Á Þverárfjallsleið um Biskupskeldu :: Hörður Ingimarsson skrifar
Horft í austur frá bænum Þverá í Norðurárdal. Hvammshlíðarfjall rís hæst með bogadreginni fönn þar sem heitir Fosshlíð. Þar sem fönnin endar ofar miðri mynd tekur við ávöl dyngja í framhaldi Hvammshlíðarfjalls sem heitir Þverárfjall. Í forgrunni myndar er afleggjarinn frá norðri til suðurs heim að Þverá. Litlu ofar er Þverárgilið en samnefnd á rennur til suðurs í Norðurána. Ofan gilbarmsins má sjá gamla Þverárfjallsveginn sem kominn var um 1928.
Stefán Kemp, frá Illugastöðum, var kúskur tólf ára gamall við gerð þessa vegar. Þegar komið er upp hallann þar sem vegurinn hverfur við skaflendann er nú býlið Hvammshlíð gömul jörð þar sem fjalladrottningin Karólína Elísabetardóttir býr, margfræg fyrir baráttu sína við riðuna í sauðfé. Núverandi Þverárfjallsvegur fer yfir Þverárgilið á ræsi síðan í norðaustur með Þverárflám á vinstri hönd, en aldrei yfir sjálft Þverárfjallið. Leiðin liggur um Biskupskeldu mitt á milli Hvammshlíðarfjalls t.h. sem er 529 metra hátt og Pokafells t.v. sem er 406 metra hátt. Um „kelduna“ er upptakakvísl Engjalækjarins sem rennur til austurs síðan suðurs og aftur í austur og endar í Laxánni ytri í landi Illugastaða.
Það hefur vafist fyrir mörgum hvenær farið er yfir Þverárfjallið sem er í raun aldrei. Þar sem sá sem þessar línur ritar hóf skrif um Þverárfjallsveg fyrir rösklega hálfri öld var ekki um annan veg að ræða en þann gamla. Vegheitið festist í meðförum Alþingis og við framkvæmd nýs vegar með vegnúmerinu 744. Þar sem „Þverárfjallsvegur“ er hæstur er hann 322 m.y.s. á mjög stuttum kafla. Um 150-200 metrum norðaustan við vegstæðið þar sem það er hæst eru vatnaskil Húnavatns- og Skagafjarðarsýslu, þar er sjálf Biskupskeldan.
„Keldan“ þótti ill yfirferðar fyrrum, en Guðmundur biskup góði vígði kelduna og gerði hana ferðafæra að sögn. Það hefði verið veglegt að Biskupskeldan hefði borið nafn vegarins enda þekkt heiti vegfarendum um aldir sem úr Skagafirði fóru um Reiðskarð á Kolugafjalli á leið sinni til kauptíðar í Höfðakaupstað á Skagaströnd. Biskupskeldan er örstutt frá núverandi vegi. Heiti „Þverárfjallsvegar“ verður varla breytt úr þessu í Biskupskeldu. Frá „keldunni“ um Laxárdal og Laxárdalsheiði til Sauðárkróks eru 25 km en rösklega 20 km til Blönduós um Norðurárdal, „Æsku-dala-byggð“, Indíönu Albertsdóttur frá Neðstabæ og síðan um Refasveit til Blönduós.
/Hörður Ingimarsson
Fleiri fréttir
-
Lukkan í liði Selfyssinga þegar Kormákur/Hvöt laut í gras
feykir.is Austur-Húnavatnssýsla, Íþróttir, Vestur-Húnavatnssýsla 05.05.2024 kl. 18.30Lið Kormáks/Hvatar hóf leik í 2. deild Íslandsmótsins í knattspyrnu í gærdag en þá héldu Húnvetningar á Selfoss þar sem lið Selfoss beið þeirra. Gestirnir voru þéttir til baka og sköpuðu sér vænlegar stöður sem ekki nýttust en lið heimamanna fékk eitt gott færi og nýtti það. Lokatölur því 1-0 og nú krossa Húnvetningar fingur og treysta á að fall sé fararheill.Meira -
Allt frá sumarkaffi í Árskóla til súpermanna á hestbaki í Sæluvikunni
feykir.is Skagafjörður, Ljósmyndavefur, Listir og menning 05.05.2024 kl. 15.28Sæluvikunni lýkur í dag þó svo enn eigi eftir að frumsýna Sæluvikustykki Leikfélags Sauðárkróks af ástæðum sem ættu nú að vera flestum kunnar. Einn stærsti viðburður Sælunnar var í gærkvöldi en þá fór Tekið til kostanna fram í Svaðastaðahöllinni þar sem frábær hross og knapar létu ljós sín skína.Meira -
Keppt í tölti og flugskeiði á lokamóti Meistaradeildar KS
feykir.is Skagafjörður, Íþróttir, Hestar 05.05.2024 kl. 14.30Lokamót Meistaradeildar KS í hestaíþróttum var haldið sl. föstudagskvöld í boði Fóðurblöndunnar. Á þessu síðasta keppniskvöld deildarinnar var keppt í tölti og skeiði en kvöldið hófst á forkeppni í Tölti T1. Það voru þeir félagar, villiköttur Hrímnis-Hestkletts, Páll Bragi Hólmarsson og Vísir frá Kagaðarhóli, sem stóðu uppi sem sigurvegarar í tölti með einkunnina 8.83. Agnar Þór Magnússon og Stirnir frá Laugavöllum reyndust fremstir í flokk í flugskeiðinu.Meira -
Undirbúningur að uppsetningu á nýstárlegri gróðurstöð í Miðfirði í fullum gangi
feykir.is Vestur-Húnavatnssýsla 05.05.2024 kl. 10.29Fulltrúar frá Skógarplöntum ehf. ásamt Magnúsi Barðdal verkefnastjóra frá SSNV vinna nú að uppsetningu á nýstárlegri gróðurstöð til framleiðslu á skógarplöntum í Miðfirði í Húnaþingi vestra. Sagt er frá því á FB síðu SSNV að í tengslum við verkefnið hafi hópurinn farið til Svíþjóðar og Hollands á dögunum til að kynna sér aðrar sambærilegar gróðurstöðvar og skoða búnað frá framleiðendum. Verkefnið hefur verið í undirbúningi í um tvö ár og standa vonir til að framkvæmdir hefjist á árinu.Meira -
Skatastaðavirkjun í Skagafirði | Steinar Skarphéðinsson skrifar
feykir.is Skagafjörður, Aðsendar greinar 04.05.2024 kl. 14.07Skatastaðavirkjun er hugsuð til þess að virkja Austari Jökulsá í Skagafirði. Uppsett afl virkjunar er 156 MW, orkugeta 1090 GWh/ár. Til þess að svo megi verða þarf að skapa uppistöðulón á hálendinu í um 700 metra hæð yfir sjávarmáli. Þetta lón kæmi til með að verða um það bil 26,3 km2eða um það bil helmingi minna en Blöndulón. Öll aðrennslisgöng að og frá stöðvarhúsi eru fyrirhuguð neðanjarðar þannig að með góðum frágangi ættu ekki að verða mikil náttúruspjöll.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.