Matgæðingur vikunnar - kjúklingabringur og banana - döðlubrauð

feykir.is Skagafjörður, Austur-Húnavatnssýsla, Vestur-Húnavatnssýsla, Í matinn er þetta helst 06.01.2022 kl. 09.10 siggag@nyprent.is

Matgæðingurinn í fyrsta tbl. ársins er Erna María Jensdóttir, frá Gili í Skagafirði, sem býr ásamt eiginmanni sínum og þrem börnum í Keflavík.
Erna er önnum kafin þessa dagana því hún er á lokametrunum í mastersnámi í Nýsköpun og viðskiptaþróun við Háskóla Íslands.

Erna endaði svo eitt skólaverkefnið sitt á því að ráða sig til starfa hjá vaxandi sportafyrirtæki á Suðurnesjunum, Geosilica og hefur því eldamennskan fengið minni tíma hjá henni. Erna var hins vegar svo heppin að eignast, í sumar, hinn vinsæla Airfryer og hefur hann hjálpað mikið til við matreiðslu heimilisins og mælir hún með því að prufa að steikja kjúklinginn í meðfylgjandi uppskrift í slíkum potti fyrir þá sem eiga.

AÐALRÉTTUR
Fylltar kjúklingabringur
með sveppasósu

    4 kjúklingabringur (vasi skorinn í hverja bringu)
    kjúklingakrydd eftir smekk

Fylling:
    1-2 hvítlauksgeirar
    ½ poki ferskt spínat
    100 g ricottaostur eða rjómaostur
    5-6 msk. saxað ferskt basil
    ½ msk. rifinn börkur af sítrónu
    2 msk. kúskús (eldað)
    2 msk. brauðmylsna

Aðferð: Steikið hvítlaukinn við vægan hita þar til hann fer að mýkjast, bætið þá spínatinu á pönnuna og steikið áfram á vægum hita í nokkrar mínútur. Restinni er svo bætt við og hrært vel saman og smakkað til með salti og pipar. Því næst er fyllingin sett í vasana sem síðan er lokað með nokkrum tannstönglum. Bringurnar eru steiktar í 2-3 mínútur. á hvorri hlið áður en þær eru eldaðar í ofni við um 180°C í u.þ.b. 20 mínútur.

Sveppasósa:
    250 g ferskir sveppir
    1 tsk. kjúklingakrydd
    1-2 dl matreiðslurjómi
    kjúklingasoð (1/2 -1 teningur)
    sósujafnari

Aðferð: Sveppirnir eru steiktir upp úr smjöri þar til þeir hafa náð góðum lit, restinni er síðan bætt út í og látið sjóða við vægan hita í u.þ.b. 10 mínútur. Gott að bera fram með fersku salati og steiktu rótargrænmeti. 

EFTIRRÉTTUR
Banana-döðlubrauð í hollari kantinum
    1 bolli hveiti
    1 bolli haframjöl
    2 tsk. lyftiduft
    1 tsk. matarsódi
    ¼ tsk. salt
    1-1½ tsk. kanill
    2-3 vel þroskaðir bananar (og vel stappaðir)
    1 egg
    8 fínt saxaðar döðlur u.þ.b.
    1/2-1 dl mjólk (fer eftir magninu af bönununum)

Aðferð: Blandið þurrefnum saman í skál. Bætið bönunum, eggi og döðlum saman við. Hrærið varlega saman og setjið í eitt stórt brauðform, eða tvö minni. Munið að smyrja formin áður eða notið bökunarpappír. Bakið í ofni við 180-200°C í u.þ.b. 40 mínútur.

Verði ykkur að góðu!

Erna María skorar á frænku sína, Söndru Gestsdóttur, að taka við matgæðingaþættinum. 

Til baka

Athugasemdir eru á ábyrgð þeirra sem þær skrá.

