V-Húnavatnssýsla

Hrekkjavökuballið mikla fór fram á Hofsósi síðastliðið föstudagskvöld. Alls konar lið dreif að víða af Norðurlandi þó krakkar af Norðurlandi vestra væru í meirihluta. Ballið var liður í Skúnaskralli, barnamenningarhátíð Norðurlands vestra, og þegar Feykir spurði Konráð Frey Sigurðsson hjá Félagsmiðstöðinni Friði í Skagafirði hvernig til hefði tekist á Hofsósi var svarið: „Algjörlega frábærlega!“

Nokkuð kröpp lægð röltir nú yfir landið og má reikna með talsverðum vindi hér á Norðurlandi vestra. Ekki eru neinar veðurviðvaranir í boði í dag frá Veðurstofunni enda er hlýtt, um tíu stiga hiti, og lítil eða engin úrkoma í kortunum. Þegar þessi frétt er skrifuð er bálhvasst við Stafá en þar er vindur 24 m/sek og slær í 40! Það kólnar aðeins þegar líður á daginn og dregur úr vindi.

Miðvikudaginn 4. nóvember verður heldur betur líf og fjör í Félagsheimilinu á Blönduósi en þá fer fram hrekkjavökuball fyrir nemendur í 5.–7. bekk af öllu Norðurlandi vestra. „Þetta er í fyrsta sinn sem sameiginlegt ball er haldið fyrir miðstig í landshlutanum og er von á yfir 200 krökkum,“ sagði Kristín Ingibjörg Lárusdóttir þegar Feykir spurðist fyrir um hrekkjavökuball á Blönduósi.

Áfram heldur Feykir að yfirheyra nemendur FNV og nú er það Halldór Stefánsson sem verður fyrir svörum. „Pabbi minn heitir Stefán og er bóndi og smiður og mamma mín heitir Ólöf og er þjálfari hjá Smára og starfsmaður HSN,“ segir Halldór sem hefur alla tíð búið á Þverá í Blönduhlíðinni. „Ég á fjögur systkini, tvær eldri systur sem heita Amalía og Freyja og yngri systur sem heitir Lilja og einn yngri bróðir sem heitir Haraldur.“

Matgæðingur vikunnar í tbl. 26 var Ólafur Már Sigurbjartsson en það var Patrekur Óli frá Hvammstanga sem skoraði á hann. Ólafur er fæddur og uppalinn á Hvammstanga, fæddur á því herransári 2001 og vinnur í búvöruversluninni hjá Kaupfélagi Vestur Húnvetninga. Hann er einnig sjálfboðaliði fyrir Björgunarsveitina Húnar á svæðinu og er einn af þeim eldhugum sem hefur verið í skipulagsnefnd fyrir bæjarhátíðina Eldur í Húnaþingi sem var haldin 20. – 26. júlí sl. 

Vakin er athygli á stofnfundi samtakanna Björgum Kristnesspítala, sem haldinn verður sunnudaginn 1. nóvember kl. 17 á Hælinu, setri um sögu berklanna á Kristnesi. Tilefni stofnunar samtakanna er fyrirhuguð lok endurhæfingar á Kristnesi og vaxandi áhyggjur af framtíð þessarar mikilvægu heilbrigðisþjónustu.

Samtök sveitarfélaga á Norðurlandi vestra (SSNV) og Orkusamfélag Steingerðar auglýsa eftir öflugum verkefnastjóra í fjölbreytt og spennandi starf. Um er að ræða 100% starf sem skiptist til helminga milli byggðaþróunarverkefna SSNV og Evrópuverkefnisins DEPLOY-PED, sem Orkusamfélag Steingerðar tekur þátt í.

Það eru margir – bæði ungir og aldnir – farnir að láta sig hlakka til Hrekkjavökunnar sem er einmitt núna á laugardaginn. Hrekkjavakan er árlegur viðburður sem ávallt ber upp þann 31. október. Vakan á rætur að rekja til fornrar keltneskar hátíðar sem kallaðist Samhain en nú seinni árin tengjum við þennan dag kannski frekar við bandarískar hrollvekjur og eitt og annað tengt þeim. Ekki er langt síðan að Íslendingar vöktu upp Hrekkjavökuna og Feykir afréð að spyrja Hrafnhildi Viðars út í málið en hún er ein af þeim sem störtuðu Grikk og gott á Króknum. Við hefjum leik á að spyrja hvað standi til...

Héraðsdómur Norðurlands vestra hefur dæmt ungan mann í fimm mánaða skilorðsbundið fangelsi fyrir glæfraakstur á Siglufjarðarvegi í Skagafirði. Í frétt á mbl.is segir að maðurinn hafi ekið á allt að 193 kílómetra hraða á klukkustund áður en hann missti stjórn á bifreiðinni og hún valt út af veginum. Farþegi hlaut alvarlegan heilaskaða í slysinu.

„Föstudaginn 30. október mun fara fram Halloween ball Friðar 2026 í Höfðaborg á Hofsósi. Þetta er árlegur viðburður sem við erum alltaf með en þessi er sá stærsti sem við höfum haldið,“ segir Konráð Freyr Sigurðsson forstöðumaður Húss frítímans / Félagsmiðstöðvarinnar Friðar á Sauðárkróki þegar Feykir spurði hann í morgun út í Hrekkjavökuballið mikla.