Fræðsluviðburðir um sniglarækt
Eimur hefur hrundið af stað verkefninu „Sniglarækt, sjálfbær nýting glatvarma“, sem hefur það meginmarkmið að kynna og innleiða sniglarækt sem raunhæfan, sjálfbæran og nýskapandi valkost fyrir bændur, frumkvöðla og aðra áhugasama um sjálfbæra nýsköpun í landbúnaði á Íslandi.
Sniglar hafa reynst arðbær atvinnugrein víða í Evrópu, þar sem þeir eru eftirsóttir sem lúxusmatvara. Auk þess bjóða þeir upp á fjölbreytta möguleika til nýtingar; afurðir úr sniglum geta nýst sem hágæða próteinfóður fyrir fiskeldi, slím þeirra er eftirsótt innihaldsefni í snyrtivörur og skeljar þeirra má mala og nýta í áburð.
Fræðsluviðburðir í október
Fyrsti hluti verkefnisins felur í sér opna fræðsluviðburði á Norðurlandi, þar sem sérfræðingurinn og sniglabóndinn Peter Monaghan frá írsku sniglaræktinni Inis Escargot og Sigurður Líndal hjá Eimi munu kynna aðferðir og tækni til sniglaræktunar sem henta íslenskum aðstæðum.
Á fundunum verður meðal annars farið yfir:
- Sniglar sem lúxusmatvara á alþjóðamarkaði.
- Hvernig hægt er að nýta glatvarma úr hitaveitulögnum til arðbærrar sniglaframleiðslu.
- Nýting á afurðum snigla í fiskeldi, snyrtivörur og áburð.
- Tækifæri til fjölbreyttari atvinnusköpunar í dreifbýli.
Fræðsluviðburðir um sniglarækt verða haldnir á eftirfarandi tímum og stöðum:
14. október kl. 12:00 – 16:00 · Hlaðan, Hvammstangi.
15. október kl. 17:00 – 21:00 · 1238 safnið, Sauðárkrókur.
16. október kl. 10:00 - 14:00 · Sel Hótel, Þingeyjarsveit.
16. október kl. 16:00 – 18:00 · Drift EA, Akureyri.
Skráning er nauðsynleg: https://www.eimur.is/sniglarvidburdur
Viðburðirnir eru sérstaklega ætlaðir bændum, frumkvöðlum og öllum þeim sem hafa áhuga á sjálfbærri nýsköpun í landbúnaði. Skráning og þátttaka á fræðsluviðburðum er ókeypis. Boðið verður upp á léttar veitingar á viðburðunum.
Fleiri fréttir
-
Landsmót Samfés á Blönduósi gekk framar öllum vonum
feykir.is Austur-Húnavatnssýsla, Mannlíf, Lokað efni 08.10.2025 kl. 09.00Mikið var um að vera á Blönduósi sl. helgi þegar Landsmót Samfés var haldið. Þetta var ekki fyrsta landsmót Samfés sem haldið er á Blönduósi því fyrsta landsmótið fór fram þar árið 1990. Að sögn Kristínar Ingibjargar Lárusdóttur, menningar-, Íþrótta-, og tómstundafulltrúa Húnabyggðar, var stemningin frábær og mikið líf og fjör í bænum alla helgina.Meira -
Spáð vonskuveðri á Öxnadalsheiði í kvöld
feykir.is Skagafjörður, Austur-Húnavatnssýsla, Vestur-Húnavatnssýsla 08.10.2025 kl. 08.33Kröpp lægð gengur nú yfir landið og gulum veðurviðvörunum hefur verið skellt á sunnan- og vestanvert landið þar sem reiknað er með að vindur verði snarpari en hér norðanlands. Engu að síður er gert ráð fyrir roki og rigningu hér á Norðurlandi vestra þó reikna megi með að Skagfirðingar fái heldur meira af bleytunni en Húnvetningar.Meira -
Aukatónleikar Jólin Heima komnir í sölu
feykir.is Skagafjörður, Listir og menning 07.10.2025 kl. 15.51Uppselt er orðið á kvöldtónleika Jólin Heima sem fram fara þann 6. desember í Menningarhúsinu Miðgarði í Varmahlíð. Tónleikahaldarar hafa því dottið niður á þá snilldarhugmynd að bæta við aukatónleikum og hefjast þeir kl. 17:00 og að sjálfsögðu verður sama sjóið í boði á aukasýningunni – full keyrsla og allir í jólastuði!Meira -
IÐNAÐARSÝNINGIN 2025 í Laugardalshöll
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 07.10.2025 kl. 11.02Dagana 9. til 11. október verður IÐNAÐARSÝNINGIN 2025 haldin í Laugardalshöll. Iðnaður á Íslandi er afar fjölþættur og skapar um 41% útflutningstekna þjóðarinnar. IÐNAÐARSÝNINGIN 2025 endurspeglar þessa breidd og verður hún með stærri sýningum hér á landi en á annað hundrað fyrirtæki kynna vörur og þjónustu.Meira