Feykir áskilur sér þó rétt til að eyða ummælum sem metin verða sem ærumeiðandi eða ósæmileg.

Smelltu hér til að tilkynna óviðeigandi athugasemdir.

Fleiri fréttir

  • Óli Björn Kárason, ræðumaður Kirkjukvölds í Sæluviku 2024. MYND: VALGEIR KÁRA

    Hugvekja í Sauðárkrókskirkju 29. apríl 2024 | Óli Björn Kárason skrifar

    feykir.is Skagafjörður, Listir og menning, Mannlíf 06.05.2024 kl. 16.48 oli@feykir.is
    Kirkjukvöld Kirkjukórs Sauðárkróks er fastur liður í Sæluviku. Þar er eðlilega mikið sungið og vel vandað til. Þá er jafnan fenginn ræðumaður til að brjóta upp söngskemmtunina og oftar en ekki eru sóttir til verksins brottfluttir Skagfirðingar. Og þá er ekki ólíklegt að rifjaðir séu upp sögur frá eldri tímum. Að þessu sinni var það Óli Björn Kárason, þingmaður og blaðamaður, sem kveikt upp minningabál meðal kirkjugesta.
    Meira

  • Hjólað í vinnuna

    feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 06.05.2024 kl. 15.10 gunnhildur@feykir.is
    Hjólað í vinnuna 2024 fer fram 8. - 28. maí. Skráning er nú þegar hafin og hægt er að skrá sig á hjoladivinnuna.is
    Meira
  • Séð yfir byggingarsvæðið og Blönduós. MYND: HÖSKULDUR BIRKIR ERLINGSSON

    Framkvæmdir hafnar við Flúðabakka á Blönduósi

    feykir.is Austur-Húnavatnssýsla 06.05.2024 kl. 10.01 oli@feykir.is
    Framkvæmdir eru hafnar við byggingu sex íbúða raðhúss við Flúðabakka á Blönduósi. Samkvæmt frétt Húnahornsins er stefnt að því að íbúðirnar verði tilbúnar í haust en þær munu hugsaðar fyrir fólk eldra en 60 ára .
    Meira
  • Mette Mannseth bar sigur úr býtum í Meistaradeildinni í vetur og hér sést hún fagna sigrinum innilega. Lengst til vinstri er Þórarinn Eymundsson sem varð annar og til hægr Gunnar Hólm Líndal. MYND: LÍNAIMAGES

    Mette Mannseth var sigurvegari Meistaradeildar KS 2024

    feykir.is Skagafjörður, Íþróttir, Hestar 06.05.2024 kl. 08.45 oli@feykir.is
    Skemmtilegu tímabili Meistaradeildar KS 2024 er nú lokið en síðasta mót tímabilsins fór fram sl. föstudagskvöld þegar keppt var í tölti og flugskeiði. Í einstaklingskeppni Meistaradeildar KS var það Mette Mannseth sem fór með sigur af hólmi en hún hélt forystu allt tímabilið og endaði með 172 stig. Þá var það lið Hrímnis - Hestkletts sem sigraði í liðakeppni Meistaradeildar KS 2024 með 443.5 stig.
    Meira

  • Neytendasamtökin efna til samtals á Kaffi Krók í hádeginu

    feykir.is Skagafjörður, Austur-Húnavatnssýsla, Vestur-Húnavatnssýsla 06.05.2024 kl. 08.30 oli@feykir.is
    Neytendasamtökin efna til samtals um neytendamál við neytendur og sveitarstjórnir vítt og breitt um landið. Samtökin kynna sér helstu mál sem brenna á fólki á landsbyggðinni og segja frá baráttumálum sínum og þann ávinning sem sterkur hagur neytenda færir fólki, fyrirtækjum og samfélaginu öllu. Í hádeginu í dag heimsækja samtökin Sauðárkrók en fundað verður á Kaffi Krók og hefst fundurinn kl. 12.
    Meira
Yfirlit frétta