Pétur Rúnar með á móti Finnum í kvöld
Pétur Rúnar Birgisson, leikmaður Tindastóls, er í liði Íslands sem mætir Finnum í dag í fyrri leik íslenska karlalandsliðsins í undankeppni HM 2019 í körfubolta. Leikurinn hefst kl. 19:45 í Laugardalshöllinni og verður hann sýndur beint á RÚV2. Á vef KKÍ segir að von sé á góðri stemmningu á leiknum og miklum stuðningi við íslenska liðið sem er eins gott því 50 finnskir áhorfendur eru komnir til landsins til að styðja við bakið á sínu liði í Höllinni.
Fram kemur á kki.is að Craig Pedersen og aðstoðarþjálfarar hans, Arnar Guðjónsson og Finnur Freyr Stefánsson, geti mögulega breytt liðinu eitthvað fyrir seinni leikinn gegn Tékklandi sem fram fer á sunnudaginn kl. 16:00. Miðasala er í fullum gangi á Tix.is og eru áhugasamir hvattir til að fjölmenna í Höllina.
Þeir tólf leikmenn sem leika gegn Finnlandi eru eftirfarandi:
1 Martin Hermannsson Chalon Reims, Frakkland
6 Jakob Örn Sigurðarson Boras Basket, Svíþjóð
7 Pétur Rúnar Birgisson Tindastóll
8 Hlynur Bæringsson Stjarnan
9 Jón Arnór Stefánsson KR 1982
13 Hörður Axel Vilhjálmsson Keflavík
14 Logi Gunnarsson Njarðvík
15 Pavel Ermolinskij KR
19 Kristófer Acox KR
21 Ólafur Ólafsson Grindavík
24 Haukur Helgi Pálsson Briem Cholet Basket, Frakkland
34 Tryggvi Snær Hlinason Valencia, Spánn
Fleiri fréttir
-
Helgi stoltur af öllum stelpunum
feykir.is Skagafjörður, Íþróttir 08.05.2024 kl. 12.11„Ég veit ekki með lukku en það munaði allavega ótrúlega mjóu í síðustu tveimur leikjum að sigurinn hefði verið okkar,“ sagði Helgi þjálfari Margeirsson þegar Feykir spurði hann hvort það hefði bara verið lukkan sem réð úrslitum í viðureign Tindastóls og Aþenu í gærkvöldi. Aþena hafði betur eftir hnífjafnan leik og tryggði sér því sæti í Subway-deildinni, sigraði einvígi liðanna 3-1.Meira -
Skagstrendingar plokka á uppstigningardag
feykir.is Austur-Húnavatnssýsla, Mannlíf 08.05.2024 kl. 11.48Fimmtudaginn 9. maí, á sjálfan uppstigningardag, stendur Sveitarfélagið Skagaströnd fyrir umhverfis- og plokkdegi. Því eru íbúar hvattir til þess að stökkva út í sumarið og plokka rusl á opnum svæðum í sveitarfélaginu og fegra sitt helsta nærumhverfi.Meira -
Draumur Stólastúlkna varð ekki að veruleika þetta vorið
feykir.is Skagafjörður, Íþróttir 08.05.2024 kl. 09.43Draumur Stólastúlkna um sæti í Subway-deildinni í haust rættist ekki þetta vorið en mikið óskaplega voru þessir síðustu þrír leikir gegn liði Aþenu spennandi. Fjórði leikur liðanna fór fram í Síkinu í gærkvöldi og lið Tindastóls varð að næla í sigur til að tryggja sér oddaleik. Leikurinn var hnífjafn – þá erum við að tala um að hann var HNÍFJAFN allan tímann – og staðan til dæmis 72-72 þegar tvær mínútur voru til leiksloka. Eins og í þriðja leiknum reyndist Sianni Martin það sem skildi á milli á lokasekúndunum og lið Aþenu gerði fimm síðustu stig leiksins. Lokatölur 72-77 og Aþena vann þar með einvígið 3-1.Meira -
Leikjum ýmist frestað eða þeir færðir til
feykir.is Skagafjörður, Íþróttir 08.05.2024 kl. 09.04Sauðárkróksvöllur er í lamasessi líkt og flestum ætti að vera kunnugt. Meistaraflokkur karla hjá Tindastóli átti að hefja keppni í 4. deild í kvöld og spila heima gegn liði Skallagríms. Leiknum hefur hins vegar verið frestað og færður aftur í júníbyrjun. Þá átti Bestu deildar lið Tindastóls að spila við Fylki á Króknum á morgun, fimmtudag, en sá leikur verður spilaður á Akureyri.Meira -
Blanda og Svartá til leigu frá og með sumrinu 2025
feykir.is Austur-Húnavatnssýsla 07.05.2024 kl. 19.52Húnahornið greinir frá því að laxveiðiárnar Blanda og Svartá hafi verið auglýstar til leigu frá og með sumrinu 2025. Einkahlutafélagið Starir er með vatnasvæðið á leigu í dag en núgildandi leigusamningur rennur út í haust. Því óskar Veiðifélag Blöndu og Svartár eftir tilboðum í leigu eða umboðssölu á öllum veiðirétti félagsins í laxveiðiánum frá og með sumrinu 2025 til og með 2029 með almennu útboði.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.