Er ég miðaldra? Áskorandinn Kristín Jóna Sigurðardóttir Blönduósi
Að mínu mati er ég lífsglöð, kát, ung manneskja. En á vafri mínu um netið nýlega rakst ég á grein í glamúrriti sem bar yfirskriftina „Tuttugu atriði sem benda til að þú ert orðin miðaldra“.
Þar er meðal annars talað um að þú sért miðaldra ef þú þarft að horfa yfir lesgleraugun (já, auðvitað farin að nota lesgleraugu), ef þú ferð fyrr í rúmið á kvöldin, ef það er orðið erfiðara að halda vigtinni í skefjum,ef þú þekkir ekki lengur vinsælustu lögin í útvarpinu, ef þú þolir ekki lengur háværa staði, ef þú stynur þegar að þú beygir þig og ef þú hugsar um að panta þér ferð í siglingu með skemmtiferðaskipi. Já, ef þetta er það sem segir til um hvort maður sé miðaldra, er ég það mjög líkleg.
En er það slæmt að vera miðaldra? Er það ekki einmitt mjög jákvætt að hafa fengið að lifa í nærri hálfa öld og upplifa allskonar, bæði gleði og sorg?
Það að hafa átt gott líf, þroskast og lært er gjöf. Ég hef upplifað margt og hef öðlast reynslu sem ég get miðlað til næstu kynslóða. Þrátt fyrir að aldurinn að aldurinn sé ekki mjög mikill þá ólst ég upp við aðrar aðstæður en kynslóðin sem nú er að alast upp.
Ég er fædd á síðasta fjórðungi síðustu aldar. Foreldrar mínir voru unglingar þegar að þau áttu mig og ákváðu snemma að ganga hvort sinn veginn. Ég ólst því upp hjá einstæðri móðir, en undir verndarvæng foreldra hennar. Ég fór í leikskóla og forskóla. Ég fékk nesti með mér í skólann í majonesdollu og mjólk í flösku. Ég var send í sveit þrjú sumur. Ég fór að vinna í fiski 14 ára gömul og ég flutti á heimavist 15 ára. Eftir það hef ég lítið búið í foreldrahúsum, þar sem ég var á heimavist, fór síðan til Reykjavíkur á nemendagarða og í leiguhúsnæði og flutti svo með þáverandi kærasta (núverandi eiginmanni) í sveit og síðar í bæ.
Ég er viss um að lífshlaup mitt sé talsvert öðruvísi en lífshlaup þeirra barna sem nú eru að alast upp verður. Ég hef alveg þurft að takast á við áskoranir en þær áskoranir sem börn og ungmenni mæta núna eru öðruvísi. Þar er það sennilega tækniþróun og hraði samfélagsins sem hefur mestu áhrifin.
En mikilvægustu gildi lífsins eru samt enn mikilvægasta nesti sem hægt er að gefa ungu fólki út í lífið. Gildi eins og þrautseigja, góðvild, vinnusemi, jákvæðni og umburðarlyndi eru enn mikilvæg og jafnvel enn mikilvægari nú en áður. Ég hvet því alla miðaldra einstaklinga (og aðra sem telja sig ekki alveg komna þangað) að miðla af reynslu sinni til sér yngri einstaklinga, því að við höfum reynsluna.
Svar mitt við spurningunni „er ég miðaldra?“ er já - og það er frábært.
Ég skora á Brynhildi Erlu Jakobsdóttur að skrifa næsta pistil.
Áður birst í 22. tbl. Feykis 2023
Fleiri fréttir
-
Lukkan í liði Selfyssinga þegar Kormákur/Hvöt laut í gras
feykir.is Austur-Húnavatnssýsla, Íþróttir, Vestur-Húnavatnssýsla 05.05.2024 kl. 18.30Lið Kormáks/Hvatar hóf leik í 2. deild Íslandsmótsins í knattspyrnu í gærdag en þá héldu Húnvetningar á Selfoss þar sem lið Selfoss beið þeirra. Gestirnir voru þéttir til baka og sköpuðu sér vænlegar stöður sem ekki nýttust en lið heimamanna fékk eitt gott færi og nýtti það. Lokatölur því 1-0 og nú krossa Húnvetningar fingur og treysta á að fall sé fararheill.Meira -
Allt frá sumarkaffi í Árskóla til súpermanna á hestbaki í Sæluvikunni
feykir.is Skagafjörður, Ljósmyndavefur, Listir og menning 05.05.2024 kl. 15.28Sæluvikunni lýkur í dag þó svo enn eigi eftir að frumsýna Sæluvikustykki Leikfélags Sauðárkróks af ástæðum sem ættu nú að vera flestum kunnar. Einn stærsti viðburður Sælunnar var í gærkvöldi en þá fór Tekið til kostanna fram í Svaðastaðahöllinni þar sem frábær hross og knapar létu ljós sín skína.Meira -
Keppt í tölti og flugskeiði á lokamóti Meistaradeildar KS
feykir.is Skagafjörður, Íþróttir, Hestar 05.05.2024 kl. 14.30Lokamót Meistaradeildar KS í hestaíþróttum var haldið sl. föstudagskvöld í boði Fóðurblöndunnar. Á þessu síðasta keppniskvöld deildarinnar var keppt í tölti og skeiði en kvöldið hófst á forkeppni í Tölti T1. Það voru þeir félagar, villiköttur Hrímnis-Hestkletts, Páll Bragi Hólmarsson og Vísir frá Kagaðarhóli, sem stóðu uppi sem sigurvegarar í tölti með einkunnina 8.83. Agnar Þór Magnússon og Stirnir frá Laugavöllum reyndust fremstir í flokk í flugskeiðinu.Meira -
Undirbúningur að uppsetningu á nýstárlegri gróðurstöð í Miðfirði í fullum gangi
feykir.is Vestur-Húnavatnssýsla 05.05.2024 kl. 10.29Fulltrúar frá Skógarplöntum ehf. ásamt Magnúsi Barðdal verkefnastjóra frá SSNV vinna nú að uppsetningu á nýstárlegri gróðurstöð til framleiðslu á skógarplöntum í Miðfirði í Húnaþingi vestra. Sagt er frá því á FB síðu SSNV að í tengslum við verkefnið hafi hópurinn farið til Svíþjóðar og Hollands á dögunum til að kynna sér aðrar sambærilegar gróðurstöðvar og skoða búnað frá framleiðendum. Verkefnið hefur verið í undirbúningi í um tvö ár og standa vonir til að framkvæmdir hefjist á árinu.Meira -
Skatastaðavirkjun í Skagafirði | Steinar Skarphéðinsson skrifar
feykir.is Skagafjörður, Aðsendar greinar 04.05.2024 kl. 14.07Skatastaðavirkjun er hugsuð til þess að virkja Austari Jökulsá í Skagafirði. Uppsett afl virkjunar er 156 MW, orkugeta 1090 GWh/ár. Til þess að svo megi verða þarf að skapa uppistöðulón á hálendinu í um 700 metra hæð yfir sjávarmáli. Þetta lón kæmi til með að verða um það bil 26,3 km2eða um það bil helmingi minna en Blöndulón. Öll aðrennslisgöng að og frá stöðvarhúsi eru fyrirhuguð neðanjarðar þannig að með góðum frágangi ættu ekki að verða mikil náttúruspjöll.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.