Ráðstefnan Hérna! Núna! á Blönduósi um helgina
Um næstu helgi verður ráðstefnan Hérna! Núna! haldin í gömlu kirkjunni á Blönduósi. Ráðstefnan er ætluð fyrir lista- og handverksmenn á Norðurlandi vestra og er markmið hennar að aðilar úr lista- og menningarsamfélaginu hittist, kynnist og geti sagt frá og sýnt list sína og að vekja athygli á þeirri vinnu sem unnin er á svæðinu á sviði lista og menningar. Verkefnið er styrkt af Uppbyggingasjóði SSNV og er unnið í samstarfi við Ferðamálafélag A-Hún.
Ráðstefnan hefst föstudaginn 27. apríl kl. 18:00 með listaspjalli þar sem þær Ragnheiður Björk Þórsdóttir, Jóhanna Pálmadóttir, Greta Clough og Melody Woodnutt verða með erindi en að því loknu tekur við dagskrárliður með lifandi hljóðlist frá Nesi listamiðstöð og kvikmynd eftir Tim Bruniges og Melody Woodnutt.
Ráðstefnunni verður svo framhaldið á laugardegi og meðal þess sem þá er á dagskránni er heimsókn á Þekkingarsetrið, kynningar listamanna á vinnu sinni og einnig verður opin sýning í Kvennaskólanum á Blönduósi á verkum listamanna frá Norðurlandi vestra og listamanna sem dvelja í textílmiðstöðinni.
Í kynningu á ráðstefnunni segir að tilgangurinn með Hérna! Núna! sé að styðja við skapandi anda og hjálpa þátttakendum að sjá hvað er um að vera á svæðinu .... Hérna og Núna! Í framhaldi af ráðstefnunni mun Melody Woodnutt gefa út litla bók sem ber einnig heitið Hérna! Núna! þar sem komið verður á framfæri litum, sköpun og listrænu lífi á Norðurlandi vestra. „Ég vona að samveran með ykkur á viðburðinum 27. og 28. apríl muni hjálpa mér með vinnslu á þessari litlu listamanna útgáfu – Ég er viss um að það er mikið af sögum og fólki sem þarf að kynna!“ segir Melody Woodnutt verkefnastjóri hjá Þekkingarsetrinu á Blönduósi í kynningartexta um ráðstefnuna.
Dagskrána á ráðstefnunni má nálgast á vef Þekkingarsetursins.
Fleiri fréttir
-
Jákvæður viðsnúningur hjá Húnaþingi vestra
feykir.is Vestur-Húnavatnssýsla 11.05.2024 kl. 00.55Húnahornið greinir frá því að Húnaþing vestra hafi í fyrra skilað 77,6 milljón króna rekstrarafgangi og er það umtalsvert betri niðurstaðan en fjárhagsáætlun ársins með viðaukum gerði ráð fyrir. Samkvæmt henni var gert ráð fyrir 86 milljón króna neikvæðri rekstrarniðurstöðu. Helsta skýringin er söluhagnaður rekstrarfjármuna sem nam 64,4 milljónum. Árið 2022 var rekstrarniðurstaða sveitarfélagsins neikvæð um 86 milljónir.Meira -
Bráðum verður hægt að hlaupa rathlaup í Húnabyggð
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 10.05.2024 kl. 14.03Um þessar mundir er verið að gera rathlaupakort í Húnabyggð og af því tilefni er boðið á námskeið í rathlaupum sunnudaginn 19. maí nk. kl.14-18.Meira -
Blönduósingurinn Eysteinn Pétur er nýr framkvæmdastjóri KSÍ
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla 10.05.2024 kl. 13.28Varnarjaxlinn ólseigi, Eysteinn Pétur Lárusson, Blönduósingur og Bliki síðustu árin, hefur verið ráðinn framkvæmdastjóri KSÍ en hann mun hefja störf 1. september 2024. Eysteinn Pétur kemur til KSÍ frá Breiðabliki þar sem hann var framkvæmdastjóri aðalstjórnar og áður knattspyrnudeildar félagsins í rúm 10 ár.Meira -
Emma Katrín Íslandsmeistari í 2. deildinni í badminton
feykir.is Skagafjörður, Íþróttir 10.05.2024 kl. 12.42Meistaramót Íslands í badminton fór fram í húsnæði Badmintonfélags Hafnarfjarðar við Strandgötuna í Hafnarfirði dagana 25.-27.apríl. Tindastóll sendi einn keppandi til leiks, Emmu Katrínu Helgadóttur en hún keppti í 2. deild, spilaði mjög vel og vann mótið sannfærandi án þess að tapa lotu. Hún vann þannig fyrsta Íslandsmeistaratitill Tindastóls í fullorðinsflokki í badminton.Meira -
Starfsfólk SSV heimsótti kollegana í SSNV
feykir.is Skagafjörður, Austur-Húnavatnssýsla, Vestur-Húnavatnssýsla, Mannlíf 10.05.2024 kl. 11.36Sagt er frá því á heimasíðu SSNV að starfsfólk frá Samtökum sveitarfélaga á Vesturlandi hafi heimsótt starfssystkini sín á Norðurlandi vestra nú í vikunni. „Við áttum tvo góða og skemmtilega daga saman þar sem við ræktuðum tengsl og ræddum saman um verkefni og áskoranir landshlutasamtaka,“ segir í fréttinni.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.