættust í hópinn síðasta haust sem Helgi þjálfari hefur náð að sameina í heilsteypta mynd. Eitt lykilpúslið er Brynja Líf Júlíusdóttir, 16 ára stúlka frá Egilsstöðum, sem kom á Krókinn til að spila með liði Tindastóls og stunda nám á náttúruvísindabraut og í körfuboltaakademíu FNV. Hún er ein efnilegasta körfuboltastúlka landsins í sínum árgangi og í síðasta leiknum gegn Snæfelli á dögunum þá gerði hún átta af tíu stigum Tindastóls í framlengingu.Meira -
Kvenfélag Svínavatnshrepps hélt upp á 150 ára afmælið með kökuveislu af gamla skólanum
feykir.is Austur-Húnavatnssýsla, Mannlíf 25.04.2024 kl. 13.43Kvenfélag Svínavatnshrepps hélt upp á 150 ára afmæli sitt 20. apríl sl. Var öllum kvenfélagskonum í Austur-Húnavatnssýslu boðið í kaffi í Dalsmynni. Þar var mikil kökuveisla sem einkenndist af því að hafa kaffibrauð sem hugsanlega hefði getað verið á borðum er kvenfélagið var stofnað.Meira -
Gleðilegt sumar
feykir.is Skagafjörður, Austur-Húnavatnssýsla, Vestur-Húnavatnssýsla 25.04.2024 kl. 11.55„Það er komið sumar...“ sungu Mannakorn um árið og það á við í dag. Í það minnsta er sumardagurinn fyrsti í dag og þó það sé kannski ekki sami stemmari fyrir þessum degi á þessari öld og var á þeirri síðustu þá fylgir deginum oftar en ekki bjartsýni og ylur í hjarta – já, eiginlega sama hvernig viðrar.Meira -
Giggó-appið snýst um að bjarga sér | Spjallað við Kjartan Hall
feykir.is Skagafjörður, Mannlíf, Lokað efni 25.04.2024 kl. 10.38Í janúar rak blaðamaður augun í nýtt app sem kallast Giggó sem er sett fram af Alfreð. Þar sem það var gamalkunnur Skagfirðingur út að austan, lista- og íslenskumaðurinn Kjartan Hallur frá Melstað í Óslandshlíðinni, sem kynnti þetta á Facebook, var að sjálfsögðu tilvalið að senda á hann nokkrar spurningar. Kjartan Hallur er í Alfreðs teyminu og segir starf sitt hjá Alfreð fyrst og fremst vera að ritstýra, semja texta og samræma skilaboð fyrir appið, heimasíðu og þjónustuvefi Alfreðs. „Og núna hefur Giggó-appið bæst við á verkefnalistann. Þar undir er heimasíða, bloggskrif og vinna í markaðssetningu á þessu nýja verkfæri fyrir íslenska gigg-hagkerfið,“ segir hann.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.