Það kennir margra grasa í Græna salnum í kvöld
Sumum finnst ekki vera jól á Sauðárkróki nema Jólamót Molduxa fari fram. Það má kannski segja að önnur hefð sé að skapast en það er tónleikahald í gömlu góðu Bifröst, milli jóla og nýárs, sem kallast Græni salurinn en þá stígur á stokk hópur sprækra tónlistarmanna úr héraði, bæði landsþekktir og minna þekktir, og skemmta sér og gestum með alls konar konfekti. Feykir tók aðeins stöðuna hjá Guðbrandi Ægi Ásbjörnssyni tónleikahaldara.
Er eitthvað að segja um tónleikana Græni salurinn? „Já, þetta verða fjölbreyttir tónleikar,“ svarar Ægir og tekur til að tíu atriði verði á sviðinu í Bifröst. „Gömul dansiballahljómsveit,Status, mætir á sviðið eftir áratuga hvíld og strýkur rykið af strengjunum. Reynir Snær mætir með nokkra landsþekta gítara og Dr Úlfar Ingi Har frændi hans smíðar nokkra þétta grunna. Danshljómsvt Dósa, Skólahljómsveitin, Ringbert, JESSS, Uncle blues, Tríó Pilla Prakkó, Naglasúpa og Kór, Skottubandið og Örvænting slást um hylli áhorfenda,“ segir Ægir léttur og bætir við að í hópi flytjenda megi finna tvíbura, bræður, feðgin, mæðgin, frændur, systkini og vini.
Það er því eiginlega stranglega bannað að missa af Græna salnum í kvöld. Tónleikarnir standa í þrjá tíma og 58 minútur, hefjast kl. 20:32 og lýkur því um hálf eitt ef öll plön standast. Aðgangseyrir er þúsund kall í seðlum en hraðbanki er í næsta húsi þannig að það ætti ekki að vera ves.
Fleiri fréttir
-
Sterk hreyfing – sterkt samfélag
feykir.is Austur-Húnavatnssýsla, Vestur-Húnavatnssýsla 01.05.2024 kl. 07.20Verkalýðsdagurinn verður haldinn hátíðlegur í Húnabyggð 1. maí undir yfirskriftinni Sterk hreyfing – sterkt samfélag. Kaffiveitingar verða að venju í Félagsheimilinu á Blönduósi og hefst dagskráin klukkan 15. Ræðumaður dagsins er Sigurey A. Ólafsdóttir, formaður Stéttarfélagsins Samstöðu.Meira -
Varmahlíðarskóli tryggði sér sæti í úrslitum Skólahreysti
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla 01.05.2024 kl. 01.27Fjórir skólar af Norðurlandi vestra tóku í gær þátt í sjöunda riðli Skólahreysti en keppnin fór fram í Höllinni á Akureyri. Það var lið Varmahlíðarskóla sem sigraði og tryggði sér þannig sæti í úrslitunum sem fram fara í Laugardalshöll síðar í maí. Þá varð Grunnskólinn austan Vatna í öðru sæti riðilsins. Áður hafði Grunnskóli Húnaþings vestra tryggt sig inn í úrslitin og það verða því tveir skólar af Norðurlandi vestra á meðal þeirra tólf skóla sem keppa til úrslita.Meira -
Hlaupið fyrir Einstök börn á morgun
feykir.is Skagafjörður, Mannlíf 30.04.2024 kl. 17.38Hlaupahópurinn 550 Rammvilltar blæs á ný til styrktarhlaups fyrir félagið Einstök börn þann 1. maí á Sauðárkróki en hlaupið hefst kl. 14:00. Veðurstofan spáir björtu veðri með dassi af norðanátt en er frekar sparsöm á hitastigin. Það stefnir því allt í upplagt hlaupaveður og engin afsökun að hanga heima.Meira -
Skemmdir á um 1500 fermetrum vallarins
feykir.is Skagafjörður, Íþróttir 30.04.2024 kl. 15.03Feykir.is birti í síðustu viku viðtal við Adam Smára Hermannsson, formann knattspyrnudeildar Tindastóls, sem sagði frá talsverðu tjóni sem varð á gervigrasvellinum glæsilega á Sauðárkróki í leysingum þann 20. apríl en þá fór völlurinn undir vatn. Í gær birtist frétt á vef Skagafjarðar þar sem greint var frá því að eftir athugun í liðinni viku liggi fyrir að skemmdir urðu á vellinum á um 1.500 fermetrum, þar af eru um 1.000 fermetrar illa farnir.Meira -
Loftslagsráðherrann og sveitarfélögin á Norðurlandi vestra | Sigurjón Þórðarson skrifar
feykir.is Skagafjörður, Aðsendar greinar 30.04.2024 kl. 15.02Núverandi umhverfisráðherra fer með himinskautum í endurskipulagi stofnana ráðuneytisins, þar sem rauði þráðurinn er að sjónarmið Samtaka atvinnulífsins ráði ferðinni í einu og öllu.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.