Töluverð hætta á snjóflóðum á Tröllaskaga
Í tilkynningu á vef Björgunarsveitarinnar Grettis á Hofsósi er sagt að það sé varasamt að fara um Tröllaskagann núna. Ástæðan er snjóflóðahætta en um hádegisbilið í gær féll 240 metra breitt flóð í Deildardal, austan Hofsóss, skammt frá bænum Kambi. Féll það yfir veginn, ána og brúna.
Þar kemur einnig fram að snjóflóð hafi fallið í Kolbeinsdal framan við Smiðsgerði.
Samkvæmt snjóflóðaspá Veðurstofunnar þá er talin töluverð hætta á snjóflóðum á utanverðum Tröllaskaga en varasamar aðstæður eru til fjalla. Spáin gildir fram að helgi. Deildardalur og Kolbeinsdalur eru reyndar ekki á utanverðum Tröllaskaga en svæðið virðist afmarkast af vestur Fljótum í vestri og innfyrir Dalvík í austri. Sjá mynd >
„Talsvert búið að snjóa inn til dala í NA-strekkingi um páskana en minna á annesjum og vindflekar í flestum viðhorfum. Vonskuveður á páskadag, hvöss NNA-átt með mikilli úrkomu um tíma og nokkur flekahlaup féllu,“ segir á síðu Veðurstofunnar. Sum þeirra snjóflóða sem fallið hafa síðustu daga hafa farið af stað af völdum vélsleða og skíðamanna. Það er því full ástæða til að fara varlega.
Þess má geta að hættustig Veðurstofunnar eru fimm; lítil hætta, nokkur hætta, töluverð hætta, mikil hætta og loks mjög mikil hætta. Á utanverðum Tröllaskaga er töluverð hætta á snjóflóðum eins og áður kom fram í fréttinni.
Fleiri fréttir
-
Húni er mættur á svæðið í 45. sinn
feykir.is Vestur-Húnavatnssýsla, Listir og menning 09.05.2024 kl. 14.40Út er komið ársrit Ungmennasambands Vestur-Húnvetninga, Húni, en þettu mun vera 45. árgangur ritsins. Í Húna eru birtar fréttir síðasta árs úr öllum „gömlu sveitarfélögunum“ sem mynda Húnaþing vestra og minnst þeirra sem létust á síðasta ári á svæðinu. Einnig eru í ritinu frásagnir, ljóð og annar fróðleikur úr héraði.Meira -
Hagnaður ársins 2023 hjá KS var 5,5 milljarðar króna
feykir.is Skagafjörður 09.05.2024 kl. 10.02Aðalfundur Kaupfélags Skagfirðinga var haldinn í Menningarhúsinu Miðgarði í Varmahlíð þriðjudaginn 23. apríl. Á áttunda tug manna sátu fundinn en kjörnir fulltrúar voru eitthvað á sjötta tuginn auk starfsmanna og gesta. Ekki lágu stórar ákvarðanir fyrir fundinum en fram kom að KS skilaði 5,5 milljarða króna hagnaði árið 2023 en eignir kaupfélagsins voru bókfærðar á 88,6 milljarða í árslok 2023 og eigið fé nam 58,6 milljörðum.Meira -
Í syngjandi sveiflu – ennþá og að eilífu
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir, Lokað efni 09.05.2024 kl. 09.00Sveiflukóngurinn 80 ára var titillinn á stórtónleikum með lögum eftir Geirmund Valtýsson sem haldnir voru í Eldborgarsal Hörpu 6. apríl síðastliðinn. Geirmundur varð síðan 80 ára þann 13. apríl en ferill Geirmundar spannar töluvert fleiri áratugi en blaðamaður hefur verið til. Í tilefni af öllu þessu var ekki annað hægt en að hitta Geirmund og spjalla við kappann um ferilinn, lífið og Hörpu. Verslunarmannahelgarböllin, þar sem voru 700 manns á föstudegi, 1.000 manns á laugardegi og aftur 700 á sunnudegi, voru frábær og svo voru seldir 1.700 miðar í Miðgarð Landsmótshelgina 1971. Það var svo mikil traffík á böllunum frá 1974-1980. Þetta er tíminn sem stendur upp úr hjá Geirmundi en þó rifjast margt skemmtilegt upp frá ferlinum sem einhver ykkar hafa kannski heyrt eða lesið áður en aldrei er góð vísa of oft kveðin.Meira -
Rusl plokkað um allan Skagafjörð
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 08.05.2024 kl. 15.35Umhverfisdagur Fisk Seafood var laugardaginn 4. maí sl. og hefur aðsóknin aldrei verið meiri. Fjöldi fólks plokkaði rusl um allan Skagafjörð og var ræst til verks á slaginu tíu.Meira -
Helgi stoltur af öllum stelpunum
feykir.is Skagafjörður, Íþróttir 08.05.2024 kl. 12.11„Ég veit ekki með lukku en það munaði allavega ótrúlega mjóu í síðustu tveimur leikjum að sigurinn hefði verið okkar,“ sagði Helgi þjálfari Margeirsson þegar Feykir spurði hann hvort það hefði bara verið lukkan sem réð úrslitum í viðureign Tindastóls og Aþenu í gærkvöldi. Aþena hafði betur eftir hnífjafnan leik og tryggði sér því sæti í Subway-deildinni, sigraði einvígi liðanna 3-1.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.