Takk pabbi
Hrefna Jóhannesdóttir, skógræktarbóndi á Silfrastöðum og sviðstjóri skógarþjónustu hjá Skógræktinni, féllst á að gera upp árið í Feyki. Hún situr einnig í sveitarstjórn Skagafjarðar og segir það vera afar gefandi og hvetjandi að umgangast gott og skemmtilegt fólk.
Hver er maður ársins? – Ég ætla að vera á persónulegu nótunum og segja pabbi. Hann hefur alltaf reynst mér vel en alveg sérstaklega í ár og fyrir það er ég afar þakklát. Takk pabbi.
Hver var uppgötvun ársins? – Kannski ekki beint uppgötvun ársins, en ég hélt áfram að kynnast nýju, hugmynda- og hæfileikaríku fólki. Það er afar gefandi og hvetjandi að umgangast gott og skemmtilegt fólk.
Hvað var lag ársins? – Get ekki hætt með AmMA.
Hvað gerðirðu ekki á árinu sem þú ætlaðir þér að gera? – Í vinnunni eru ótalmörg verkefni sem ég hélt að myndu taka styttri tíma eða vera einfaldari í framkvæmd. Ég stefni að því að klára þau á komandi ári. Við Johan ætluðum að ganga fyrir Heggstaðanesið en það er gott að eiga eitthvað að hlakka til. Og svo ætlaði ég að klára lopapeysuna sem ég byrjaði á en hún er enn á prjónunum. Gamla peysan fannst músétin í kjallaranum. Vonbrigði ársins: kötturinn Sorbus.
Hvers er eftirminnilegast frá árinu 2023? – Jarðhræringar á Reykjanesskaga og stríðsátök sem ekkert lát er á. Á jákvæðari nótunum þá ferðaðist ég bæði innanlands og utan með fjölskyldu minni og vinum. Það eru margar eftirminnilegar stundir frá líðandi ári sem munu fá sitt pláss í minningabankanum.
Hvaða þrjú orð lýsa árinu best – af hverju? Sorg, gleði og ný tækifæri. Sorgin og gleðin eru samrýmdar systur og í kjölfar þeirra gefast oft ný tækifæri.
Hverju viltu skella á brennuna og hvers vegna? – Það er ótal margt sem á heima á áramótabrennunni en ég ætla að vera smá leiðindapúki og segja flugeldar. Við eigum margar skemmtilegar áramótahefðir aðrar sem valda hvorki óþarfi streitu hjá dýrunum okkar né hafa neikvæð áhrif á heilsufar viðkvæmra eða umhverfið.
Hvað viltu sjá gerast árið 2024? – Án þess að gera lítið úr öðrum nauðsynlegum framkvæmdum í okkar góða samfélagi, þá myndi ég gleðjast óskaplega við að sjá framkvæmdir hefjast við byggingu nýs leikskóla í Varmahlíð.
Ég óska ykkur öllum farsældar á komandi ári!
Fleiri fréttir
-
Varmahlíðarskóli tryggði sér sæti í úrslitum Skólahreysti
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla 01.05.2024 kl. 01.27Fjórir skólar af Norðurlandi vestra tóku í gær þátt í sjöunda riðli Skólahreysti en keppnin fór fram í Höllinni á Akureyri. Það var lið Varmahlíðarskóla sem sigraði og tryggði sér þannig sæti í úrslitunum sem fram fara í Laugardalshöll síðar í maí. Þá varð Grunnskólinn austan Vatna í öðru sæti riðilsins. Áður hafði Grunnskóli Húnaþings vestra tryggt sig inn í úrslitin og það verða því tveir skólar af Norðurlandi vestra á meðal þeirra tólf skóla sem keppa til úrslita.Meira -
Hlaupið fyrir Einstök börn á morgun
feykir.is Skagafjörður, Mannlíf 30.04.2024 kl. 17.38Hlaupahópurinn 550 Rammvilltar blæs á ný til styrktarhlaups fyrir félagið Einstök börn þann 1. maí á Sauðárkróki en hlaupið hefst kl. 14:00. Veðurstofan spáir björtu veðri með dassi af norðanátt en er frekar sparsöm á hitastigin. Það stefnir því allt í upplagt hlaupaveður og engin afsökun að hanga heima.Meira -
Skemmdir á um 1500 fermetrum vallarins
feykir.is Skagafjörður, Íþróttir 30.04.2024 kl. 15.03Feykir.is birti í síðustu viku viðtal við Adam Smára Hermannsson, formann knattspyrnudeildar Tindastóls, sem sagði frá talsverðu tjóni sem varð á gervigrasvellinum glæsilega á Sauðárkróki í leysingum þann 20. apríl en þá fór völlurinn undir vatn. Í gær birtist frétt á vef Skagafjarðar þar sem greint var frá því að eftir athugun í liðinni viku liggi fyrir að skemmdir urðu á vellinum á um 1.500 fermetrum, þar af eru um 1.000 fermetrar illa farnir.Meira -
Loftslagsráðherrann og sveitarfélögin á Norðurlandi vestra | Sigurjón Þórðarson skrifar
feykir.is Skagafjörður, Aðsendar greinar 30.04.2024 kl. 15.02Núverandi umhverfisráðherra fer með himinskautum í endurskipulagi stofnana ráðuneytisins, þar sem rauði þráðurinn er að sjónarmið Samtaka atvinnulífsins ráði ferðinni í einu og öllu.Meira -
Samvinnurými á Skagaströnd hlaut 15 milljón króna styrk
feykir.is Austur-Húnavatnssýsla 30.04.2024 kl. 12.25SSNV og sveitarfélagið Skagaströnd hafa undirritað samning vegna 15 milljón króna styrks til að skapa samvinnurými á Skagaströnd. Í frétt á vef SSNV segir að markmiðið með verkefninu sé að skapa samvinnurými á Skagaströnd með því að standsetja og markaðssetja húsnæði í eigu sveitarfélagsins, skapa forsendur fyrir léttan iðnað í hluta hússins og aðstöðu fyrir frumkvöðla og minni fyrirtæki í öðrum hluta þess.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.