Dýrið og Blíða :: Þorgerður Þóra Hlynsdóttir skrifar
Eftir níu ára hlé setti Leikfélag Blönduóss upp leikritið Dýrið og Blíða eftir Nicholas Stuart Gray. Sigurður Líndal leikstýrði verkinu. Að þessu sinni var leikhópurinn bæði ungur og óreyndur. En það var hvorki að sjá né heyra. En byrjum á byrjuninni.
Þegar ég kom inn í salinn leið mér eins og ég hafi opnað fallega ævintýrabók og lent á fallegustu blaðsíðunni. Sviðsmyndin var hreint út sagt listaverk. Hvert einasta smáatriði var upp á 10,5. Litirnir og öll umgjörðin sveipuðu gamla sviðið ævintýraljóma. Svo hófst leikurinn. Nornin Gala lék stórt hlutverk og gerði það með glæsibrag. Minnti mig stundum á Soffíu frænku í Kardimommubænum. Doddi litli dreki var algjörlega frábær og talaði bæði hátt og skýrt. Hann var svo sannfærandi að ég trúði því af heilum hug að hann hefði raunverulega getað flogið. Frú Klemma og synir hennar Jens og Jakob kitluðu hláturtaugarnar og það hefði ekki verið hægt að velja betur í hlutverkin. Það sama má segja um Blíðu. Það geislaði af henni góðmennskan. Skuggarnir tveir gerðu það að verkum að aldrei var dauður punktur í sýningunni. Þeir læddust um sviðið með mjúkar hreyfingar eins og kettir, voru hrekkjóttir, skemmtilegir og gáfu hananum rödd sem seint gleymist. Haninn var sumsé leikbrúða, en hefði alveg getað verið fenginn að láni frá næsta bæ. Síðastur en alls ekki sá sísti var Dýrið/prinsinn. Hann sýndi stórleik. Manni hefði ekki dottið í huga annað en að hann hefði verið fenginn að láni úr Þjóðleikhúsinu. Hann skipti um ham í orðsins fyllstu merkingu og ég trúi ekki öðru en að hann eigi eftir að sýna landsmönnum hvað í honum býr.
Það má með sanni segja að leikstjórinn hafi náð því allra besta fram í hverju einasta leikara. Það hefði ekki verið hægt að velja betur í hlutverkin. Hver einasti leikari fékk hlutverk sem var eins og það hefði verið skrifað með akkúrat þau í huga. Það er varla hægt að setja út á nokkurn skapaðan hlut nema stundum hefði mátt heyrast aðeins hærra í sumum leikurum. En annars stórkostlegt leikrit með framúrskarandi leikurum sem ég væri alveg til í að sjá aftur.
Leikfélag Blönduóss, takk kærlega fyrir mig!
Þorgerður Þóra Hlynsdóttir
Fleiri fréttir
-
Rusl plokkað um allan Skagafjörð
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 08.05.2024 kl. 15.35Umhverfisdagur Fisk Seafood var laugardaginn 4. maí sl. og hefur aðsóknin aldrei verið meiri. Fjöldi fólks plokkaði rusl um allan Skagafjörð og var ræst til verks á slaginu tíu.Meira -
Helgi stoltur af öllum stelpunum
feykir.is Skagafjörður, Íþróttir 08.05.2024 kl. 12.11„Ég veit ekki með lukku en það munaði allavega ótrúlega mjóu í síðustu tveimur leikjum að sigurinn hefði verið okkar,“ sagði Helgi þjálfari Margeirsson þegar Feykir spurði hann hvort það hefði bara verið lukkan sem réð úrslitum í viðureign Tindastóls og Aþenu í gærkvöldi. Aþena hafði betur eftir hnífjafnan leik og tryggði sér því sæti í Subway-deildinni, sigraði einvígi liðanna 3-1.Meira -
Skagstrendingar plokka á uppstigningardag
feykir.is Austur-Húnavatnssýsla, Mannlíf 08.05.2024 kl. 11.48Fimmtudaginn 9. maí, á sjálfan uppstigningardag, stendur Sveitarfélagið Skagaströnd fyrir umhverfis- og plokkdegi. Því eru íbúar hvattir til þess að stökkva út í sumarið og plokka rusl á opnum svæðum í sveitarfélaginu og fegra sitt helsta nærumhverfi.Meira -
Draumur Stólastúlkna varð ekki að veruleika þetta vorið
feykir.is Skagafjörður, Íþróttir 08.05.2024 kl. 09.43Draumur Stólastúlkna um sæti í Subway-deildinni í haust rættist ekki þetta vorið en mikið óskaplega voru þessir síðustu þrír leikir gegn liði Aþenu spennandi. Fjórði leikur liðanna fór fram í Síkinu í gærkvöldi og lið Tindastóls varð að næla í sigur til að tryggja sér oddaleik. Leikurinn var hnífjafn – þá erum við að tala um að hann var HNÍFJAFN allan tímann – og staðan til dæmis 72-72 þegar tvær mínútur voru til leiksloka. Eins og í þriðja leiknum reyndist Sianni Martin það sem skildi á milli á lokasekúndunum og lið Aþenu gerði fimm síðustu stig leiksins. Lokatölur 72-77 og Aþena vann þar með einvígið 3-1.Meira -
Leikjum ýmist frestað eða þeir færðir til
feykir.is Skagafjörður, Íþróttir 08.05.2024 kl. 09.04Sauðárkróksvöllur er í lamasessi líkt og flestum ætti að vera kunnugt. Meistaraflokkur karla hjá Tindastóli átti að hefja keppni í 4. deild í kvöld og spila heima gegn liði Skallagríms. Leiknum hefur hins vegar verið frestað og færður aftur í júníbyrjun. Þá átti Bestu deildar lið Tindastóls að spila við Fylki á Króknum á morgun, fimmtudag, en sá leikur verður spilaður á Akureyri.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.